தவறான தகவலை பரப்புவோருக்கு வலை-ஃபேஸ்புக் டுவிட்டரில் சென்னை போலீஸ்!

கிட்டத்தட்ட இளைஞ்ர்களின் ‘ஏழாம் அறிவு’ மாதிரி ஆகி விட்ட
இணையதளத்தில் ஃபேஸ்புக், டுவிட்டர் பக்கங்களை கண்காணிக்க போலீசில் இணை
கமிஷனர் தலைமையில் தனிப்படை அமைக்கப்பட்டுள்ளது.

தற்போது இளைஞர்கள் மட்டுமல்லாது பெரியவர்கள், சிறியவர்கள் என்று
அனைவரும் இணையதளத்தில் ஃபேஸ்புக், டுவிட்டர் பக்கங்களை
பயன்படுத்துகின்றனர். கம்ப்யூட்டரில் மட்டுமே அதிகமாக பயன்படுத்தப்பட்டு
வந்த இணையதளங்கள், இப்போது செல்போனுக்கும் வந்த பிறகு அதன் பயன்பாடு
அதிகரித்துள்ளது.

இந்த இணையதள பக்கங்களை சிலர் தவறான நோக்கத்திற்காகவும்
பயன்படுத்துகின்றனர். இது தொடர்பாக அவ்வப்போது போலீசுக்கு புகார்களும்
வருகிறது. இதனால் சென்னை போலீசார் ஃபேஸ்புக் மற்றும் டுவிட்டர் பக்கங்களை
கண்காணிக்க முடிவு செய்துள்ளனர்.

இது குறித்து சென்னை போலீஸ் கமிஷனர் ஜார்ஜ், நேற்று காலையில் அதிகாரிகளுடன்
ஆலோசனை நடத்தினார்.அப்போது, சமூக வலைதளங்களை கண்காணிப்பது குறித்து ஆய்வு
நடத்தப்பட்டது. இந்த கூட்டத்தில் வலைதளங்களை கண்காணிக்க, இணை கமிஷனர் அருண்
தலைமையில் தனிப்படை அமைக்கப்பட்டது.

இது குறித்து போலீஸ் டெபுடி கமிஷனர் ஒருவரிடம் கேட்டபோது, ”கடந்த சில
மாதங்களாகவே இணைய தளங்களை கண்காணித்தபோது, சமீபத்தில் மாணவர் போராட்டத்தை
ஃபேஸ்புக், டுவிட்டர் என இணையதளங்கள் மூலமாகவே ஒருங்கிணைத்ததை
கண்டுபிடித்தோம். செல்போனில் தனித்தனியாக அழைப்பது கடினம். எஸ்எம்எஸ்
கொடுத்தாலும் போலீசார் எளிதாக கண்டுபிடித்துவிடுவார்கள். இதனால், அவர்கள்
பேஸ்புக்கை பயன்படுத்தியது தெரியவந்தது. இது குறித்து ஏற்கனவே 2 வழக்குகள்
பதிவு செய்யப்பட்டுள்ளன.

இதனால், இனி ஃபேஸ்புக், டுவிட்டர் இணையதளத்தை நாங்கள் கண்காணிப்போம்.
அதில் சட்டத்துக்கு எதிரான நடவடிக்கைகள், தகவல்களை பரிமாறும்
பயன்பாட்டாளர்களுக்கு முதலில் எச்சரிக்கை செய்வோம். அதையும் மீறி
செயல்பட்டால், அவர்கள் மீது நடவடிக்கை எடுக்கப்படும். அதோடு குறிப்பிட்ட
ஃபேஸ்புக் முகவரியை முடக்க நடவடிக்கை எடுக்கப்படும்” என்றார்.

மேலும் பலர் ஃபேக் ஐடியுடன் ஆட்களின் முகங்களை மறைத்திருந்தாலும்
இவர்களையெல்லாம் கண்டுபிடிப்பது காவல் துறைக்கு ஒன்றும் பெரிய கஷ்டம் இல்லை
என ஐஜி – (இன்டர்னல் செக்யூரிட்டி) ஆபாஷ் குமார் தெரிவித்திருக்கிறார்.
மேலும் சென்னை போலீஸுக்கென் சிறப்பு இணையதளமும், போலீஸ் அக்கவுண்ட்டும்
ஒப்பன் செய்ய்பட்டுள்ளதாக தெரிகிறது.

Facebook, Twitter come under police scanner!
**************************************************
For the first time, the Chennai police have formed a core team to
exclusively monitor activity in the social media, particularly Facebook
and Twitter.The team headed by a Joint Commissioner of Police will work
in coordination with Central/State intelligence agencies, police sources
said on Wednesday.