வினோத நோய் பாதித்த வாலிபர் : கருணை கொலைக்கும் தயாராகிவிட்ட தாய்

விக்கிரவாண்டி
: விக்கிரவாண்டியில் வினோத நோய்க்கு மருந்து கண்டுபிடிக்கப்படாததால்
சிகிச்சை பெற முடியால் அவதிப்படும் மகனை பராமரிக்க முடியாமல் தாய்
அவதிப்பட்டு வருகிறார்.



விழுப்புரம் மாவட்டம் விக் கிரவாண்டி மெயின்
ரோட்டில் வசித்து வருபவர் குமுதவள்ளி (54). இவருக்கு மூன்று பெண் கள், ஒரே
மகன் ஹரிதாஸ்(33). பத்தாம் வகுப்பு வரை படித் துள்ளார். இவரது தந்தை
கோபால் கடந்த 10 ஆண்டுகளுக்கு முன் லாரி விபத்தில் இறந்தார். தந்தை இறந்த
செய்தி கேட்டவுடன் அதிர்ச்சியில் சரிந்தவர் நாளடைவில் எந்த வேலையும் செய்ய
முடியாமல் ஹரிதாஸ் செயலிழந்து விட்டார்.கணவர் கோபால் இறந்தவுடன் விபத்து
நஷ்ட ஈடாக கிடைத்த தொகையை வைத்து மகள்களின் திருமணத்தை முடித்து விட்டு,
தற்போது தனது ஒரே மகனின் சிகிச்சை செலவிற்கு பணமில்லாமல் குமுதவள்ளி
அல்லல்பட்டு வருகிறார்.ஹரிதாசை பாதித்த நோய்க்கு மருந்து
கண்டுபிடிக்காததால் சிகிச்சை பெற முடியாமல் அவதிப்பட்டு வருகிறார்.
லட்சத்தில் ஒரு நபருக்கு வரக்கூடிய நோயான மஸ்குலர் டிஸ்ட்ரபி (தசை
நலிவு)நோய் தாக்கியதால் எந்த வேலையும் செய்ய முடியாமல் ஹரிதாஸ் படுத்த
படுக்கையாக வீட்டில் முடங்கி கிடக்கின்றார்.



இது போன்ற நோய் தமிழ் நாட்டில் ஏற்கனவே சேலம்
போடி நாயக்கன்பட்டியை சேர்ந்த ஒரே குடும்பத்தை சேர்ந்த இரு சகோதரிகளுக்கு
தாக்கியதால் இளம்பெண்கள் இருவரும் வீட் டில் முடங்கி கிடக்கின்றனர்.தனது
மகனுக்கு 33 வயது முடிந்த நிலையில் அவருக்கு அனைத்து பணிவிடைகளையும் தாய்
குமுதவள்ளி தான் செய்ய வேண்டியுள்ளது. நோய் தாக் கிய ஹரிதாசின் கை,
கால்கள் துவண்டு போய்விட்டது.



இந்த நோய் குறித்து தாய் குமுதவள்ளி கூறியதாவது:எனது
மகன் ஹரிதாஸ் 22 வயது வரை மற்றவர்களை போல் அனைத்து வேலைகளையும் செய்து
வந்தான். மிகவும் சுறுசுறுப்பாக செயல் பட்ட அவனுக்கு அவனது தந்தை லாரி
விபத்தில் இறந்த செய்தி கேட்ட அதிர்ச்சியில் துவண்டுபோய் விட்டான். சிகிச்
சைக்கு நான் ஏறி இறங்காத மருத்துவமனையே கிடையாது. அனைத்து
மருத்துவமனையிலும் இந்த நோய்க்கு மருந்து கண்டுபிடிக்கவில்லை என
கூறிவிட்டனர்.விஞ்ஞான முன்னேற்றத்தில் முன்னேறி வரும் நாடான
இந்தியாவிலுள்ள விஞ்ஞானிகள் எனது மகனின் உடம்பை முன் னுதாரணமாக வைத்து
ஆராய்ச்சி செய்து மருந்து கண்டுபிடித்தால் என்னைபோல் மற்ற தாய்மார்கள்
அவதிக்குள்ளாக மாட்டார்கள்.நான் எனது மகனை கருணை கொலை செய்துவிட அரசுக்கு
மனு செய்யலாம் என உள் ளேன். அந்த அளவிற்கு கொடுமையை அனுபவித்து வருகிறேன்.
அரசு எங்களின் நிலை கருதி ஏதாவது உதவி செய்ய முன் வர வேண்டும் என கண்ணீர்
மல்க கூறினார்.