”நாங்க ரொம்ப நல்லவங்க! நேரில் வந்து பாருங்களேன்!! – ஸ்ரீலங்கா அறிவிப்பு!

”எங்களை பொறுத்தவரை மனித உரிமை மீறல் புகார்கள் எல்லாம் வதந்தி
மற்றும் தவறான தகவல்கள் அடிப்படையில் கூறப்படும் குற்றச்சாட்டுகள்
ஆகும்.இப்படி இலங்கை அரசை குறை கூறுபவர்கள் நேரடியாக வந்து நிலைமையை
பார்வையிடட்டும்.” என்று இலங்கை அமைச்சகம் தெரிவித்துள்ளது.

தமிழக சட்டசபையில், கடந்த மாதம் 27–ந் தேதி ஒரு தீர்மானம்
நிறைவேற்றப்பட்டது. அதில், இலங்கையை நட்பு நாடு என அழைக்கக்கூடாது என்றும்,
இலங்கை மீது பொருளாதார தடை விதிக்க வேண்டும் என்றும், தமிழ் ஈழம் குறித்து
இலங்கை தமிழர்களிடையே பொது வாக்கெடுப்பு நடத்த வேண்டும் என்றும்
கூறப்பட்டுள்ளது.

இந்நிலையில், இந்த தீர்மானத்துக்கு இலங்கை அரசு எதிர்ப்பு தெரிவித்துள்ளது.
இதுகுறித்து இலங்கை வெளியுறவு அமைச்சகம் வெளியிட்டுள்ள
அறிக்கையில்,”இலங்கையை நட்பு நாடாக கருதக்கூடாது என்ற சிலரின் கோரிக்கைகள்,
மன அமைதியை குலைப்பதாக உள்ளன. இந்திய–இலங்கை நட்புறவுக்கு இவை ஏற்றதாக
இல்லை.

தேவையற்ற, மிகைப்படுத்தப்பட்ட மனித உரிமை மீறல் குற்றச்சாட்டுகளை
கூறுபவர்கள், இலங்கையின் எதிர்காலத்துக்கு தீர்வாக அர்த்தமற்ற கோரிக்கைகளை
எழுப்புபவர்கள் என அனைவரையும் இலங்கைக்கு நேரில் வந்து பார்க்குமாறு
அழைப்பு விடுக்கிறோம். தேசத்தை மறுகட்டுமானம் செய்யும் பணியில் எவ்வளவு
முன்னேற்றம் ஏற்பட்டுள்ளது என்பதை அவர்கள் நேரில் பார்க்கட்டும்.

தமிழ்நாட்டில், இலங்கைக்கு எதிராக நடைபெற்று வரும் போராட்டங்கள்
தேவையற்றவை. மேலும், வெளிநாடுகளில் வசித்து வரும் இலங்கை தமிழர்கள் சிலர்
தொடர்ந்து போராட்டம் நடத்தி வருவது வருத்தம் அளிக்கிறது. இலங்கை
தமிழர்களுக்கு அரசியல் உரிமை பெற்றுத்தருவது என்ற போர்வையில், அவர்கள்
இலங்கைக்கு எதிரான கோரிக்கைகளை எழுப்பி வருகின்றனர். எங்களை பொறுத்தவரை,
மனித உரிமை மீறல் புகார்கள் எல்லாம், வதந்தி மற்றும் தவறான தகவல்கள்
அடிப்படையில் கூறப்படும் குற்றச்சாட்டுகள் ஆகும்.

இலங்கையில் மனித உரிமை மீறப்படுவதாக கூறிக்கொண்டு, தமிழகத்திற்கு
செல்லும் இலங்கை பயணிகள் மீது தாக்குதல் நடத்தப்படுகிறது.தமிழக மீனவர்கள்
மீது தாக்குதல் நடத்தப்படுவதாக தொடர் புகார்கள் வருகின்றன. இலங்கை கடல்
பகுதிக்குள் நுழையும் தமிழக மீனவர்களை மனிதாபிமானத்தோடு நடத்தும் படி,
கண்டிப்பான உத்தரவு இட்டுள்ளோம்.

இலங்கை கடல் வளத்தை சுரண்டும் நோக்கில் தினமும் ஏராளமான மீன் பிடி
படகுகள் எங்கள் பகுதியில் நுழைகின்றன. இதை தடுக்க உரிய நடவடிக்கை எடுக்கும்
படி இந்திய அரசை வற்புறுத்தியுள்ளோம்.இந்தியாவிலிருந்து நுழையும்
மீனவர்களால், இலங்கை மீனவர்களின் வாழ்வாதாரம் பாதிக்கப்படுகிறது”.இவ்வாறு
இலங்கை வெளியுறவு அமைச்சகம் கூறியுள்ளது.

Why India is right on Sri Lanka!
***************************************
Unless Colombo treats its Tamil citizens with dignity and respect, New Delhi will continue to have limited options