Google Glass ,கூகிள் கண்ணாடி என்பது என்ன?

by **sakthy** Wed Apr 10, 2013 8:27 pm

Google Glass ,கூகிள் கண்ணாடி என்பது என்ன?

Cola பானத் தயாரிப்பாளர்கள் தயாரிப்பு விபரங்களை வெளியிடாது வைத்திருந்ததும்,அதை பின்னர் கண்டு பிடித்து விட்டார்கள் என்பதும் நாம் அறிந்த விசயம். இதே போல் பல தயாரிப்பு நிறுவனங்கள் தங்கள் தயாரிப்புக்களை வெளியிட விரும்புவதில்லை.கூகிள் நிறுவனமும் தங்கள் Google Glass விபரங்களை வெளியிடாது இருந்த சமயத்தில்,அது செயல்படும் முறையை Martin Missfeldt என்பவர் கிராபிக் முறையில் வெளியிட்டுள்ளார்.
இந்தக் கண்ணாடி இந்த ஆண்டு இறுதிக்குள் விற்பனைக்கு வருகிறது.இதன் விலை 750 -1000 டாலருக்குள் இருக்கும் என சொல்லப்படுகிறது.

Google Glass ,கூகிள் கண்ணாடி என்பது என்ன? Go1c

Google Glass ,கூகிள் கண்ணாடி என்பது என்ன? Go1c

Google Glass ,கூகிள் கண்ணாடி என்பது என்ன? Go2k

இந்தக் கண்ணாடி இரு சிறிய கணினியைப்(அணியக்கூடிய கணினி) போல் செயல்படுகிறது.இதில் படங்கள்,வீடியோ எடுக்கும் காமெரா,GPS உட்பட WIFI,Bluetooth முறையில் இணையத் தொடர்பு மற்றும் Google Maps,Google+,கால நிலை போன்ற பல வசதிகளும் உண்டு.இது தவிர siri app. போன்று இந்தக் கண்ணாடியும் நமது உத்தரவுகளை செய்யக் கூடியது.அதாவது படம் பிடி,வீடியோ எடு,மொழி பெயர்,செய்தியை அனுப்பு,தேடு,பயண விபரங்கள் போன்ற செய்திகளை நாம் சொல்லி செய்விக்க முடியும்.

முதலில் சாதாரண பிரேமாக உருவாக்கப்பட்ட போதிலும்,இதில் பார்வைக் குறைவுக்கு நாம் பாவிக்கும் கண்ணாடி, மற்றும் sunglass ஐயும் பொருத்தி வைத்துக் கொள்ளலாம்.சுலபமாக முன் பக்கத்தை அசைப்பதன் மூலம் அனைத்து வடிவங்களையும் தூரத்தையும் துல்லியமாக பார்க்க,படம் பிடிக்க முடியும்.இந்தக் கண்ணாடி உருவாக உதவியது Star Trek என்ற அமெரிக்க சினிமாத் தொடர் தான்.

சாரதியற்ற கார் (Driverless Car) போலவே இதுவும் ஒரு புதுமையான தொழில் நுட்பம் என்கிறார்கள்.Start Trek இரசிகர்களுக்கு ஒரு அதிசயமாக இருந்தாலும் வாகனத்தில் செல்பவர்கள்,ஓட்டுனர்கள் இப்படி பலருக்கும் இது ஒரு சிறந்த உதவிதான். கிட்டப்பார்வை தூரப்பார்வை என பார்வைக் குறைவுள்ளவர்களும் பாவிக்க முடியும் என்பது சிறப்பு.

புதுமையாக இருப்பினும் விற்பனைக்கு வந்த பின்னரே பலவற்றை அறிந்து கொள்ள முடியும்.இதே சமயம் வேறு பல நிறுவனங்களும் இரகசியமாக இது போன்றவற்றை உருவாக்கி வருவதாகவும் சொல்லப்படுகிறது.

கைத்தொலைபேசி,சினிமா,தொலைக்காட்சி,இணையம்,சமூக தளங்கள் போன்றவற்றை தவறான வழியில் பாவிப்பதைப் போல், வளர்ந்து வரும் இது போன்ற தொழில் நுட்பத்தை தவறான வழியில் பயன்படுத்தா விட்டால், பெண்களும் மனித இனமும் பயன் பெறுவார்கள் என்பதில் சந்தேகம் இல்லை.