இந்தியாவுடனான நீண்ட எல்லையைக் கொண்ட நாடு பர்மா. வெளியுலகத்திற்குத் தெரியாமல், நீண்ட காலமாக மக்கள் உரிமைகள் நசுக்கப்படும் நாடுகளில் முதலிடம் பர்மாவிற்கு.

[You must be registered and logged in to see this image.]
இந்தியாவுடனான
நீண்ட எல்லையைக் கொண்ட நாடு பர்மா. வெளியுலகத்திற்குத் தெரியாமல், நீண்ட
காலமாக மக்கள் உரிமைகள் நசுக்கப்படும் நாடுகளில் முதலிடம் பர்மாவிற்கு.

கிட்டத்தட்ட நாற்பது ஆண்டுகளுக்கும் மேலாக ராணுவ கொடுங்கோல் ஆட்சி
நடைபெற்று வருகிறது. அரசாங்கத்திற்கு எதிராக ஒருவரும் கேள்வி கேட்க இயலாது ,
எவ்வித போராட்டமும் நடத்த இயலாது. 1980 களில் எதிர்பாராத எழுச்சி
ஏற்ப்பட்டு மாபெரும் மாணவர் போராட்டம் முன்னெடுக்கப்
பட்டது. உடனடியாக களமிறங்கிய ராணுவம் மூவாயிரத்திற்கும் மேற்ப்பட்ட
மாணவர்களை நடு வீதியில் சுட்டு வீழ்த்தியது. மக்கள் தலைவியாக ஏக மனதாக
ஏற்றுக்கொள்ளப் பட்ட ஆங் சாங் சூகி பல்லாண்டு காலமாக கட்டுக்காவலில்
வைக்கப்பட்டார்.

சனநாயகம் முற்றிலும் மறுக்கப் பட்டுக்
கிடந்தாலும், மக்கள் மனதில் சுதந்திரதிர்க்கான வேட்கை குன்றின் மீது
வைக்கப் பட்ட விளக்காக இல்லாவிடினும் குடத்து விளக்காக சுடர்விட்டுக்
கொண்டிருந்ததே தவிர அது அணைந்து விட வில்லை. பத்திரிக்கை சுதந்திரம்
முற்றிலும் மறுக்கப் பட்டு இருந்தது. மக்கள் மத்தியில் ராணுவமும்,
உளவாளிகளும் எப்போதும் நிரம்பி இருந்தனர். கண்டதும் சுட்டுத்
தள்ளிவிடுவார். அத்தகைய சூழலிலும் தங்களது உயிரைப் பணயம் வைத்து, காட்சிகள்
செய்திகளை ரகசியமாகப் பதிவு செய்து சர்வதேச ஊடகங்களுக்கு வெளிச்சம் போட்டு
காட்டினர் அங்கிருந்த ஊடகவியலாளர்கள். அத்தகைய செய்தியாளர்கள் பலர்
சுட்டுக் கொல்லப் பட்டுள்ளனர். ஆயுள் கைதிகளாக சிறையடைக்கப் பட்டுள்ளனர்.
ஆயினும் அவர்கள் கடமையைச் செய்தனர். அவர்கள் தான் உண்மையான ஊடகவியலாளர்கள் .
அவர்களுக்கும் நமது நாட்டு ஊடகங்களுக்கும் ஏணி வைத்தாலும் எட்டாது.
கற்பனைக்காகக் கூட அத்தகைய ஒப்பீடை செய்ய இயலாது.

இத்தகைய ஒரு
கால கட்டத்தில் கடந்த 2007 ஆம் ஆண்டு , விலை வாசி ஏற்றதை எதிர்த்து எழுந்த
எதிர்ப்பின் தொடர்ச்சியாக, ஆயிரக் கணக்கான புத்த துறவிகள் நிராயுதபாணிகளாக
போராட்டத்தில் இறங்கினர். ராணுவத்தின் துப்பாக்கிகளை எதிர்த்து நின்றனர்.
அதனைத் தொடர்ந்து 80 களில் நடந்து போலவே மாணவர்கள் போராட்டத்தில்
இறங்கினர். ரகசிய ஊடகங்கள் பர்மாவில் இருந்து அனுப்பிய ஆவணங்களை சர்வதேச
ஊடகங்கள் உலகம் முழுதும் ஒளிபரப்பின. அதன் ஒரு தொடர்ச்சியாக இன்றைக்கு ஆங்
சாங் சூகி விடுதலை செயப் பட்டுள்ளார் (?!).

மேற்குலக நாடுகள்
பலவற்றின் ஏகோபித்த ஆதாரவையும் மரியாதையையும் பெற்றிருந்த சூகியை பல்வேறு
நாட்டுத் தலைவர்கள் தங்கள் நாட்டிற்கு விருந்தினராக அழைத்திருந்தனர்.மே
2012 இல் சுகி யைச் சந்தித்த நம் பிரதமர் மன்மோகனும் அழைப்பு
விடுத்திருந்தார். ஒபாமா உள்ளிட்ட பல்வேறு நாட்டுத் தலைவர்களைச்
சந்தித்துவிட்டு 12 ஆவது நாடக அண்டை நாடான இந்தியாவிற்கு வருகை தந்தார்.
எங்களது நியாயமான போராட்டத்தில், பர்மாவின் நலனில் எங்களது அண்டை நாடான
இந்தியாவின் செயல்பாடுகள் திருப்திகரமாக இருக்க வில்லை என்பது போன்று பேசி
விட்டுச் சென்றுள்ளார்!!

சுருக்கமான இந்தப் பதிவில் இருந்து அறியப்பட வேண்டிய செய்திகள் சில உள்ளன:
1. நமது நாட்டின் அயலுறவுக் கொள்கையின் இலட்சணத்தைத் தெரிந்துகொள்ள உதவி இருக்கிறது!
2. மக்களின் நியாயமான உணர்வுகள் எத்தனை ஆண்டுக் காலாம் ஆனாலும் ஒருபோதும் அணைந்து விடாது. அது ஒருநாள் வெடிக்கும்
3. மக்கள் உரிமைகளைக் காப்பதில் ஊடகங்களின் பங்கு அளப்பரியது. சுதந்திர
நாடக இருந்தாலும், இன்றைக்குக் காரி உமிழத்தக்க நிலையில் இருக்கும் நமது
காட்சி மற்றும் எழுத்து ஊடகங்கள் பல தங்களது மேலான பொறுப்பினை உணர
வேண்டும். இன்றைக்கு மாணவர்கள் முன்னெடுத்துள்ள போராட்டத்தை ஆதரிக்க
வேண்டும். ஊழல் பெருச்சாளிகளையும் சமூக விரோதிகளையும் தங்கள் சுயநலத்தைப்
பொருட்படுத்தாது, சமூகத்திற்கு அடையாளம் காட்ட வேண்டும்.
4. பர்மாவைப் போல் போராட்டக் காரர்களை இங்கே எவரும் சுட்டு வீழ்த்தப் போவது இல்லை.
5. பர்மாவைப் போல் அடக்குமுறை இல்லாவிடினும் நியாயமான உணர்வுகளுக்காகப்
போராட வேண்டிய தேவை நிலவுகிற இன்றைய சூழலில், தங்களால் இயன்றவரையேனும்
போராட வேண்டும். இல்லையேல் வருங்கால வரலாறு நம்மைப் பழிக்கும்.
6. தர்மம் நியாயம் ஒருநாள் வெல்லும்!! -