"இலங்கைக் கடற்படையை எதிற்க ஆயுதம் வழங்கு! உதயகுமார் "

by **logu** Sat Apr 13, 2013 6:57 am

"இலங்கைக் கடற்படையை எதிற்க ஆயுதம் வழங்கு! உதயகுமார் "
=================
இலங்கை கடற்படையால் பிடித்து செல்லப்பட்ட மீனவர்களை விடுவிக்க கோரி
நடைபெறும் இராமேஸ்வரம் மீனவர்கள் போராட்டத்துக்கு ஆதரவு தெரிவித்து
12-04-2013 வெள்ளிக்கிழமை இடிந்தகரையில் அணு உலைக்கு எதிரான போராட்டக்
குழுவினர் உண்ணாவிரதப் போராட்டத்தை மேற்கொண்டனர்.

தினமும் கடலில் தமிழக மீனவர்கள் இலங்கை கடற்படையால் தாக்கப்படுவதனைக் கண்டித்தே இந்த ஆர்ப்பாட்டம் இடம்பெற்றது.

“இலங்கை கடற்படையினரிடமிருந்து தமிழக மீனவர்கள் தங்களை
பாதுகாத்துக்கொள்வதற்காக அவர்கள் ஆயுதம் வைத்துக்கொள்ள அனுமதிக்க வேண்டும்”
என சுப.உதயகுமாரன் கோரிக்கை வைத்துள்ளார்.

இலங்கை கடற்படையினரால்
தமிழக மீனவர்கள் தொடர்ந்து தாக்கப்பட்டு வருகின்றனர். வலைகளை அறுப்பது,
படகுகளை உடைத்தெறிவதோடு மட்டுமல்லாமல் கைது செய்யும் நடவடிக்கையும்
நடைபெற்று வருகிறது. இலங்கை ராணுவத்தால் இதுவரை பிடித்து செல்லப்பட்ட 79
மீனவர்களில் 19 பேர் இன்று விடுவிக்கப்பட்டனர்.

எஞ்சியுள்ளவர்களையும் உடனடியாக விடுவிக்க வலியுறுத்தி, நெல்லை,
தூத்துக்குடி மாவட்டங்களைச் சேர்ந்த 24 கிராமங்களைச் சேர்ந்த மீனவர்கள்
இன்று மீன்பிடிக்கச் செல்லவில்லை. அத்துடன் கூடங்குளம் அணுஉலைக்கு எதிராக
போராடி வரும் இடிந்தகரை கிராமத்தில் தமிழக மீனவர்களை விடுவிக்க வலியுறுத்தி
ஒருநாள் உண்ணாவிரதம் நடந்தது.

இதனை முடித்து வைத்து பேசிய
போராட்டக்குழு ஒருங்கிணைப்பாளர் சுப.உதயகுமாரன், தமிழக முதல்வர்
தெரிவித்ததைப் போல, மத்திய அரசு தமிழக மீனவர்களை மாற்றாந்தாய்
மனப்பாண்மையுடன் நடத்துகிறது. இந்த செயல் வன்மையாக கண்டிக்கத்தக்கது.

தமிழக மீனவர்களின் வாழ்வாதாரத்தை பறிக்கும் செயலில் மத்திய அரசு
ஈடுபடக்கூடாது. தமிழக மீனவர்களை பாதுகாக்கும் பொறுப்பும், கடமையும் மத்திய
அரசுக்கு இருக்கிறது. மீனவர்களை பாதுகாக்க மத்திய, மாநில உரிய நடவடிக்கை
எடுக்க வேண்டும். இல்லையேல் அவர்கள் தங்களை பாதுகாத்துக்கொள்ள ஏதுவாக
ஆயுதம் வைத்துக்கொள்ள தமிழக அரசு நடவடிக்கை எடுக்க வேண்டும் என்றார்.

சுப.உதயகுமாரனின் இந்த பேச்சு அங்கிருந்த மீனவரின் முகத்தில் சந்தோஷத்தை வரவழைத்தது. இந்த சந்தோஷம் தொடர வேண்டும்…