திவாரி, கங்குலி அசத்தல் : கோல்கட்டா வெற்றி * பஞ்சாப் ஏமாற்றம்

மொகாலி:
கிங்ஸ் லெவன் பஞ்சாப் அணிக்கு எதிரான ஐ.பி.எல்., லீக் போட்டியில், 39
ரன்கள் வித்தியாசத்தில் கோல்கட்டா நைட் ரைடர்ஸ் அணி அபார வெற்றி பெற்றது.
மனோஜ் திவாரி, கங்குலி அரை சதம் கடந்து வெற்றிக்கு வித்திட்டனர். பஞ்சாப்
அணியின் தோல்விப் பயணம் நேற்றும் தொடர்ந்தது.



இந்தியாவில் ஐ.பி.எல்., "டுவென்டி-20'
கிரிக்கெட் தொடர் நடக்கிறது. நேற்று நடந்த தொடரின் 23 வது லீக்
போட்டியில், கோல்கட்டா நைட் ரைடர்ஸ், கிங்ஸ் லெவன் பஞ்சாப் அணிகள் மோதின.
"டாஸ்' ஜெயித்த கோல்கட்டா கேப்டன் கங்குலி, பேட்டிங் தேர்வு செய்தார்.
கோல்கட்டா அணியில் டேவிட் ஹசியும், பஞ்சாப் அணியில் பிரட் லீயும் இடம்
பெற்றனர்.



கங்குலி அரை சதம்: பிரட் லீ வீசிய
ஆட்டத்தின் முதல் ஓவரிலேயே 19 ரன்களை சேர்த்து அதிரடி துவக்கம் கண்டது
கோல்கட்டா. ஆனால் இது நீண்ட நேரம் நிலைக்க வில்லை. ஸ்ரீவஸ்தவா வேகத்தில்
கெய்ல், 14 ரன்களுக்கு அவுட்டானார். அடுத்து வந்த மன்தீப் சிங்கையும்
வெளியேற்றி அசத்தினார் ஸ்ரீவஸ்தவா. பின்னர் கங்குலி, மனோஜ் திவாரி இணைந்து
பொறுப்பான ஆட்டத்தை வெளிப்படுத்தினர். 6 பவுண்டரி ஒரு சிக்சர் உட்பட அரை
சதம் பதிவு செய்த கங்குலி, இர்பானிடம் விக்கெட்டை பறிகொடுத்தார்.



திவாரி அதிரடி: அடுத்து வந்த டேவிட் ஹசி
(3), ஏமாற்றம் அளித்தார். மாத்திவ்ஸ் (19) ஓரளவு ரன் சேர்த்தார். ஒரு
முனையில் விக்கெட்டுகள் விழுந்தாலும், மறுமுனையில் திவாரி, அரை சதம்
கடந்தார். இர்பான் பதான் வீசிய ஆட்டத்தின் கடைசி ஓவரில் திவாரி 21 ரன்கள்
சேர்க்க, 20 ஓவர் முடிவில் கோல்கட்டா நைட் ரைடர்ஸ் அணி 5 விக்கெட்
இழப்புக்கு 183 ரன்கள் சேர்த்தது. திவாரி 75 (8 பவுண்டரி 2 சிக்சர்)
ரன்களுடன் அவுட்டாகாமல் இருந்தார்.



போபரா ஏமாற்றம்: சவாலான இலக்கை விரட்டிய
கிங்ஸ் லெவன் பஞ்சாப் அணிக்கு, துவக்கம் சரியாக அமையவில்லை. பாண்ட்
வேகத்தில் போபரா "டக்-அவுட்டானார்'. அடுத்து வந்த யுவராஜ் (24), பிஸ்லா
(22) ஓரளவு ரன் சேர்த்து வெளியேறினர். ஜெயவர்தனா (16) மீண்டும்
ஏமாற்றினார். பொறுப்புடன் ஆடிக் கொண்டிருந்த கேப்டன் சங்ககராவும் (30)
"ஸ்டெம்பிங்' செய்யப்பட, பஞ்சாப் அணியின் நம்பிக்கை தகர்ந்தது.



பஞ்சாப் தோல்வி: "மிடில் ஆர்டரில்' சற்று
நேரம் தாக்குப் பிடித்த இர்பான் (22), கோயல் (17*) ஆறுதல் அளித்தனர். 20
ஓவர் முடிவில் 6 விக்கெட்டுகளை இழந்த கிங்ஸ் லெவன் பஞ்சாப் அணி, 144
ரன்கள் மட்டுமே எடுத்து தோல்வி அடைந்தது. ஆட்ட நாயகன் விருதை மனோஜ் திவாரி
(கோல்கட்டா) கைப்பற்றினார். இத்தொடரில் இதுவரை 6 போட்டிகளில்
விளையாடியுள்ள கிங்ஸ் லெவன் பஞ்சாப் அணி, ஒன்றில் மட்டுமே வெற்றியை எட்டி
பரிதாப நிலையில் உள்ளது.



ஸ்கோர் போர்டு



கோல்கட்டா நைட் ரைடர்ஸ்



கெய்ல் (கே) பிஸ்லா (ப) ஸ்ரீவஸ்தவா 14 (12)
கங்குலி (கே) சாவ்லா (ப) இர்பான் 50 (40)
மன்தீப் (கே) பிரட் லீ (ப) ஸ்ரீவஸ்தவா 4 (7)
மனோஜ் திவாரி -அவுட் இல்லை- 75 (47)
டேவிட் ஹசி (ப) சாவ்லா 3 (5)
மாத்யூஸ் (கே) பிரட் லீ (ப) இர்பான் 19 (11)
சஹா -அவுட் இல்லை- 0 (0)
உதிரிகள் 18
மொத்தம் (20 ஓவரில் 5 விக்., இழப்பு) 183
விக்கெட் வீழ்ச்சி: 1-28 (கெய்ல்), 2-45 (மன்தீப்), 3-124 (கங்குலி), 4-130 (டேவிட் ஹசி), 5-163 (மாத்யூஸ்).
பந்து வீச்சு: பிரட் லீ 4-0-39-0, இர்பான் 4-0-42-2, ஸ்ரீவஸ்தவா 3-0-23-2, மாலிக் 3-0-18-0, சாவ்லா 4-0-35-1, போபரா 2-0-18-0.



கிங்ஸ் லெவன் பஞ்சாப்



போபரா எல்.பி.டபிள்யு., (ப) பாண்ட் 0 (2)
யுவராஜ் (கே) திவாரி (ப) அகார்கர் 24 (16)
பிஸ்லா (கே) ஹசி (ப) அகார்கர் 22 (24)
சங்ககரா (ஸ்டெ) சஹா (ப) கெய்ல் 30 (27)
ஜெயவர்தனா (ப) மாத்யூஸ் 16 (15)
இர்பான் (கே) + (ப) பாண்ட் 22 (14)
கோயல் -அவுட் இல்லை- 17 (17)
பிரட் லீ -அவுட் இல்லை- 7 (5)
உதிரிகள் 6
மொத்தம் (20 ஓவரில் 6 விக்., இழப்பு) 144
விக்கெட் வீழ்ச்சி: 1-0 (போபரா), 2-41 (யுவராஜ்), 3-54 (பிஸ்லா), 4-92 (ஜெயவர்தனா), 5-98 (சங்ககரா), 6-135 (இர்பான்).
பந்து வீச்சு:
பாண்ட் 4-0-24-2, டின்டா 2-0-19-0, கெய்ல் 3-0-23-1, அகார்கர் 4-0-32-2,
அப்துல்லா 2-0-12-0, மாத்யூஸ் 4-0-26-1, டேவிட் ஹசி 1-0-7-0.