காங்கிரஸ் கட்சியை காந்தியே கலைத்து விட்டார்: இதோ ஆதாரம்!’ -சட்ட்சபையில் ஜெயலலிதா!

by **mmani** Tue Apr 02, 2013 9:39 pm

காங்கிரஸ் கட்சியை காந்தியே கலைத்து விட்டார்: இதோ ஆதாரம்!’ -சட்ட்சபையில் ஜெயலலிதா!

“மகாத்மா காந்தி தன் கைப்பட எழுதிய காங்கிரஸ் கட்சிக்கான வரைவு சட்ட திட்ட
விதிகளில் அவர் பல காரணங்களுக்காக அகில இந்திய காங்கிரஸ் கமிட்டி என்ற
இந்த காங்கிரஸ் அமைப்பையே கலைத்துவிடுவது என்று முடிவு செய்கிறது என்று
எழுதி இருக்கிறார். ஆகவே, காங்கிரஸ் கட்சியிலேயே உள்ள பலருக்கு காங்கிரஸ்
பற்றிய வரலாறே தெரியாமல் அவர்கள் இங்கே பேசிக்கொண்டு இருக்கிறார்கள்
என்பதற்கு இதுதான் தக்க ஆதாரம்.”என்று முதல்வர் ஜெயலலிதா சட்டசபையில்
ஆதாரத்தைச் சுட்டிக்காட்டி விளக்கினார்.

தமிழக சட்டப்பேரவையி்ல்
காங்கிரஸ் உறுப்பினர்கள் கூறிய கருத்துக்கு இன்று முதல்வர் ஜெயலலிதா பதில்
அளித்து பேசுகையில், ” சட்டப்பேரவையில் உள்ளாட்சித் துறைக்கான மானியக்
கோரிக்கை மீதான விவாதம் நேற்று நடைபெற்றபோது அதில் கலந்து கொண்டு சட்டமன்ற
உறுப்பினர் விஜயதாரணி பேசும்போது சில கருத்துக்களை தெரிவித்தார். அப்போது,
உள்ளாட்சித் துறை அமைச்சர் கே.பி.முனுசாமி குறுக்கிட்டு இந்திய நாடு
விடுதலை அடைந்த பிறகு, மகாத்மா காந்தி காங்கிரஸ் கட்சியையே கலைத்து விட
வேண்டுமென்று கூறினார் என்று சொன்னார்.

அப்போது, உறுப்பினர்
பிரின்ஸ் குறுக்கிட்டு, மகாத்மா காந்தி அப்படி சொல்லவே இல்லை என்றார்.
கூடவே, விஜயதாரணியும் ஆமாம் மகாத்மா காந்தி அப்படி சொல்லவே இல்லை என்றார்.
வேறு சில உறுப்பினர்கள் அப்போது
குறுக்கிட்டு இது வரலாறு, வரலாற்று
உண்மை என்றார்கள். அப்போது உறுப்பினர்கள் பிரின்சும், விஜயதாரணியும்,
மகாத்மா காந்தி இப்படி சொன்னதற்கு எந்த ஆதாரமும் இல்லை என்றார்கள். ஆதாரம்
இருக்கிறது. அந்த ஆதாரத்தை கையிலே வைத்துக் கொண்டு பேச வேண்டும்
என்பதற்காகத்தான் நேற்று நான் பேசாமல் இருந்தேன்.

மகாத்மா காந்தி
30.1.1948 அன்று கொலை செய்யப்பட்டார். மகாத்மா காந்தி படுகொலை
செய்யப்படுவதற்கு ஒரு நான் முன்பு, அதாவது 29.1.1948 அன்று காங்கிரஸ்
கட்சிக்கான ஒரு draft constitution-ஐ எழுதி அனுப்பினார். அதாவது காங்கிரஸ்
கட்சிக்கான ஒரு வரைவு சட்டத் திட்ட விதிகளை எழுதி அவர் அனுப்பினார். இது
மகாத்மா காந்தி கொலை செய்யப்பட்ட பிறகு, 7.2.1948 அன்று அகில இந்திய
காங்கிரஸ் கமிட்டியின் பொதுச் செயலாளர் ஆச்சார்யா ஜூகல் கிஷோர் என்பவரால்
வெளியிடப்பட்டது. “The Collected Works of Mahatma Gandhi – Volume 90”
என்ற புத்தகம் இதோ இருக்கிறது. “The Collected Works of Mahatma Gandhi –
Volume 90” என்ற நூல் மத்திய அரசின் Ministry of Information
and
Broadcasting உடைய Publication Division ஆல் 1984 ஆம் ஆண்டு ஏப்ரல்
மாதத்தில் வெளியிடப்பட்டது. இந்தப் புத்தகத்திற்கு முன்னாள் காங்கிரஸ்
கட்சித் தலைவரும், அன்னாள் பாரதப் பிரதமருமான இந்திரா காந்தி முன்னுரை
foreword எழுதி இருக்கிறார்.

மகாத்மா காந்தி எழுதிய காங்கிரஸ்
கட்சிக்கான சட்ட திட்ட விதிகளில் Draft Constitution/ல் என்ன சொல்லி
இருக்கிறார்? ஆங்கிலத்தில் தான் எழுதி இருக்கிறார். அதாவது அதற்கு தலைப்பு ò
Draft Constitution of Congress.

“Though split into two, India
having attained political independence through means devised by the
Indian National Congress, the Congress in its present shape and form,
i.e. as a propaganda vehicle and parliamentary machine, has outlived its
use.”

அப்படியானால் அதற்கு என்ன அர்த்தம்? காங்கிரஸ்
காலாவதியாகிவிட்டது என்று மகாத்மா காந்தி எழுதி இருக்கிறார். மேலும்
மகாத்மா காந்தி எழுதி இருக்கிறார்.

“India has still to attain
social, moral and economic independence in terms of its seven hundred
thousand villages as distinguished from its cities and towns. The
struggle for the ascendancy of civil over military power is bound to
take place in India’s progress towards its democratic goal. It must be
kept out of unhealthy competition with political parties and communal
bodies. For these and other similar reasons, the AICC resolves to
disband the existing Congress organization …”

அதாவது மகாத்மா
காந்தியே தன் கைப்பட எழுதிய காங்கிரஸ் கட்சிக்கான வரைவு சட்ட திட்ட
விதிகளில் அவர் பல காரணங்களுக்காக அகில இந்திய காங்கிரஸ் கமிட்டி இந்த
காங்கிரஸ் அமைப்பையே கலைத்துவிடுவது என்று முடிவு செய்கிறது என்று எழுதி
இருக்கிறார். ஆகவே, காங்கிரஸ் கட்சியிலே உள்ள பலருக்கு காங்கிரஸ் பற்றிய
வரலாறே தெரியாமல் அவர்கள் இங்கே பேசிக் கொண்டு இருக்கிறார்கள் என்பதற்கு
இது தான் தக்க ஆதாரம்” என்று ஜெயலலிதா கூறினார்.