’பாலச்சந்திரனை இலங்கை ராணுவம் சுட்டுக் கொன்றது உண்மையாகயிருந்தால் நான் பொறுப்பேற்கிறேன்!’ – ராஜபக்‌ஷே பேட்டி!

”கடந்த
2009-ம் ஆண்டு நடந்த இறுதிகட்ட போரில் எந்த வித போர்க்குற்றங்களும்
நடக்கவில்லை. சர்வதேச அமைப்புகளும், ஊடகங்களும் தான் அதனை
பெரிதாக்கிவிட்டன. இலங்கை அரசு எதிராக இங்குள் எதிர்க்கட்சிகள் மற்ற
நாடுகளின் ஆதரவினை பெற்று இது போன்று பிரசாரம் செய்து வருகி்ன்றன.”
என்கிறார் இலங்கை அதிபர் ராஜ பக்‌ஷே!

இலங்கையில் 2009-ம் ஆண்டு நடந்த இறுதிக்கட்ட போரில் விடுதலைப்புலிகள் தலைவர் பிரபாகரன் கொல்லப்பட்டார்.
இதையடுத்து ஏராளமான விடுதலைபுலிகள் இலங்கை ராணுவத்திடம் சரணடைந்தனர். இவர்களில் சிலர் ரகசிய இடத்தில் வைத்து கொல்லப்பட்டனர்.

இதற்கிடையில் கடந்த மாதம் பிரபாகரனின் 12வயது இளையமகன் பாலச்சந்திரன்,
இலங்கை ராணுவமுகாமில் பிடித்து வைக்கப்பட்டும், பின்னர்
சுட்டுக்கொல்லப்பட்டது ‌போன்ற புகைப்படங்கள் வெளியாகின. இவற்றினை சேனல்-4
வெளியிட்டது. மேலும் இலங்கையில் போர் குற்றம் நடந்துள்ளதைச் சுட்டிக்
காட்டி ஜெனிவாவில் நடந்து வரும் ஐ.நா.மனித உரிம‌ை கவுன்சில் கூட்டத்தில்
இலங்கைக்கு எதிராக அமெரிக்கா தீர்மானம் கொண்டு வர உள்ளது.

இந்நிலையில் இலங்கை அதிபர் மகிந்தா ராஜபக்ஷே அளித்துள்ள ஒரு பேட்டியில்,
”கடந்த 2009-ம் ஆண்டு நடந்த இறுதிகட்ட போரில் எந்த வித போர்க்குற்றங்களும்
நடக்கவில்லை. சர்வதேச அமைப்புகளும், ஊடகங்களும் தான் அதனை
பெரிதாக்கிவிட்டன. இலங்கை அரசு எதிராக இங்குள் எதிர்க்கட்சிகள் மற்ற
நாடுகளின் ஆதரவினை பெற்று இது போன்று பிரசாரம் செய்து வருகி்ன்றன. எகிப்து,
துனீசியா, லிபியா ,சிரியா ஆகிய நாடுகளில் ஏற்பட்ட கிளர்ச்சியை போன்று
இலங்கையிலும் தூண்டிவிட சதி நடக்கிறது. அதனை ஒரு போதும் இலங்கையில் நடக்க
அனுமதிக்கமாட்டேன்.

விடுதலைப்புலிகள் தலைவர் பிரபாகரனின் மகன் பாலச்சந்திரனை இலங்கை
ராணுவத்தினர் சுட்டுக்கொல்லவில்லை. அப்படி நடந்திருந்தால் அது எனது
கவனத்திற்கு வந்திருக்கும். நடந்த சம்பவத்தில் உண்மையிருந்தால் நான்
பொறுப்பேற்கிறேன்.

தமிழர்களுக்கு அதிகாரப்பகிர்வு தோல்வி:போருக்குபின்னர் 14 ஆயிரம்
விடுதலைப் புலிகள் கைதாகி சிறையில் அடைக்கப்பட்டனர். தற்போது அவர்கள்
விடுதலை செய்யப்பட்டு அரசின் மறுவாழ்வு திட்டத்தின் மூலம் அவர்கள்
புதுவாழ்வு பெற்று வருகின்றனர்.

கடந்த மூன்றாண்டுகளில் இலங்கையில் அமைதி திரும்ப பெரும் முயற்சி
மேற்கொண்டேன். நான் அடிப்படையில் புத்த மதத்தினை சேர்ந்தவன்‌,
சகிப்புத்தன்மையும் இரக்க உணர்ச்சியும் எனக்கு உண்டு.

இங்குள்ள தமிழ் கட்சிகள் அனைத்தும் தமிழ் தேசிய கூட்டணியின்(டி.என்.ஏ.)
கீழ் இணைந்தால் தமிழர்களுக்கு அரசியல் ரீதியான தீ்ர்வு நிச்சயம்
கிடைக்கும். இலங்கை அரசியலமைப்பு சட்டம் 13 திருத்தத்தின் படி இறுதி கட்ட
போருக்கு முன்னர் தமிழர்களுக்கு அதிகார பகிர்வு வழங்கிட முயற்சி
மேற்கொள்ளப்பட்டது ஆனால் அது தோல்வியில் தான் முடிந்தது.

வடக்கு மாகாணங்களில் வரும் செப்டம்பருக்குள் தேர்தல் நடத்தப்படும்.போர்
முடிவுக்கு வந்ததும் யாழ்ப்பாணத்தில் 3 ஆண்டுகளில் அனைத்து உள்கட்டமைப்பு
வசதிகளையும் செய்து கொடுத்துள்ளோம். 3 ஆண்டுகளில் யாரால் இதைச் செய்ய
முடியும். யார் வேண்டுமானாலும் இங்கு வந்து பார்த்து விட்டு என்னுடன்
விவாதம் நடத்தலாம். மனித உரிமைகள் மீறல் தொடர்பான விஷயத்தில் இலங்கையை
மட்டும் பந்தாடுகிறார்கள்.

அவரவர் செய்யும் பாவங்களை மூடி மறைக்க எங்கள் மீது குத்து
விடுகிறார்கள். ஐ.நா. மனித உரிமை தீர்மானம் தொடர்பான விஷயத்தில் இந்தியா
என்ன செய்ய வேண்டும் என்பது அந்த நாட்டுக்கு தெரியும். எங்களது பக்கத்து
நாடு, எங்கள் நட்பு நாடு என்ற வகையில் இந்தியாவுக்கு நாங்கள் எந்த
கட்டளையும் இட வேண்டிய அவசியம் இல்லை.

இலங்கையில் நடந்த மனித உரிமை மீறல்கள் தொடர்பாக நாங்கள் வழக்குப்பதிவு
செய்துள்ளோம். தகுந்த தண்டனையும் வழங்குவோம். எங்கள் நாட்டு சட்டப்படி
இதில் தகுந்த நடவடிக்கை எடுப்போம். போரின்போது நாங்கள் பிடித்து
வைத்திருந்த 14 ஆயிரம் விடுதலைப்புலிகளை விடுதலை செய்து இருக்கிறோம்.

அவர்கள் கொலை உள்ளிட்ட கொடுங் குற்றம் புரிந்தவர்கள். ஆனால் மறுவாழ்வு
அடிப்படையில் விடுதலை செய்து இருக்கிறோம். அவர்கள் மீது வழக்கு போட்டால்
என்ன நடக்கும்? நான் புத்தரின் கொள்கையை கடைப்பிடிப்பவன். இன்னும் ஏராளமான
விடுதலைப்புலிகள் சிறையில் இருக்கிறார்கள். அவர்களையும் விடுதலை செய்வது
பற்றி ஆலோசனை நடத்தி வருகிறேன்.

2012-ல் ஜெனீவா தீர்மானத்தில் இலங்கைக்கு எதிராக இந்தியா வாக்களித்த
பின்பும் அந்த நாட்டுடனான நட்பு நன்றாக இருக்கிறது. அதற்கு நிறைய
சம்பவங்களை எடுத்துக்காட்டாக கூறலாம். இந்திய (தமிழக) மீனவர்கள் எங்கள்
கடலில் மீன் பிடிக்கிறார்கள். ஆயிரக்கணக்கான மீனவர்கள் எல்லை தாண்டி
வந்து மீன் பிடித்துச் செல்கிறார்கள். அவர்களை நாங்கள் தடுக்கவில்லை.

எங்கள் நாட்டு சிறையில் இருந்த இந்திய மீனவர்களை திரும்ப அனுப்பி
ஒப்படைத்து இருக்கிறோம். தமிழ்நாட்டுக்கு செல்லும் இலங்கை பக்தர்களை
திருப்பி அனுப்பும் சம்பவம் நடக்கிறது.

அது போன்று இலங்கையில் எந்த இந்தியரையும் திருப்பி அனுப்பிய சம்பவம் நடை
பெறவில்லை. இலங்கையை இந்தியா எதிர்க்க வேண்டும் என்பதற்காக அங்குள்ள சிலர்
இது போன்ற செயல்களில் ஈடுபடுகிறார்கள். அவை அனைத்தும் அரசியல்
காரணங்களுக்காக நடக்கிறது என்பதும் எனக்கு தெரியும்.

இதற்கு பின்னரும் ஜெனிவாவில் நடந்து வரும் மனித உரிமை கவுன்சில்
கூட்டத்தில் இலங்கைக்கு எதிரான தீர்மானம் குறித்து இந்தியா தனது கடமையை
செய்யும் என்று நம்புகிறேன். இலங்கை எப்போதுமே இந்தியாவின் நட்பு நாடுதான்.
எனினும் இது குறித்து இந்தியாவிடம் நான் விவாதிக்கவில்லை”என்று. ராஜபக்‌ஷே
கூறினார்.

இதற்கிடையே இலங்கை போர்க்குற்றம் குறித்த ஆவணப்படம் ஜெனிவாவில் திரையிடப்பட்டுள்ளது.அப்போது இந்த
தீர்மானம் ‌கொண்டு வர உள்ள அமெரிக்க கூறுகையில், ”இலங்கையி்ல் நடந்துள்ள
மனித உரிமை மீறல்கள் மற்றநாடுகளை கவலையடையச் செய்‌துள்ளது. இதனை ஐ.நா.வும்
கவனத்தில் ‌கொண்டுள்ளது” என தெரிவித்துள்ளது.

Rajapaksa denies Army killed Balachandran
************************************************
Sri Lankan President Mahinda Rajapaksa has denied that the Army killed
LTTE chief Prabakaran’s 12-year-old son Balachandran.“Had it happened, I
would have known [it]. It is obvious that if somebody [from the armed
forces] had done that, I must take responsibility. We completely deny
it. It can’t be,” he told The Hindu in an exclusive interview.On new
evidence of wrongdoing in the final stages of the war in 2009, collated
by international organisations and media outlets, he said that putting
out such reports and videos was their job. “We must not merely look at
one side. They must not merely listen to one group and the Opposition
[in Sri Lanka]. So they [the Opposition] are trying to get the support
of other countries to create an ‘Arab Spring’ here. That won’t happen in
Sri Lanka.”