கருணாநிதியை ‘கவனிக்க வேண்டிய விதத்தில்’ கவனித்ததா அமெரிக்க வால்மார்ட்?

அமெரிக்காவின் மல்டி நேஷனல் சூப்பர் மார்க்கெட் செயின் வால்மார்ட், இந்திய சில்லரை வணிகத்திற்குள் நுழைய ரூ.125 கோடி செலவு செய்த தகவல் வெளியாகி உள்ளது.
சில்லரை வணிகத்தில் சர்வதேச ஜாம்பவானாக விளங்கும் வால்மார்ட், இந்தியாவில் தங்களின் வணிக அடையாளப் பெயருடன் கூடிய சூப்பர் மார்க்கெட்டுகளை தொடங்க 2008-ம் ஆண்டு முதல் பகீரத முயற்சி செய்து வந்துள்ளது. இதற்காக 2008-ம் ஆண்டு முதல் 30.09.2012 வரை ரூ.125 கோடியை வால்மார்ட், அரசியல் செல்வாக்கு மிகுந்தவர்களுக்காக செலவிட்டுள்ளது என்ற தகவல் தற்போது அம்பலமாகி உள்ளது.

அமெரிக்க சட்டப்படி, உள்நாட்டு மற்றும் அயல்நாடுகளில் காரியம் சாதித்துக் கொள்ள நினைக்கும் தனியார் நிறுவனங்கள், அரசியல் மற்றும் அரசின் செல்வாக்கு பெற்ற நபர்களின் உதவியை நாடலாம். இதற்காக அந்த நிறுவனம் பணமும் செலவிடலாம். ஆனால், இப்படி காரியம் சாதிப்பதற்காக யார், யாருக்கு எவ்வளவு பணம் கைமாறியுள்ளது என்று காலாண்டுக்கு ஒருமுறை, அமெரிக்க மேல் சபையில் கணக்கு தாக்கல் செய்தாக வேண்டும்.

அவ்வகையில், கடந்த 2008-ம் ஆண்டு முதல் இந்திய சில்லரை வணிகத்தில் முதலீடு செய்யும் நோக்கில், எம்.பி.க்கள், வியாபார பிரதிநிதிகள், வெளியுறவு துறை அதிகாரிகளை வால்மார்ட் நிறுவனம் ‘கவனிக்க வேண்டிய விதத்தில்’ கவனித்து உள்ளது.

அமெரிக்க மேல்சபையில் வால்மார்ட் தாக்கல் செய்த ‘லாபியிங்’ செலவு கணக்கின் மூலம், இந்த தகவல் தற்போது வெளியாகியுள்ளது.

இது வரை 25 மில்லியன் அமெரிக்க டாலர்களை (ரூ.125 கோடி) இந்திய சில்லரை வணிகத்தில் கால் பதிக்கும் நோக்கத்தில் வால்மார்ட் நிறுவனம் வாரி வழங்கியுள்ளது. இந்த தொகையில் இந்தியா தொடர்புடைய ‘லாபியிங்’ செலவுகளுக்காக மட்டும் ரூ.18 கோடி செலவாகியுள்ளது.

கடந்த 3 மாதங்களில் மட்டும், இந்தியாவுக்குள் சில்லரை வணிகத்தில் அன்னிய முதலீட்டை அனுமதிப்பது தொடர்பான விவாதம் உள்ளிட்ட விவகாரங்களுக்காக ரூ.10 கோடியை வால்மார்ட் செலவிட்டுள்ளது.அதனால் என்ன, போட்ட காசை 6 மாதத்திலேயே எடுத்து விடுவார்கள்.

அது சரி, நம்ம கலைஞர், நாடாளுமன்றத்தில் தமது கட்சி எம்.பி.க்களை ஓட்டு போட வைத்ததன் மூலம், இந்திய சில்லரை வணிகத்திற்குள் நுழைய வால்மார்ட்டுக்கு பச்சைக் கொடி காட்டினாரே… ‘கவனிக்க வேண்டிய விதத்தில்’ கவனிப்பு கிடைத்ததா?

அது எல்லாம் நடந்து இருக்கும்

வால்
மார்ட் நிறுவனம் சென்னையில் அலுவலகம் துவங்க இடம் தேடுகிறது என்று
தகவல்கள் ,வருகின்றன இதை தமிழக அரசாங்கம் அனுமதிக்க கூடாது - கருணாநிதி
#அந்நியன் நடிகர் விக்ரம் இவரிடம் பிச்சை எடுக்கனும்.