கம்பியூட்டர் பிரச்சினைகளும் தீர்வுகளும் – Windows Cannot Open This File

Windows Cannot Open This File


கணினியினால் குறிப்பிட்ட கோப்பு ஒன்றை
திறக்கமுடியாமல் இருக்கும்போது இந்த தகவலுடன் கூடிய Dialog Box ஒன்று
தோன்றும். புதிய, சில வித்தியாசமான File Extension களை திறக்கும்போது
இத்தகைய பிரச்சினைகளை எதிர்நோக்கியிருப்பீர்கள். ஏன் இப்படி Dialog Box
தோன்றுகிறது? காரணம் சிலருக்கு தெரிந்திருக்கும், சிலருக்கு தெரியாமல்
இருக்கும். ஆகவே என்ன காரணத்தினால் இத்தகைய Dialog Box தோன்றுகிறது என்பதை
ஆரம்பத்தில் பார்ப்போம்.

கணினியில் சேமிக்கப்பட்டுள்ள கோப்புகள்
ஒவ்வொன்றும் அவற்றிற்கென்று தனியான Extension ஐ கொண்டிருக்கும். உதாரணமாக
வீடியோ கோப்புகள் .AVI, .MPEG, .MP4 , .FLV எனவும் ஒலிக்கோப்புகள் .MP3 ,
.Wave , .WMA , .AC3 எனவும் இவற்றைவிட .JPG , .PNG, .XLS, .DOC, .TXT… etc
etc என பல்வேறுவகையான Extension கள் உள்ளன. ஒவ்வொரு Extension இற்கும்
அவற்றை வாசிப்பதற்கென பிரத்தியேகமான மென்பொருள்கள்
வடிவமைக்கப்பட்டிருக்கும். வீடியோ Extension களை வாசிக்க வீடியோ
ப்ளேயர்களும், ஒலிக்கோப்புகளுக்கு Audio Player களும் என ஒவ்வொரு விதமான
Extension இற்கும் ஒவ்வொரு விதமான மென்பொருள் இருக்கும். இவ்வாறு சில
Extension களை வாசிப்பதற்கு பொருத்தமான மென்பொருள் உங்கள் கணினியில்
இல்லாமையே மேற்கூறிய Dialog Box தோன்றுவதற்கு காரணம்.

இதற்கான
தீர்வு என்ன ? இந்த Dailog Box இல் இரண்டு தெரிவுகள் தரப்பட்டிருக்கும்.
முதலாவது தெரிவு Use the Web service to find the correct program என்பது.
இதை தெரிவு செய்வதன் மூலம் குறித்த Extension ஐ வாசிப்பதற்கு பொருத்தமான
மென்பொருளை இணையத்தின் உதவியுடன் பெற்றுக்கொள்ளலாம். இரண்டாவது தெரிவு
Select a program from a list of installed programs என்பது. குறித்த
Extension ஐ வாசிப்பதற்கு பொருத்தமான மென்பொருள் உங்கள் கணினியில்
இருக்கிறது என நீங்கள் நினைத்தால் இந்த இரண்டாவது தெரிவை மேற்கொள்வதன்மூலம்
அந்த மென்பொருளினூடாக திறக்கலாம்.

முக்கிய குறிப்பு : தயவு செய்து நீங்கள்
திறக்க முயற்சிக்கும் கோப்பு பற்றி சிறிது உறுதி செய்துகொள்ளுங்கள். அந்த
கோப்பு அவசியம் திறக்கவேண்டிய கோப்புத்தானா என்பதை உறுதிப்படுத்துங்கள்.
காரணம் கணினியில் விண்டோஸ் இயங்குதளத்திற்கான பல கோப்புகளும் இருக்கும்.
அவற்றை திறக்க முயற்சிக்கவேண்டாம்

தொடர்ந்தும் இதே பிரச்சினை நீடிக்குமானால் Download Squad என்ற இந்த தளம் சென்று அனைத்து மென்பொருள் மற்றும் Codecs ஐயும் தரவிறக்கி நிறுவிக்கொள்ளுங்கள்.

அடுத்த பகுதியில் இன்னுமொரு பிரச்சினையும் அதற்கான தீர்வும் பற்றி பார்ப்போம்

உங்கள் கணினியில் Audio வேலை
செய்யவில்லையா? இப்பிரச்சினையை இலகுவாக சரி செய்துகொள்ளலாம். பதிவில்
குறிப்பிட்டுள்ள படிமுறைகளை கையாளுவதற்கு முன்னர் Windows sound
troubleshooter மூலம் ஒரு தடவை முயற்சி செய்துவிடுங்கள். என்ன பிரச்சினை
ஏற்பட்டுள்ளது என்பதையும், தீர்வையும் Windows sound troubleshooter
இலகுவாக கண்டுபிடித்துவிடும்.
கணினியில் Audio வேலை செய்யாததற்கு சில அடிப்படையான காரணங்கள் உள்ளன.

• சிலவேளை உங்கள் கணினியில் Volume Mute பண்ணப்பட்டு இருக்கலாம்.
  
• நீங்கள் Play பண்ண முயற்சிக்கும் ஒலிக்கோப்பில் பழுதுகள் இருக்கலாம். இதன் காரணமாகவும் ஒலி வராது.
  
• உங்களுடைய Audio கருவிகளில் ( Speakers, Head Phones) பழுது இருக்கலாம்
  
• Audio கருவிகளை கணினியுடன் இணைக்கும் Cable களில் பழுது இருக்கலாம்
  
• Cable கள் சரியான முறையில் கணினியுடன் இணைக்கப்படாமல் இருக்கலாம்
  
• Soundcard நிறுவியிருந்தால் அதற்கான Driver இல்லாதிருக்கலாம். Onboard Sound ஆக இருப்பின் அதற்குரிய Driver இல்லாமல் இருக்கலாம்.
  
• Sound Card நிறுவியிருந்தபோதிலும் அது Bios பகுதியில் Off செய்யப்பட்டிருக்கலாம்.
  

இனி இதற்கான தீர்வுகள் என்ன? எப்படி சரி செய்வது என்பது பற்றி பார்ப்போம்

கணினியில் சரி பார்ப்பதற்கு முன்னர்
உங்கள் Audio கருவிகளிலோ அல்லது அவற்றின் Cable களிலோ எந்த பழுதும் இல்லை
என்பதை உறுதிப்படுத்திக்கொள்ளுங்கள். உறுதிப்படுத்த அவற்றை வேறு ஒரு MP3
Player உடன் இணைத்து பரிசோதியுங்கள்

• ஒரு
  தடவை கணினியை மீளியக்கம் செய்து ( Restart) பிரச்சினை சரியாகிறதா என
  பாருங்கள். Audio கருவிக்கான Cable கணினியுடன் சரியான முறையில்
  இணைக்கப்பட்டிருக்கின்றதா என பாருங்கள். Volume Level உயர்வாக உள்ளது
  என்பதையும், Mute பண்ணுப்படவில்லை என்பதையும் உறுதிப்படுத்திக்கொள்ளுங்கள்.
  
• வேறுபட்ட ஒலிக்கோப்புகளை Play பண்ணி பாருங்கள்.
  
• Sound
  Card நிறுவியிருந்தால் அது Slot இல் சரியான முறையில் பொருந்தியுள்ளதா
  என்பதை அவதானியுங்கள். அல்லது Audio Cable சரியான முறையில் இறுக்கமாக Audio
  Port இல் இணைக்கப்பட்டுள்ளதா என்பதையும் அவதானியுங்கள்
  
• Audio
  Cables சரியான முறையில் இணைக்கப்பட்டிருந்தாலும் அவை அவற்றிற்குரிய Port
  இல் தான் இணைக்கப்பட்டுள்ளனவா என்பதை பாருங்கள். வழக்கமாக Ping வர்ண Port
  இல் Microphone Cable உம், பச்சை வர்ண port இல் Speakers அல்லது Headphone
  உம் இணைக்கப்படும்.
  
• Sound
  Card இற்குரிய configuration சரியான முறையில் செய்யப்படாதிருக்கலாம். Task
  Bar இல் Volume button இல் Right Click செய்து Playback Devices
  செல்லுங்கள். அதில் சரியான Playback Device இனை தெரிவு செய்து Set ad
  Default கொடுங்கள். பின்னர் Ok கொடுங்கள். அப்படியும் சரி ஆகவில்லை என்றால்
  மறுபடியும் மேல் சொன்ன படிமுறையில் சென்று வேறு ஒரு Playback Device இனை
  தெரிவு செய்யுங்கள். அடுத்ததாக சரியானது என்று நீங்கள் கருதும் Playback
  Device மீது Right Click செய்து Properties சென்று Audio Level, Channel
  Cofigaration அனைத்தும் சரியாக இருக்கின்றதா என பரிசோதியுங்கள்.
  
• Desktop
  இல் My Computer மீது Right Click செய்து Manage செல்வதன் மூலமோ, RUN இல்
  Devmgmt.msc என டைப் பண்ணி Enter பண்ணுவதன் மூலமாகவோ Device Manager
  பகுதிக்கு செல்லுங்கள். அதில் ”Sound, video, and game controllers” என்று
  இருக்கும் பகுதியை Expand பண்ணுங்கள். அங்கே எதிலாவது மஞ்சல் வர்ணத்தில்
  கேள்விக்குறி அடையாளம் இருக்கிறதா என பாருங்கள். அப்படி இருந்தால்
  வன்பொருள் அல்லது மென்பொருள் ஏதோ ஒன்றில் பழுது ஏற்பட்டிருக்கிறது. System
  Restore மூலம், ஏற்கனவே Audio சரியாக வேலை செய்த ஒரு தினத்திற்கு Restore
  பண்ணி பாருங்கள்.
  
• தொடர்ந்தும்
  பிரச்சினை ஏற்பட்டால் Sound Card இற்குரிய Driver சரியாக நிறுவப்படவில்லை.
  ஆகவே Driver ஐ மறுபடி ஒருதடவை நிறுவிக்கொள்ளுங்கள். இணையத்தில் குறித்த
  Sound Card இற்குரிய அப்டேட் பண்ணப்பட்ட Driver இருந்தால் தரவிறக்கி
  நிறுவுங்கள்.
  

இதன் மேலும் பிரச்சினை தொடர்ந்தால் உங்கள் விண்டோஸ் இயங்குதளத்தை ஒரு தடவை மீள்நிறுவல் செய்யுங்கள்.

அடுத்த பகுதியில் இன்னுமொரு கணினி பிரச்சினை சம்மந்தமாக பார்ப்போம்