கூகுள் மூலம் உளவு பார்க்கும் எப்பிஐ கூகுள் நிறுவனம் ஒப்புதல் வாக்கு மூலம்

கூகுள் மூலம் உளவு பார்க்கும் எப்பிஐ
கூகுள் நிறுவனம் ஒப்புதல் வாக்கு மூலம்

வாஷிங்டன், மார்ச் 9 - கூகுள் நிறுவனத்தின் வாடிக்கையாளர்களை அமெரிக்க புலனாய்வுத் துறையான
எப்பிஐ ரகசியமாக உளவு பார்த்து வருவதாக கூகுள் நிறுவனம் தெரிவித்துள்ளது.
இன்றைய இணைய உலகில் பெரும்பகுதி மக்கள் தங்களின் தகவல் தொடர்புக்கு கூகுள்
தளத்தை பயன்படுத்தி வருகின்றனர். அதில் குறிப்பாக மின்னஞ்சல், வரைபடம்,
தகவல் சேமிப்பு உள்ளிட்ட பல்வேறு தேவைகளுக்கு கூகுள் தளத்தை பயன்படுத்தி
வருகின்றனர். இவையனைத்தும் பாதுகாக்கப்பட்டவை. ரகசியமானவை என மக்கள்
நினைத்து வருகின்றனர்.

ஆனால் அவை உண்மையல்ல என்ற போதிலும்
ஒரு நாட்டின் உளவு நிறுவனமும், கூகுளை பயன்படுத்தி உளவு பார்த்து தனக்கு
வேண்டப்படாதவர்களை அழித்தொழித்து வருகிறது என்பது இணைய பயன்பாட்டாளர்கள்
மத்தியில் அதிர்ச்சியை உருவாக்கியிருக்கிறது.இதுகுறித்து
அந்நிறுவனம் வெளியிட்டுள்ள அறிக்கையில் கூறியிருப்பதாவது: அமெரிக்க அரசின்
புலனாய்வுத்துறையான எப்பிஐ, தேசிய பாதுகாப்பு கடிதங்களை காட்டி தொடர்ந்து
கூகுளைபயன்படுத்துபவர்களின் தனிப்பட்ட தகவல்பரிமாற்றம் மற்றும்
நடவடிக்கைகளை கண்காணித்து தகவல்களை சேகரித்து வருகிறது. 2012ம் ஆண்டின்
கடைசி 6 மாதங்களில் மட்டும் கூகுளை பயன்படுத்தும் குறிப்பிட்ட 14 ஆயிரத்து
790 நபர்களின் கணக்குகளை கேட்டு பெற்று அவர்களின் தகவல்களை சேகரித்து
இருக்கிறது எப்பிஐ. தொடர்ந்து இவர்களின் நடவடிக்கைகள் கண்காணிக்கப்பட்டு
வருகின்றன.இதுதவிர நீதிமன்ற ஆணையை கண்காணித்து 10 ஆயிரத்திற்கும் மேற்பட்ட
நபர்களின் நடவடிக்கைகளை கண்காணித்து, தகவல்களை அவர்களுக்கு தெரியாமல்
சேகரித்து வருகிறது. நீதிமன்ற பிடியாணையை காண்பித்து சுமார் 3 ஆயிரம்
பேரின் தகவல்கள் மற்றும் நடவடிக்கைகளை கேட்டு பெற்றிருக்கிறது. இதே போல்
நிதிமன்ற உத்தரவை காண்பித்து 1250 பேரின் தகவல்கள் மற்றும் கோப்புகளை
அழித்திருக்கிறது என்று தெரிவித்திருக்கிறது.இது போன்று திருட்டுத்தனமாக
ஒருவரின் தனிப்பட்ட வகையிலான உரையாடல்கள். தகவல் பரிமாற்றங்களை தெரிந்து
கொண்டு, அதனை பயன்படுத்தி அவருக்கு இடையூறு செய்தல், தேவைப்பட்டால்
திட்டமிட்டு சிக்கவைத்தல் உள்ளிட்ட பல்வேறு செயல்களில் தொடர்ந்து எப்பிஐ
ஈடுபட்டு வருகிறது. தேசபக்தி என்ற பெயரில் தனி நபர்களின் உரிமைகளில்
தலையிட்டும், ஜனநாயக ரீதியில் அரசுக்கு எதிரான கருத்துக்களை
தெரிவிப்பவர்களையும் குறிவைத்து அழிப்பதற்கு இணைய பயன்பாட்டை அமெரிக்கா
பயன்படுத்தி வருகிறது.

இது ஒரு சட்டவிரோமான செயல் ஆகும். இங்கு
அடிப்படை கருத்துரிமையைக்கூட அமெரிக்க அரசு அனுமதிப்பதில்லை என்பதை இதன்
மூலம் புரிந்து கொள்ள முடியும், இது மிகப்பெரிய ஆபத்தான போக்கு ஆகும் என
அமெரிக்காவில் உள்ள இணைய பயன்பாட்டாளர்களே குற்றம் சாட்டியுள்ளனர்.கூகுள்
நிறுவனத்தில் தனது பயன்பாட்டாளர்களின் தனிப்பட்ட ரகசியத்தை காப்பதில்
தோல்வியை தழுவியிருக்கிறது என ஐரோப்பா ஒன்றியம் 2012 ம் ஆண்டிலேயே
தெரிவித்திருந்தது. இதே போல் அமெரிக்க தேசிய பாதுகாப்பு முகமையின்
வில்லியம் பென்னி அமெரிக்காவில் உள்ள ஒவ்வொரின் நடவடிக்கையும் அவர்களுக்கு
தெரியாமல் இணையத்தின் மூலம் கண்காணிக்கப்பட்டு வருகிறது. இது மிகவும்
அபாயகரமான நடவடிக்கை என தெரிவித்துள்ளார்.