கணினி/அறிவில் கேள்விகள். பதில் உங்களுக்கு தெரிகிறதா?

கணினி/அறிவில் கேள்விகள். பதில் உங்களுக்கு தெரிகிறதா?

1.உங்கள் கணினி வேலை செய்கிறது,ஆனாலும் திரையில் எதுவும் தெரியாது கறுப்பாக இருக்கிறது.என்ன செய்யலாம்?
2.Unicode முறை என்றால் என்ன?
3.DNS என்றால் என்ன?
4.Remote Desktop என்றால் என்ன?
5.Address Munging என்றால் என்ன?
6.Key Logger என்பது என்ன?
7.Windows Remote Access என்றால் என்ன?
8.laser video projector என்பது என்ன?
9.GnuPG Shell என்றால் என்ன?
10.அடிப்படை நிறங்கள் எவை?

பதில்கள்............
1.உங்கள் கணினித் திரை அதாவது LCD Monitor,வேலை செய்கிறது என்ற நிலையில்,எதுவும் திரையில் தெரியாது இருக்கும் சமயம்,இணைப்புக்களை முதலில் சரி பாருங்கள்.சரியாக இருந்தால்,கணினி தட்டச்சுப் பொறியில் வின் அடையாளம் உள்ள பொத்தானை அழுத்துங்கள்.இப்போது உங்கள் சுழலியின் அம்புக்குறி ஒரு இடத்தில் போய் நிற்கும்.கணினி திரையில் எதுவும் தெரியாதிருக்கும் போது எப்படி என்ற கேள்விக்கு விடை,அப்படி செய்யப்பட்டிருக்கிறது என்பது தான் விடை.சுழலியை அசைக்கக் கூடாது.இப்போது அங்கே CMD என்று டைப் செய்யுங்கள்.உடனே வருவது Command Prompt.வந்ததும் Alt+Enter ஐ அழுத்துங்கள்.பின் exit என்பதை எழுதி அதில் இருந்து வெளியே வந்தால் சரி.வேண்டுமானால் புதிதாக தொடக்குங்கள். இப்படி வரும் தவறு சில சமயம் VGA Card ல் வரும் பிரச்சனைகளால் ஏற்படுகிறது.

2. Unicode( universal font encoding scheme) என்பது உலகில் உள்ள எல்லாக் கணினிகளுக்கும் பொதுவாக ஒரு ஒருங்குறியை, எழுத்துமுறையை பாவிக்கும் நோக்குடன் உருவாக்கப்பட்ட ஒரு மொழி அமைப்பு.உலகில் உள்ள அத்தனை மொழிகளுக்கும் தட்ச்சுப் பொறியில் இடம் ஒதுக்குவது முடியாத காரியம் என்பதால்,ஒவ்வொரு மொழிக்கும் 128 கட்டங்களை ஒதுக்கி, அதற்குள் தங்கள் மொழியின் எழுத்துருக்களைக் கொண்டு வர வேண்டும் என்ற அனைத்துலக முறையாகும்.இந்த 128 கட்டங்களையும் slot block என்றும்,உலகின் அனைத்து மொழிகளுக்குமாக 65.500 கட்டங்கள் ஒதுக்கி, 198 மொழிகளுக்கு ஒருங்குறிகளை, இதற்குப் பொறுப்பான World Unicode Consortium என்ற அமைப்பு உருவாக்கி உள்ளது.இந்த ஒன்றியம் 1991 ல் கலிபோர்னியாவில் ஆரம்பிக்கப்பட்டது.

3.DNS -(Domain Name System) என்பது ஒரு இணையப் பெயர் முறைமை ஆகும்.வரிசையான பெயர்களையும்,பல்வேறு தகவல்களையும் கொண்டுள்ளதுடன்,தொலைபேசி இலக்கத் திரட்டி போல் இருக்கும், இந்த டி என் எஸ் ,பாவணையாளர்களுக்கு புரியக் கூடிய வகையில்,பெயர்களாகவும்,அதே போல் கணினிக்குப் புரியக் கூடிய வகையில் எண் அடையாளங்களாகவும் மொழி பெயர்க்கிறது.இந்த Domain Name System, 1983 ல் Paul Mockapetris அவர்களால் வடிவமைக்கப்பட்டது.இந்த DNS Servers தங்களுக்குள்ளாக தகவல்களையும் பரிமாறிக் கொள்வதால், இவற்றை root server எனவும் சொல்லப்படும், இவை டொமைன் பெயர்களையும்,IP இலக்கங்களையும் சேமித்து வைக்கின்றன.
முக்கியமாக A- M வரையிலான 13 root servers களும்,மற்றும் சில தனியார் துறை சிறிய அளவிலான DNS server களும் செயல்படுகின்றன. முக்கியமான 13 ல், 10 அமெரிக்க நாட்டிலும்,ஒன்று ஜப்பானிலும்,ஒன்று லண்டனிலும்,இன்னொன்று ஸ்டொக்கோம்,சுவீடனிலும் இருக்கின்றன.கூகிள் பப்லிக் டி என் எஸ் போன்ற பல பெரிய அளவிலான சர்வர்களும் சேவையாற்றுகின்றன.Internet Engineering Task Force(IETF) என்று சொல்லப்படும், DNS, பாவனையாளர்களையும்(User) Host ஐயும், TCP/IP முறையில் இணைக்கின்றன.



4. இது ஒரு மென் பொருள் அல்லது OS ல் உள்ள ஒரு செயலி ஆகும்.Team Viewer போல் ஒரு கணினியில் இருந்து மற்றொரு கணினிக்கு தொடர்பு ஏற்படுத்தும் வழியாகும்.இது சிறந்த முறையாக இருந்தாலும்,திருட்டுப் போன கணினி அல்லது வேறொருவர் இந்த வசதியை வைத்து தவறான வழியில் மற்ற கணினியை பயன் படுத்த முடியும் என்பதால்,தேவையின்றி இருந்தால் இந்த வசதியை நீக்கி ,inactive செய்து விடுவது நல்லதாகும்.
Stert -all programs-accessories-remote desktop connection
முதலில் வந்த Telnet சிலர் விரும்பிப் பாவித்தாலும்,பாதுகாப்பு குறைவானதால் பலர் விரும்புவதில்லை.

5.Address Munging என்பது, நீங்கள் மின் அஞ்சல் , இணைய பேசல்(Chat), online,forums போன்றவற்றின் மூலம், உங்கள் மின் அஞ்சல் முகவரியை அப்படியே கொடுக்கும் போது,அவற்றை ஒரு தனியான மென்பொருள் அதை இணையத்தில் இருந்து எடுத்து, தவறான வழியில் பயன்படுத்துவதில் இருந்தும், ஸ்பாம் மின் அஞ்சல்களை அனுப்புவதில் இருந்தும் தடுப்பது ஆகும். இப்படி மின் அஞ்சல்களை சேகரிக்கும் வசதியில் இருந்து காக்க,மின் அஞ்சல் முகவரிகளை அனுப்பும் போது,பட முறையில்(gif,jpeg.........) அல்லது ….........at (@ ற்குப் பதிலாக) dot com, பின் பக்கத்தில் தொடங்கி எழுதலாம்,com போன்றவற்றுக்குப் பின்னல் ஒரு சொல்லை சேர்த்துக் கொள்ளலாம் இப்படி ஏதாவது முறையில் எழுதுவதனால் spam mail களைக் குறைத்துக் கொள்ளலாம். இப்படி கொடுப்பதை, மின் அஞ்சல் முகவரிகளை சேகரிக்கும் ,மென்பொருள் கண்டு கொள்ளாது.இப்படி சேகரிப்பதை email address harvesting என சொல்லப்படுகிறது.

6.நீங்கள் ஒவ்வொரு முறையும் தட்டச்சு செய்யும் போதும், அவற்றை சேகரித்து சம்பந்தப்பட்டவருக்கு அனுப்பும் ஒரு malware,மென்பொருள்.இதன் மூலம் கடவுசொல்,கடனட்டை போன்றவற்றை திருட முடியும்.

7.ஒரு சில சாதனங்களை வைத்து டயலப் முறையிலோ அல்லது நாமாக தொடர்பு ஏற்படுத்தியோ ஒரு குறிபிட்ட இடத்திற்குள் தொடர்பு கொள்வதாகும்.



8.இது ஒரு வன்பொருள்,device, வீடியோ கதிர்களை அசையும் லாசர் கதிர்களாக்கி எதிரே உள்ள வெளியான இடத்தில் காட்டுவதாகும்.



9.இது ஒரு சிறிய மென்பொருள் முறையில் இயங்கி,மின் அஞ்சல்,அதனுடன் வரும் பின்னூட்டம்(attachments) மிகவும் இரகசியமாக பாதுகாத்து,மற்றவர்களுக்கு தெரியாமல் மறைத்து வைக்கிறது.

10.இது இரண்டு விதமாக பிரிக்கப்படுகிறது.ஒளியில் அடிப்படை நிறங்கள்(addictive color) நீலம்,சிவப்பு,பச்சை. இவை கலக்கப்படும் போது வேறு நிறங்கள் உருவாகிறது.அதே சமயம் நிறக் கலவைகளில் அடிப்படை நிறங்கள்(subtractive colors) சிவப்பு,நீலம்,மஞ்சல் ஆக இருக்கிறது.ஆனால் ஆச்சரியம் என்னவென்றால்,ஒளிக் கதிர்களில் கீழ்கண்டவாறு நிறங்கள் சேருகின்றன.அதுவே நிறக் கலவைகளை(paint) சேர்க்கும் போது வேறு மாதிரியாக அமைகின்றன.



ஒளிக் கதிர்கள் சேரும் போது..............
நீலம் + சிவப்பு = கருஞ் சிவப்பு
நீலம் + பச்சை = மயில் நீலம்
சிவப்பு +பச்சை =மஞ்சள்
சிவப்பு + பச்சை + நீலம் =வெள்ளை.
இதுவே நிறக் கலவைகளானால்(paint)...............
சிவப்பு +நீலம் =ஊதா
சிவப்பு +மஞ்சள் =ஆரஞ்சு
நீலம் +மஞ்சள் =பச்சை
நீலம் +சிவப்பு +மஞ்சள் =கறுப்பு.

பாரட்ட வார்த்தைகள் இல்லை....அருமை