படகில் தனியாக 150 நாட்களில் உலகை வலம் வந்த முதல் இந்தியர்!

படகில் தனியாக 150 நாட்களில் உலகை வலம் வந்த முதல் இந்தியர் என்ற
பெருமைக்கு சொந்தக்காரராகி உள்ளார் லெப்டினன்ட் கமாண்டர் அபிலாஷ் டாமி.
இதன் மூலம் தனது 14 வருட கனவு நனவாகி உள்ளது என்று அவர் தெரிவித்துள்ளார்.

கடந்த 31ம் தேதி தனது சாதனையை மும்பையில் நிறைவு செய்த அவரை ஜனாதிபதி
பிரணாப் முகர்ஜி வரவேற்று நேரில் வாழ்த்தினார்.2009ம் ஆண்டு ஆகஸ்ட் 19ம்
தேதி தனியாக படகுப்பயணம் மேற்கொள்பவர்களை ஊக்குவிக்கும் வகையில் இந்திய
கடற்படை சார்பில் ‘சாகர் பரிக்ரமா 1’ என்ற பெயரில் புதிய படகு ஒன்று
அறிமுகப்படுத்தப்பட்டது.

இந்திய கடற்படை இளம் அதிகாரி அபிலாஷ் டாமி (33) கடந்த ஆண்டு நவம்பர் 1ம்
தேதி மும்பையில் தனது சாதனை பயணத்தை துவக்கினார். இந்த சாதனைக்காக அவர்
இந்தியப் பெருங்கடல், தெற்கு கடல்பகுதி, பசிபிக், அட்லான்டிக் கடல்
பகுதிகளில் 23,100 நாடிகல் மைல் தூரம் பயணித்துள்ளார்.

இதையடுத்து, தனியாக உலகை வலம் வந்தவர்கள் பட்டியலில் உலக அளவில் 80வது
இடத்தில் டாமி உள்ளார். டாமியின் சாதனைக்கு பாராட்டு தெரிவித்த கடற்படை
தலைமை அதிகாரி டி.கே.ஜோஷி இத்தகைய சாதனைகளை படைக்க பெண்களும் முன்வர
வேண்டும் என்றார்.

இந்த சாதனை பற்றி இளம் சாதனையாளர் லெப்டினன்ட் கமாண்டர் அபிலாஷ்
டாமி”படகில் தனியாக உலகை வலம் வர வேண்டும் என்ற எனது நீண்ட நாள் கனவு
தற்போது நனவானதில் மிக்க மகிழ்ச்சி. பயணத்தில் பல இடையூறுகள் ஏற்பட்டது.
குறிப்பாக கேப் ஆப் குட் ஹோப் (நன்னம்பிக்கை முனை) என்ற இடத்தை கடந்தது
வாழ்நாளில் மறக்க முடியாத அனுபவம். சாசக பயணம் மிகவும் சவாலாக இருந்தது.

கடலில் திடீர் திடீரென 30 அடி உயரத்துக்கு அலைகள் எழுந்தது. கடுமையாக
போராடி அந்த பகுதியை கடந்தது இப்போது நினைத்தாலும் அச்சுறுத்தலாகவே
இருக்கிறது. அதே சமயம் ஏராளமான டால்பின்கள், சுறாக்களை ரசித்தபடியே சென்றது
இனிமையான, மறக்க முடியாத அனுபவம்.”என்றார்

மேலும் அபிலாஷை நேரில் வாழ்த்திய ஜனாதிபதி பிரணாப் முகர்ஜி,”சாதனையாளர்
டாமிக்கு எனது மனமார்ந்த பாராட்டுகள். கடல் மற்றும் கடல் பயணம்
வர்த்தகத்துக்கு மட்டும் இல்லை. ஒரு நாட்டின் சமூக, பொருளாதார வளம் கடலை
சார்ந்தே உள்ளது. கடல் பயணம் ஆபத்தானதும்கூட. தனியாக வலம் வர தனி தைரியம்,
மனப்பக்குவம் அவசியம். கடலின் மாற்றங்கள், தன்மை குறித்து அவசியம்
அறிந்திருக்க வேண்டும். படகு குறித்த அறிவும் தேவை. இது இடையூறுகளை களைய
உதவும். டாமை முன்னோடியாக கொண்டு இதுபோல மேலும் பல சாதனைகளை படைக்க
இளைஞர்கள் முன்வரவேண்டும்.”என்று முகர்ஜி வாழ்த்தினார்.

First Indian to sail the globe solo returns home!
******************************************************
Sir, can I go for one more round, please,” Lt Cdr Abhilash Tomy, 34,
asked his commanders soon after he became the first Indian to
circumnavigate the globe non-assisted.It took Tomy 150 days of
continuous sailing in INSV Mhadei to reach the milestone. He arrived at
Gateway of India Saturday afternoon and reported completion of his
voyage to President Pranab Mukherjee, the supreme commander of the armed
forces, who watched the sailor touch shore from an Air Force helicopter
and later felicitated him. Tomy’s arrival was marked with gun salutes
and firing of signal flares. Maharashtra Governor K Sankaranaryanan,
Health Minister Suresh Shetty and senior Navy officers were present to
welcome him.