பிரபாகரன் உயிருடன் உள்ளார்! மாவீரர் தினத்தில் வருகிறது அவரது சமிக்கை!!

பிரபாகரன் உயிருடன் உள்ளார்! மாவீரர் தினத்தில் வருகிறது அவரது சமிக்கை!!

பாண்டி பஜார் துப்பாக்கி சூடு வழக்கில் இருந்து, விடுதலைப்புலிகள் தலைவர்
பிரபாகரனின் பெயரை நீக்க கோர்ட் உத்தரவிட்டதற்கு கண்டனம் தெரிவித்துள்ளது,
ஐரோப்பாவில் இருந்து இயங்கும் விடுதலைப்புலிகள் ஆதரவு இயக்கம். “எமது
தலைவர் பிரபாகரன் உயிருடன் உள்ளார்” எனவும் கூறியுள்ளது அந்த அமைப்பு.

அனைத்துலக தமிழ் மனிதநேய செயற்பாட்டாளர் ஒருங்கிணைப
்பு
குழு (Le Comité Humanitaire Tamil International d’activistes) அமைப்பே,
இதை தெரிவித்துள்ளது. “எமது தலைவர் பிரபாகரன் மறைவிடம் ஒன்றில் உயிருடன்
உள்ளார். ஆயுதங்கள் மௌனிக்கப்பட்டபின் நடப்பவற்றை கூர்ந்து அவதானித்தபடி
இருக்கும் அவர், விரைவில் வெளிப்படுவார். போரில் காயமடைந்த நிலையில் இருந்த
தலைவர் தற்போது பூரண குணமடைந்து, போராட்டத்துக்கு தயார் நிலையில் உள்ளார்.

மக்கள் குழப்பமடையாது, தலைவர் வரும்வரை பொறுமையாக இருக்கும்படி
கேட்டுக்கொள்கிறோம். தற்போது எமது தொப்புள்கொடி உறவுகளான தமிழக
தலைவர்களுடன் தொடர்பில் உள்ள தலைவர் பிரபாகரன், மாவீரர் தினத்தன்று தமது
இருப்பை ஒரு சமிக்கை மூலம் வெளிப்படுத்துவார்” என்கிறது அந்த அமைப்பின்
அறிக்கை.

இந்த அமைப்பின் பிரான்ஸ் பொறுப்பாளர் சில்வெஸ்டர் பாபி
சேரமான் விடுத்துள்ள அறிக்கையில், “தலைவர் உயிருடன் இருக்கிறார் என்ற
உண்மையை மறைத்து, மாவீரர் தின நிகழ்வுகளில் மக்களுக்கு குழப்பத்தை
ஏற்படுத்த சிங்கள அரசு, இந்திய அரசு, சர்வதேச போலீஸ் இன்டர்போல் ஆகியவை
செய்த கூட்டுச் சதியே, தமிழக கோர்ட்டில், ‘தலைவர் பிரபாகரன் உயிருடன்
இல்லை’ என தாக்கல் செய்யப்பட்ட போலி ஆவணங்கள்.

இந்த சதியை
உடைத்தெறிவதற்காக சட்ட நடவடிக்கை எடுப்பதற்கு எமது அமைப்பு ஏற்பாடுகளை
செய்து வருகிறது. இதற்காக தமிழக தலைவர்களை தொடர்பு கொண்டுள்ளோம்”