பூரண மதுவிலக்கை வலியுறுத்திய மாணவர்கள்,குழந்தைகள் உண்ணாவிரதத்தை முடித்து வைத்து..மக்கள் தலைவர் வைகோ அவர்கள் பேச்சு !

by **Tamil** Mon Apr 29, 2013 6:53 am

பூரண மதுவிலக்கை வலியுறுத்திய மாணவர்கள்,குழந்தைகள் உண்ணாவிரதத்தை முடித்து வைத்து..மக்கள் தலைவர் வைகோ அவர்கள் பேச்சு !

பூரண மதுவிலக்கை வலியுறுத்தும் மூன்றாம் கட்ட நடைபயணத்தை, 13-ஆம் நாளான
இன்று காலை 7 மணிக்கு குமாரபாளையத்தில் வைகோ தொடங்கினார். அவர் வரும்
வழியில், கருங்கல்பாளையத்தில் பூரண மதுவிலக்கு கோரி, மாணவர்கள் குழந்தைகள்
உண்ணாவிரதம் இருந்தனர். மாலை 6 மணியளவில் அவர்கள் மத்தியில் தலைவர் வைகோ
அவர்கள் பேசியதாவது :

என்
அரசியல் வாழ்க்கையில் எத்தனையோ போராட்டங்களுக்கு சென்றிருக்கிறேன்.
குழந்தைகள் போராட்டத்தை இன்று தான் முதல் முறையாகப் பார்க்கிறேன்.
காலையிலிருந்து சாப்பிடாமல் இவ்வளவு நேரம் பொறுமையாக இருக்கின்றீர்கள்.
உங்களிடம் அதிக நேரம் எடுத்துக் கொள்ள நான் விரும்பவில்லை.. இந்தக்
குழந்தைகளுக்காகவாவது மதுக்கடைகளை மூடுங்கள். தமிழகத்தில் சராசரியாக 1 கோடி
பேர் மதுவுக்கு அடிமையாகி இருக்கிறார்கள். வருங்கால சமுதாயத்தைக்
காப்பாற்றுவதற்காகத்தான் நான் நடக்கிறேன். நீங்கள் நன்றாக இருக்க வேண்டும்.
மாணவச் சமுதாயமும் நன்றாக இருக்க வேண்டும் என்பதற்காகத்தான், வரும்
வழியெங்கும் மதுவுக்கு எதிரான முழக்கங்களை எழுப்பி வருகிறேன். அப்போது
பெண்கள் என் கையைப் பிடித்துக் கொண்டு மதுவை ஒழிக்க வேண்டும் என்று கண்ணீர்
வடிக்கிறார்கள். அதற்காகவாவது தமிழகத்தில் மதுக்கடைகளை பூட்ட வேண்டும்.
வீட்டில் உங்கள் தந்தை மதுப்பழக்கத்துக்கு அடிமையானால் அவர்களைத்
திட்டாதீர்கள். அதனால், அவர்கள் மதுப்பழக்கத்தை விட்டுவிட மாட்டார்கள்.
மதுக்கடைகளை அடைத்தால் ஒழிய, இந்தப் பழக்கத்தை விட முடியாது.

இவ்வாறு தலைவர் வைகோ அவர்கள் பேசினார்.

குழந்தைகளுக்கும் மாணவர்களுக்கும் பழச்சாறு கொடுத்து உண்ணாவிரதத்தை முடித்து வைத்த வைகோ, நடைபயணத்தை தொடர்ந்தார்.

இந்த நடைபயண நிகழ்ச்சியில் மதிமுக துணை பொதுச்செயலாளர் மல்லை சத்யா,
நாடாளுமன்ற உறுப்பினர் கணேச மூர்த்தி, மாவட்டச் செயலாளர்கள் செல்வராகவன்,
ப.ஆ.சரவணன், எஸ்.பெருமாள், ஆர்.ஆர். மோகன்குமார், ஆர்.டி.மாரியப்பன்,
கொள்கை விளக்க அணிச் செயலாளர் அழகுசுந்தரம், இணையதள ஒருங்கிணைப்பாளர்
மின்னல் முகம்மது அலி, மாநில இளைஞர் அணிச் செயலாளர் ஈஸ்வரன், மாநில மாணவர்
அணிச் செயலாளர் தி.மு.ராஜேந்திரன், மாநில தொண்டரணி அமைப்பாளர் பாஸ்கர
சேதுபதி உட்பட ஆயிரத்துக்கும் மேற்பட்ட தொண்டர்கள் கலந்து கொண்டனர்.

நன்றி :- தோழர்.மின்னல் முகமது அலி.
மாவட்ட துணைச்செயலாளர்.
திருநெல்வேலி.