எப்போதும் இளமையாக இருக்க..

வயதை மறைப்பதற்காக பிளாஸ்டிக் சர்ஜரி,
போட்டாக்ஸ் போன்ற சிகிச்சைகளை மேற்கொள்வது புத்திசாலித்தனம் கிடையாது.
வயதாவதை இயற்கை வழியிலேயே தள்ளிப்போடலாம். இளமைக்கான ஆதார மாக சென்னை
மண்ணிவாக்கம் சுகவனத்தில் உள்ள வல்லுநர்கள் தரும் தகவல்களை பற்றி இங்கு
காண்போம்.

சத்தான உணவால் முத்தான வாழ்வு

வயதாவதை எதிர்த்துப் போராட நீங்கள்
ஆரோக்கி யமான உணவுகளை உட்கொள்ள வேண்டும். அதற்கு முதலில், அது ஆரோக்கியமான
உணவு என்று நீங்கள் அறிந்து கொள்ள வேண்டும். முழுத்தானிய உணவுகள் எப்போதும்
உங்களுக்கு நன்மை பயக்கும். ஆரோக்கி யமற்ற நடைமுறைகள் உங்களின் உடலநலத்தை
வெகுவாக பாதித்து, விரைவாக வயதான தோற்றத்தைத் தரும். எந்த ஒரு
முதலீட்டையும் போல, ஆரோக்கியத்தில் செலுத்தப்படும் கவனமும் உரிய பலன்
தரும்.

கட்டுப்பாடு இருந்தால் உடல் கெட்டுப்போகாது!

உடலைக்கட்டுக் கோப்பாக வைத்திருப்பதற்கு
உணவுக் கட்டுப்பாடு அவசியம். ஆனால் உடலுக்கு தேவையான கலோரி அளவை மட்டும்
கணக்கிட்டு உண்பது பெரும் தவறாகிவிடும். சுற்றுப்புறச் சூழலையும் நீங்கள்
கவனத்தில் கொள்ளுங்கள். நீங்கள் கோடை காலத்தில் உட்கொள்ளும் உணவும், மற்ற
பருவங்களில் உட்கொள்ளும் உணவும் வித்தியாசமாக இருக்க வேண்டும். உங்களின்
வாழ்க்கை முறையும், செய்யும் வேலையும் உடல்நலத்தில் குறிப்பிடத்தக்க
தாக்கத்தை (மாற்றத்தை) ஏற்படுத்தும்.

முயற்சி, பயிற்சி முக்கியம்

வாரம் மூன்று முறையாவது திறந்த
வெளியிடங்களில் உடற்பயிற்சி செய்ய வேண்டும். ஜிம்முக்கு சென்று உடற்பயிற்சி
செய்வது என்றால், வாரத்துக்கு நான்கு நாளாவது உடற்பயிற்சி செய்வதை
கட்டாயமாக்கிக் கொள்ள வேண்டும். ஒவ்வொரு நாளும் உடலின் வெவ்வேறு
பகுதிகளுக்கு உடற்பயிற்சி செய்வதற்கு போதுமான நேரம் ஒதுக்குங்கள். வயதான
தோற்றத்திற்கு ஒரு முக்கியக் காரணம் மன அழுத்தம், உடற் பயிற்சி யானது
உங்கள் உடலைக் கட்டுக்கோப்பாக வைப்பதோடு மட்டுமின்றி மன அழுத்தத்தையும்
தகர்க்கும்.

ஊட்டச்சத்துக்கள்

இயற்கை உணவுகளில் காணப்படும் அளவற்ற
ஊட்டச்சத்துக்கள் இளமையை நீட்டிக்க உதவும். ஆனால் உணவுப் பொருட்களிலேயே
அதிகமான வேதிப் பொருட்களும் பூச்சிக் கொல்லிகளும் பயன்படுத்தப்படும் காலம்
இது. எனவே நமக்குத் தேவையான வைட்ட மின்கள், குறிப்பாக வைட்டமின் சி, ஈ,
ஆகியவற்றை நாம் வேறு உணவு மூலம் ஈடுச் செய்ய வேண்டும். அதற்கு மீனும்,
எலும்பிச்சை வகை பழங்களும் ஏற்றவை ஆகும். முழுத் தானியங்களையும்
மறந்துவிடாதீர்கள்.

உறக்கம் கெடக்கூடாது

சூரிய வெளிச்சத்துடன் இயைந்து போகும்
வகையில் தான். நமது உடல் கடிகாரம் அமைந்துள்ளது. இரவில் நெடுநேரம்
விழித்திருப்பது நமது உடலுக்கு நாமே தீங்கிழைத்துக் கொள்வதாகும். இரவில்
கண் விழித்திருப்பதன் மூலம் சுரப்பிகளை அதிக நேரம் பணிபுரிய நாம்
நிர்ப்பந்திக்கிறோம். அது, வயதாவதைத் துரிதப்படுத்துகிறது. ஆகவே இரவில்
சீக்கிரமாகத் தூங்கிவிடுங்கள்!.