மாணவர்களை ‘டச்’ பண்ணும் ஆசிரியர்களுக்கு மூன்றாண்டு சிறை! ; மத்திய அரசின் மசோதா தயார்!

முன்பெல்லாம் மாணவர்களிடம் குரு பக்தி மற்றும் கல்வியில் கவனம் போன்றவை இருந்தது. ஆனால் இப்போது மாணவர்களை – அதிலும் குறிப்பாக அரசு பள்ளி மாணாக்களை கடுமையாகத் தண்டித்தால்தான் படிக்கிறார்களாம். கூடவே தனியார் பள்ளிகளில் ஸ்டேட் ரேங்க் எடுக்க வைக்க மாணவர்களை மிரட்டி அடித்து துன்புறுத்துவதாக ஆசிரிய, ஆசிரியைகள் மீது பல்வேறு விதமான புகார்கள் சமீப காலமாக எழுந்து வருகின்றன. அத்துடன் குறித்த கடையில்தான் சீருடைகள், புத்தகங்கள், நோட்டு புத்தகங்கள் வாங்க கூறுவதாகவும், தங்களிடம் டியூசன் படிக்குமாறு கட்டாயப்படுத்துவதாகவும் குற்றச்சாட்டுகள் வருகின்றன.

இந்த பிரச்சினைகளை முடிவுக்கு கொண்டு வர மத்திய அரசு, `பள்ளிக்கூடங்களில் நேர்மையற்ற நடவடிக்கைகள் தடுப்புச்சட்டம்’ என்ற பெயரில் ஒரு சட்டத்தை இயற்றுகிறது. இதற்கான வரைவு மசோதா தயாராக உள்ளது. இதில் இடம் பெற்றுள்ள முக்கிய அம்சங்கள் வருமாறு:-

*மாணவர்களை அடிக்கக்கூடாது. அவர்கள் தகுதிவாய்ந்த தேர்வுகளை எழுதுவதற்கு தடை விதிக்கக்கூடாது.

*குறைவாக மதிப்பெண் பெற்றதற்காக மாணவர்களை பள்ளியிலிருந்து நீக்கக்கூடாது. அதேபோன்று வேண்டும் என்று மாணவர்களை `பெயில்’ ஆக்கக்கூடாது.

*பள்ளிக்கூடம் பற்றிய குறிப்பேட்டுக்கு கட்டணம் வசூலிக்கக்கூடாது. மாணவர் சேர்க்கை தேர்வுக்கும் கட்டணம் விதிக்கக்கூடாது. இது தொடர்பான அனைத்து தகவல்களையும் (பள்ளிக்கூடம் பற்றியது, மாணவர் சேர்க்கை தொடர்பானது) இணைய தளத்தில், பள்ளிக்கூட விளம்பர பலகையில் இடம் பெற செய்ய வேண்டும்.

*பள்ளிக்கூட பருவங்களின் இடையில் கட்டணம் வசூலித்தால் அதுவும் ஆராயப்படும்.

*விதிமுறை மீறி கேபிடேஷன் கட்டணம், நன்கொடை வசூலிக்கக்கூடாது.

*பள்ளிக்கூடங்கள் தவறான தகவல்களை விளம்பரங்களாக வெளியிட்டால் அதுவும் தண்டனைக்குரிய குற்றம்.

*6-ம் வகுப்பு, 9-ம் வகுப்பு, 11-ம் வகுப்பு ஆகியவற்றில் மாணவர்களுக்கு நுழைவுத்தேர்வு நடத்தி சேர்க்கலாம்.

*எச்.ஐ.வி., எய்ட்ஸ் போன்ற நோய்கள் தாக்கிய மாணவர்களை, நோயை காரணம் காட்டி பள்ளிகளிலிருந்து நீக்க தடை விதிக்கப்படுகிறது. மாணவர்களை அடித்தால் ஆசிரியர்களுக்கு 3 ஆண்டுவரை சிறைத்தண்டனை விதிக்கப்படும் அல்லது அபராதம் விதிக்கப்படும்.

சில நேரங்களில் இரண்டும் விதிக்கப்படும். இந்த வரைவு மசோதா, நவம்பர் 1-ந்தேதி டெல்லியில் நடக்கவுள்ள மத்திய கல்வி ஆலோசனை வாரிய கூட்டத்தில் முன்வைக்கப்படும். அதன்பின்னர் அதை சட்டமாக்க மத்திய அரசு உரிய நடவடிக்கை எடுக்கும்

மசோதாவை பார்வையிட ::

[You must be registered and logged in to see this link.]

அல்லது:

[You must be registered and logged in to see this link.] Punishment: Time to jail the teacher?)

இதற்கிடையே பள்ளி வாகனங்களில் இருந்து கவனக்குறைவாக் குழந்தை விழுந்து பலியாவது மற்றும் மோதி விபத்து, நீச்சல் குளத்தில் மாணவன் மூழ்கி பலி உள்ளிட்ட அசம்பாவிதங்களைத் தடுக்கும் பொருட்டு அனைத்துப் பள்ளிகளிலும் தாய்மார்களைக் கொண்ட அம்மாக்கள் குழுவை அமைக்க தமிழக அரசு உத்தரவிட்டுள்ளது.

இதுதொடர்பாக தமிழக அரசு பிறப்பித்துள்ள அரசாணையில்…

- மழலையர் வகுப்பு, 1ம் வகுப்பு முதல் 3ம் வகுப்பு வரை, 4 முதல் 5 வரை, 6 முதல் 10 வரை, 12 முதல் 12 வரை என்று 5 பேர் இடம் பெறவேண்டும். குழுவில் இடம்பெற்றுள்ளவர்களை வாரா வாரம் மாற்ற வேண்டும்.

- ஆய்வு குழுவில் இடம்பெறுவோரை குலுக்கல் முறையில் தேர்வு செய்ய வேண்டும். ஆய்வு செய்யும் அம்மாக்கள் குழுவின் குறிப்புகளை பதிவு செய்ய பார்வை பதிவேடு பராமரிக்க வேண்டும். அதில், குழுவினர் கண்டறியும் குறை உள்ளிட்ட விபரங்களையும் பதிவு செய்ய வேண்டும்.

- குறைகளை சரிசெய்ய தொடர் நடவடிக்கைகளை தாளாளர், செயலாளர், முதல்வர் எடுக்கவேண்டும். அதுகுறித்தும் பதிவு செய்ய வேண்டும்.
பள்ளிகள் பின்பற்ற வேண்டிய நடைமுறைகள்

இதேபோல பள்ளி மாணவி, மாணவியர்களின் பாதுகாப்பு கருதி அனைத்து பள்ளிகளும் பின்பற்ற வேண்டிய நடைமுறைகள் வகுக்கப்பட்டுள்ளது.

- பள்ளி வளாகத்தை சுத்தமாகவும் பாதுகாப்பாகவும் வைத்துக் கொள்ள வேண்டும்.

- உடைந்த கட்டிட இடிபாடுகள், கழிவுகளை உடனுக்குடன் அப்புறப்படுத்த வேண்டும். மின்சார வயர்கள் முழு பாதுகாப்புடன் அமைக்கப்பட்டிருக்க வேண்டும்.

- மாணவர்களின் எண்ணிக்கை 1500க்கு மேல் இருந்தால் முழு நேர மருத்துவ குழு இருக்க வேண்டும். குறைவான எண்ணிக்கை என்றால் முதலுதவி பெட்டி வைத்திருக்க வேண்டும்.

- 20 மாணவர்களுக்கு ஒரு சிறுநீர் கழிப்பிடம், 50 மாணவர்களுக்கு ஒரு கழிப்பிடம் என்று இருக்க வேண்டும். வகுப்பறைகளில் காற்றோட்டம், வெளிச்சம் போன்ற வசதிகள் வேண்டும்.

- பாடத்திட்டத்தில் வைக்கப்பட்டுள்ள விளையாட்டுகளை தகுந்த பாதுகாப்பு வசதிகளுடன் மேற்கொள்ள வேண்டும்.

- வகுப்பில் வருகை புரிந்த மாணவர்கள் அனைவரும் பள்ளியை விட்டு சென்று விட்டனர் என்பதை அந்தந்த வகுப்பு ஆசிரியர்கள் உறுதி செய்த பிறகே பள்ளியை விட்டு செல்ல வேண்டும் என்று உத்தரவில் தெரிவிக்கப்பட்டுள்ளது.