பாஸ்டன் நகரில் குண்டு வைத்த ஒருவன் சுட்டுக்கொலை: மற்றோருவன் எஸ்கேப்!

அமெரிக்காவின் பாஸ்டன் நகரில் நடைபெற்ற மாரத்தான் போட்டியில் வெடிகுண்டு வைத்த நபர்களில் ஒருவனை போலீசார் இன்று சுட்டுக் கொன்றனர்.

முன்னதாக, அமெரிக்காவின் பாஸ்டன் நகரில் உலகப்புகழ் பெற்ற
மாசாச்சூசெட்ஸ் பல்கலைக்கழகம் மாணவ-மாணவிகள் படித்து வருகின்றனர். இந்த
பல்கலைக் கழகத்தினுள் நுழைந்த மர்ம மனிதன் கண்மூடித்தனமாக துப்பாக்கியால்
சுட்டதில் போலீஸ் அதிகாரி ஒருவர் உயிரிழந்தார்.

ஏற்கனவே, குண்டு வெடிப்பு சம்பவத்தால் அமைதியிழந்திருக்கும் பாஸ்டன்
நகரில் மீண்டும் நடைபெற்றிருக்கும் தாக்குதல் சம்பவம் மக்களிடையே பதற்றத்தை
ஏற்படுத்தியது.சம்பவம் பற்றி தகவல் அறிந்த போலீசார், பல்கலைக்கழக வளாகத்தை
சுற்றி வளைத்து மர்ம மனிதனை பிடிக்க தேடுதல் வேட்டையில் ஈடுபட்டனர்.

வளாகத்தினுள் இருக்கும் அனைவரும் செல்போன்களை அணைத்து வைக்கும்படி போலீசார்
வேண்டுகோள் விடுத்தனர். வகுப்பை விட்டு வெளியே வர வேண்டாம் என மாணவர்களை
எச்சரித்தனர். பல்கலைக்கழக வளாகத்தின் மேல் ஹெலிகாப்டர்களும் பறந்து
தேடுதல் வேட்டையில் ஈடுபட்டன.

போலீஸ் அதிகாரியை சுட்டுக்கொன்ற 2 மர்ம மனிதர்கள் கருப்பு நிற காரில்
தப்பிச் சென்றனர். போலீசாரும் வாகனங்களில் விரட்டிச் சென்றனர். அப்போது,
போலீஸ் வாகனங்களின் மீது வெடிகுண்டுகளை வீசி மர்ம மனிதர்கள் தாக்குதல்
நடத்தினர்.

இதனையடுத்து, மர்ம மனிதர்கள் சென்ற காரை சுற்றி வளைத்த போலீசார்,
காரினுள் துப்பாக்கியால் சுட்டனர். இச்சம்பவத்தில், பாஸ்டன் குண்டு
வெடிப்பு தொடர்பாக போலீசார் தேடி வந்தவர்களில் ஒருவனான கருப்புத் தொப்பி
ஆசாமி குண்டு பாய்ந்து சுருண்டு விழுந்தான்.

விசாரணைக்காக அவனை அழைத்துச் சென்றபோது உயிரிழந்ததாக போலீசார்
தெரிவித்தனர். தப்பியோடிய வெள்ளை தொப்பி ஆசாமியை பிடிக்க போலீசார் அதிரடி
நடவடிக்கைகளில் ஈடுபட்டுள்ளனர்.அப்பகுதியில் உள்ள ஒவ்வொரு வீட்டினுள்ளும்
நுழைந்து தேடுதல் வேட்டை நடத்தி வரும் போலீசார், விரைவில் குற்றவாளியை
பிடித்து விடுவோம் என தெரிவித்தனர்.

One Boston marathon blast suspect shot dead, another at large!
*********************************************************************
Police killed one suspect in the Boston Marathon bombing during a
shootout and were engaged in a house-to-house search for the other on
Friday in the Boston suburb of Watertown.