கூகுள் ஆண்டிராய்டு சாப்ட்வேர் தலைமை நிர்வாகியானார் தமிழகத்தை சேர்ந்த சுந்தர் பிச்சை!

அமெரிக்காவின் கலிபோர்னியா மாகாணத்தை தலைமையிடமாகக் கொண்டு
இயங்கிவரும் கூகுள் கம்பெனியின் ஒரு பிரிவுதான் விற்பனை உலகில் கொடிகட்டிப்
பறக்கும் ஆண்டிராய்டு மொபைல் போன்கள். இந்த வகை போன்களை வடிவமைத்தவர்
என்று புகழப்படும் ஆண்டி ரூபின் என்ற அமெரிக்கர் இதன் தலைமைப் பொறுப்பை
வகித்து வந்தார்.

தங்களின் அனைத்து சாப்ட்வேர் பிரிவுகளையும் ஒன்றாக இணைக்கவிருப்பதால்,
ஆண்டி ரூபின் பதவி விலகுகிறார் என்ற அறிவிப்பை கூகுள் நிறுவனம் நேற்று
வெளியிட்டது. மேலும், அவர்களின் குரோம் வெப் பிரௌசர், கூகுள் டிரைவ், ஆப்ஸ்
மற்றும் ஜி-மெயில் இவற்றின் நிர்வாகப் பொறுப்பில் இருக்கும் சுந்தர்
பிச்சை என்ற தமிழரை ராபினின் பதவியில் நியமித்துள்ளது. இந்த முடிவின் மூலம்
கம்பெனியின் தலைமையில் இருந்துவந்த நீண்டநாள் குழப்பம்
தீர்க்கப்பட்டுள்ளது.

இவர் தற்போது கூகுளின் குரோம் வெப் பிரவுசரைக் கவனித்து வருபவர் ஆவார்.
மேலும் குரோம் ஆபரேட்டிங் சிஸ்டமும் இவர் வசம்தான் இருக்கிறது. இனிமேல்
ஆண்ட்ராய்டையும் இவரே சேர்த்துப் பார்க்கப் போவதால் கூகுளுக்கு மிகப் பெரிய
பலன் கிடைக்கப் போகிறது.

அதாவது மொபைல் போன்களில் ஆதிக்கம் செலுத்தி வரும் ஆண்ட்ராய்டுடன் கூகுள்
குரோமும் இணைந்து இரட்டிப்பு பலனைப் பெறும் வாய்ப்பு உருவாகியுள்ளது.
இதுவரை பர்சனர் கம்ப்யூட்டர்களும், மொபைல் போன்களும் ஒன்றுக்கொன்று
வேறுபட்ட பாதையில்தான் பயணித்து வருகின்றன. இதற்குக் காரணம் ஆபரேட்டிங்
சிஸ்டத்தில் உள்ள சில தொழில்நுட்பப் பிரச்சினைகள்தான்.

ஆனால் தற்போது ஆண்ட்ராய்டும், கூகுள் குரோமும் கை கோர்த்துள்ளதால் இந்த
வேறுபாடு நீங்கி இரண்டும் ஒரே பாதையில் பயணிக்கும் வாய்ப்பு
அதிகரித்துள்ளது. போன ஆண்டிலேயே கூகுள் செயல் தலைவர் எரிக் ஸ்மித், ஒரு
நாள் ஆண்ட்ராய்டும், குரோமும் ஒன்று கலக்கும் என்று
கூறியிருந்தார்தான்.ஆனால் தற்போதுதான் அது நிறைவேறும் வாய்ப்பு வந்துள்ளது.
இப்போது பெரும்பாலான ஸ்மார்ட் போன்கள் ஆண்ட்ராய்ட் பின்னணியில்தான்
இயங்குகின்றன. அதேசமயம், கூகுளின் குரோம் ஆபரேட்டிங் சிஸ்டம் பிரபலமாக
இருந்தபோதிலும், மொபைல் போன்களில் அது பெரிய அளவில் கால் ஊன்றாமல்
இருக்கிறது.

இதற்கிடையில் சுந்தர் பிச்சையின் வழிகாட்டுதலில், கூகுள், குரோம்
சிஸ்டம் பயன்பாட்டில் பல கம்ப்யூட்டர் வெளியீடுகளை அளித்துள்ளது. சென்ற
மாதம் இவர், குரோம் புக் பிக்சல் என்று பெயரிடப்பட்ட குரோம் கணினிப்
பயன்பாட்டுடனும், தொடுதிரையுடனும் கூடிய ஒரு லேப்-டாப்பை வெளியிட்டார்.

ஆண்டிராய்டு மற்றும் குரோம் தொழில்நுட்பங்கள் ஒன்று சேர்ப்பதற்கான வழி
இது என்று வல்லுனர்கள் கருதுகின்றனர். ஆயினும், ஆண்டிராய்டின்
பிரபலத்தையும் தாண்டி, குரோம் தொழில்நுட்பமே கம்பெனியின் முதன்மையான
யுக்தியாகத் தெரிகிறது.

IITian Sundar Pichai to replace Andy Rubin as Google Android chief !
*****************************************************************************
Andy Rubin has stepped down as the executive in charge of Google’s
Android operating system for smartphones and tablet computers, ending a
seven-year reign that reshaped the technology industry.The unexpected
change announced Wednesday may raise new questions about Android’s
direction as Google duels with Apple Inc., Microsoft Corp. and a long
list of other companies in the increasingly important mobile computing
market.Google is replacing Rubin with Sundar Pichai, an executive in
charge of the company’s Chrome Web browser and operating system for
lightweight laptop computers. That move may heighten recurring
speculation that the Chrome operating system eventually will supplant
Android. Google executives so far only have said they want to make sure
the two operating systems can operate cohesively together.
-http://www.aanthaireporter.com/?p=25398-

வாழ்த்துக்கள் ...................