ஜெயில் கதவை திற : நித்தியானந்தர் வருகிறார் ! எங்கே இருக்கிறார் ? கர்நாடக போலீஸ் தேடல்

by **Tamil** Fri Mar 19, 2010 1:52 pm

பெங்களூரு:
தமிழகத்தில் செக்ஸ் வீடியோவில் சிக்கிய நித்தியானந்தர் இனி உண்மையிலேயே
தலைமறைவாக வேண்டிய நிலைக்கு தள்ளப்பட்டுள்ளார். வருவேன் ,
பத்திரிகையாளர்களை சந்திப்பேன் என்பது முடியாத காரியமாகி போனது. இவர்
மீதான குற்றச்சாட்டுகள் மற்றும் ரஞ்சிதாவுடன் நெருக்கமாக இருந்த வெட்ட
வெளிச்ச தகவல் தொடர்பாக கர்நாடாக போலீசார் முதல் தகவல் அறிக்கை ( எப். ஐ.
ஆர்., ) பதிவு செய்திருக்கின்றனர். கடந்த சில நாட்களுக்கு முன்னர்
நித்தியானந்தரின் அந்த ! வீடியோ காட்சிகள் தமிழகம் , கர்நாடகம் உள்பட
உலகம் முழுவதும் அவர்களுடைய பக்தர்களை அதிர்ச்சியில் தள்ளியது.

தொடர்ந்து அவரது ஆசிரமங்கள் தாக்கப்பட்டன.
இது தொடர்பாக இவரது விளக்கம் பல கட்டங்களாக வீடியோவில் பதிவு செய்யப்பட்டு
வெளியிடப்பட்டது. நான் குற்றமற்றவன், எவ்வித சட்டப்பூர்வமான தவறும்
செய்யவில்லை என்று கூறி வந்தார். என்னை நம்புங்கள் நான் வெளி உலகிற்கு
பெரும் சேவை செய்துள்ளேன். தியானங்கள் மூலம் பலரது வாழ்வில்
ஒளியேற்றியுள்ளேன். இதன் காரணமாக எனக்கு உலகம் முழுவதும் பக்தர்கள் ஆதரவாக
இருக்கின்றனர் என கூறினார். மேலும் நான் கும்பமேளாவில் இருக்கிறேன்
விரைவில் பத்திரிகையாளர்களை சந்திப்பேன் என்று கூறி வந்தார்
நித்தியானந்தர். ஆனால் இவரது பிரச்னையின் போக்கில் மாற்று நிலை
ஏற்பட்டுள்ளது.

தமிழக போலீசார் வழக்கு பதிவு செய்து
கர்நாடகத்திற்கு அனுப்பி வைத்ததனர். இதனால் கர்நாடக அரசு உரிய நடவடிக்கை
எடுக்குமா , என்ன செய்யும் என்ற எதிர்பார்ப்பு இருந்தது. இந்த சந்தேகத்தை
போக்கும் வகையில் பெங்களூரு அருகே உள்ள ராமநகரம் மாவட்டத்தில் உள்ள பிடாதி
போலீசார் நித்தியானந்தர் மீது எப்.ஐ.ஆர்., பதிவு செய்துள்ளனர். இதனால்
அவர் கைது செய்யப்படும் நிலை உருவாகியுள்ளது. இது தொடர்பான வழக்கு பதிவு
செய்யப்பட்டு விட்டதால் நித்தியானந்தர் எங்கே இருக்கிறார். இவரை தேட பல
போலீஸ் படைகள் முடுக்கி விடப்பட்டுள்ளனர். என அம்மாநில போலீசார்
தெரிவித்துள்ளனர். இதனால் இவர் கும்பமேளாவில் இருப்பதாக சொல்லும் அவர்
அங்கிருந்து தப்பித்து செல்லக்கூடும் .

இவர் மீது எந்த எந்த பிரிவுகளில் வழக்கு:
இவர் மீது பிடாதி போலீஸ் ஸ்டேஷனில் வழக்கு பதிவு செய்யப்பட்டுள்ளது. இது
தொடர்பாக மாவட்ட எஸ். பி., பிசனாகலி கூறியதாவது: தமிழக போலீசார் அனுப்பிய
தகவல் படி நித்தியானந்தர் மீது வழக்கு பதிவு செய்யப்பட்டுள்ளது. சேலம்
ஆத்தூரை சேர்ந்த லெனின் என்பவர் மூலம் கொடுத்த தகவலின்படி செக்ஷன் 295 (
ஏ) , 420 , 376, 377 , 506 ( பி ), 120 ( பி), உள்ளிட்ட பிரிவின் கீழ்
நித்தியானந்தர் மீது வழக்கு பதிவு செய்யப்பட்டுள்ளது. நித்தியானந்தர்
எங்கு இருக்கிறார் என்பது குறித்து இதுவரை எங்களுக்கு தகவல்
கிடைக்கவில்லை. இவரை கண்காணிக்க உத்தரவிடப்பட்டுள்ளது. இந்த வழக்கு
ராமநகரம் சப் டிவிஷன் டி.எஸ்.பி., தேவராஜ் தலைமையில் தனிப்படை
அமைக்கப்பட்டுள்ளது என்றார்.

நித்தியானந்தர் எங்கே பதுங்கி இருக்கலாம்
என்ற தகவலின்படி பல்வேறு பகுதிகளுக்கு போலீஸ் படை அனுப்பப்படவிருக்கிறது.
பிடாதியில் உள்ள ஆசிரம சீடர்களிடம் அவர் தொடர்பான பல்வேறு தகவல்களை
திரட்டி வருகிறோம். இவர் எங்கு இருக்கிறார் என கண்டுபிடிக்கப்பட்டதும்
சட்டம் தனது கடமையை செய்யும் என்றார் ஒரு போலீஸ் அதிகாரி . கதவைத்திற
நித்தியானந்தர் வருகிறார் !