சமர் படத்தை ரிலீஸ் செய்யவிடாமல் பெரிய அளவில் சதி நடந்தது : விஷால்!!

by **அருள்** Sat Jan 19, 2013 9:16 pm

பொங்கலுக்கு ரிலீஸாக வேண்டிய விஸ்வரூபம் படம் டி.டி.ஹெச்
பிரச்சனையிலும், கண்ணா லட்டு திண்ண ஆசையா படம் திருட்டுக்கதை
விவகாரத்திலும் தத்தளித்துக்கொண்டிருக்க முதலில் பொங்கல் ரிலீஸ் என்று
சொல்லப்பட்டு பின்பு இல்லை என்று மறுக்கப்பட்டு பிறகு பொங்கல் ரிலீஸில்
அதிரடியாக களத்தில் குதித்த படம் தான் விஷால் நடித்த சமர்.
கடுமையான நிதிச்சிக்கலில் சிக்கித்தவித்த இந்தப்படம் ரிலீஸ் நேரத்தில்
நிஜமாகவே பல சிக்கல்களை சந்தித்ததாக அரசல் புரசல்களாக செய்திகள் வெளியாகின.
ஆனால் அதை இப்போது கன்பார்ம் ஆக்கியிருக்கிறார் அந்தப்படத்தின் ஹீரோவான
விஷால்.

தான் நடித்த 'சமர் படத்தை ரிலீஸ் செய்யவிடாமல் பெரிய அளவில் சதி வேலைகள் நடந்ததாக' நடிகர் விஷால் திடீரென்று குற்றம் சாட்டியுள்ளார்.

இதுகுறித்து அவர் மேலும் கூறும்போது :

சமர் படத்துக்கு பூஜை போட்டதில் இருந்து படத்தை முடித்து தேங்காய்
உடைத்து ரிலீசுக்கு கொண்டு வருவதுவரை நிறைய பிரச்சினைகள், தடங்கல்கள் இதை
வர விடாமல் நிறுத்த சிலர் முயற்சித்தனர். அவர்கள் யார் என்பதை கண்டுபிடிக்க
முடியவில்லை.

இந்த படம் ஒரு புது முயற்சி, எப்ப வந்தாலும் பேசப்படும் என்ற நம்பிக்கை
இருந்தது. அது இப்போது நிஜமாகியுள்ளது. படம் ஹிட்டாகி இருக்கிறது.
தியேட்டர்கள் எண்ணிக்கை அதிகரித்து உள்ளது. படம் வராது என்று பலர்
கூறினார்கள். அதை மீறி வந்து ஜெயித்து விட்டது. இதற்கு காரணம் ரசிகர்கள்
தான்.

இந்தமாதம் 25-ந்தேதி தெலுங்கிலும் இப்படம் வருகிறது. திரு டைரக்‌ஷனில்
மீண்டும் ஒரு படத்தில் ஹீரோவாக நடிக்க முடிவு செய்துள்ளேன். என் வளர்ச்சியை
பிடிக்காதவர்கள் செய்த சதியால்தான் சமர் படத்துக்கு இடையூறுகள் ஏற்பட்டதா?
என்று தெரியவில்லை. சினிமாவில் போட்டி இருப்பது சகஜம்தான் போட்டியை
சந்திக்க நான் தயார். படம் வராது என்றதால் ரிலீசுக்கு ஒத்துக் கொண்ட பல
தியேட்டர்கள் கடைசி நேரத்தில் எங்களை கைவிட்டு விட்டனர்.