உங்களை மறைத்துக் கொள்ள, கணினியில் ப்ரொக்சி(Proxy Server)

by **sakthy** Tue Oct 23, 2012 1:58 am

கணினியில் ப்ரொக்சி(Proxy) பற்றி சில தகவல்கள்

ப்ரொக்சி பற்றி உங்களுக்கு தெரியாததா என்ன? இருப்பினும் சில தகவல்களை தருகிறேன்.நான் வேலை பார்க்கும் நிறுவனம் போன்று,சில நிறுவனங்கள்,பல்கலைக்கழகங்கள் Proxy Server க்கு ஊடாக இணையத்திற்கு செல்கின்றன.அப்படி செல்லும் போது, அந்த நிறுவனமோ அல்லது தனிப்பட்ட நபரோ தங்களது IP முகவரியை மறைத்து விடலாம்.

IP என்பது ஒரு தொலைபேசி இலக்கம் போன்றது என சொல்லலாம். ஒவ்வொரு கணினிக்கும் உள்ள IP இலக்கத்தைக் கொண்டு யார் எப்போது எங்கே இணையத்தில் சென்றார்கள் என்ற விபரங்களை சொல்லி விட முடியும். இதைத் தவிர்க்கும் நோக்குடன்,Proxy Server ஐ பயன்படுத்துகிறார்கள். அப்படி பயன்படுத்தும் போது ஒரு இணையப் பக்கத்தில் நமது உண்மையான IP இலக்கத்தைக் காட்டாது,Proxy Server ன் IP இலக்கத்தை மட்டுமே காட்டும்.அதாவது நாம் எங்கிருந்து இணையத்திற்கு சென்றோம் என்ற விபரங்களைக் காட்டாது.இன்னும் சொல்லப் போனால் நான் அமெரிக்காவில் இருந்து கொண்டு சீனாவில் இருந்தோ அல்லது இந்தியாவில் இருந்து கொண்டோ இணையத்திற்கு வந்துள்ளதாகக் காட்டலாம்.உண்மையான நாட்டையோ,IP இலக்கத்தையோ காட்டாமல் மறைத்துவிட முடியும்.

இதைப் போலவே நமது உண்மையான IP இலக்கத்தை மறைத்தோ அல்லது மாற்றியோ, நாம் எங்கிருந்து இணையம் மூலம் தொடர்பு கொள்கிறோம் என்பதை மறைத்து இணையத்தில் பயணம் செய்ய முடியும்.
உங்களை மறைத்துக் கொள்ள, கணினியில் ப்ரொக்சி(Proxy Server) Prooq

உங்களை மறைத்துக் கொள்ள, கணினியில் ப்ரொக்சி(Proxy Server) Prooq

அதற்கு முன் இந்தProxy Server எப்படி வேலை செய்கிறது என்பதைக் காணலாம்.பொதுவாக நாம் இணையத்திற்கு செல்லும் போது,ஒரு பிரவுசரில் தேடுவோம் அல்லது ஒரு முகவரியை எழுதி நேரடியாக இணையப் பக்கத்திற்கு செல்வோம். அப்படி செல்லும் போது, நாம் செல்லும் அந்த இணையப் பக்கத்தினர் நமது IP இலக்கத்தை காண முடிவதுடன் நாம் எங்கிருந்து வருகிறோம் என்பதில் இருந்து எமது முகவரி போன்ற அனைத்தையும் கண்டு கொள்ளலாம். இதிலிருந்து பாதுகாத்துக் கொள்ள,தங்கள் சொந்த விபரங்களை மறைத்துக் கொள்வதற்காகவே,Proxy Server ஐ பயன்படுத்துவதும்,IP இலக்கத்தை மறைத்தும் இணையத்திற்கு செல்கிறார்கள். நிறுவனங்கள் தேவையற்ற பயணிகள்,தடை செய்யப்பட்டவை தங்கள் நிறுவன கணினிக்குள் வராமல் தடை செய்யும் நோக்குடனும் Proxy Server ஐப் பயன்படுத்துகிறார்கள்.தற்போது இணையத்தின் போக்குவரத்துக்கள் அதிகமாகி விட்டதால் அனேகமான நிறுவனங்களும்,தனிப்பட்டவர்களும் Proxy Server ஐ பயன்படுத்துகிறார்கள்.

இப்படி Proxy Server ஐ மறைப்பது மிகவும் சுலம்.இதை நிறுவனங்கள் தனிப்பட்ட மென்பொருள் ஒன்றை பயன்படுத்துகிறார்கள். நாமும் மென்பொருள் மூலமோ அல்லது தேவைப்படும் போது மட்டும் இப்படி ஒரு Proxy Server ஐ ,பிரவுசரில் சிறிய மாற்றம் ஒன்றை செய்வதன் மூலம், நமது உண்மையான IP ஐ மறைத்து நமது விபரங்களை மற்றவர்கள் காண முடியாதவாறு மறைத்து இணையத்திற்கு செல்லமுடியும்.
Proxy Server நாம் தேடும் முகவரியை,அதாவது இணையப் பக்கத்தை பிரவுசரின் தேடு பொறியில் இருந்து தேடி, பெற வேண்டிய தரவுகள்,பாடல்கள் இப்படி எதையாவது பெற்று நமக்கு தருகிறது. இப்போது குறிப்பிட்ட முகவரியாளருக்கு (இணையப் பக்கத்தினருக்கு) தனது IP இலக்கத்தையே கொடுக்கும்.எமது IP இலக்கத்தை கொடுக்காது.அந்த இணையப் பக்கத்தினருக்கு நாம் யாரென்பதும் எந்த நாட்டில் இருந்து இணையப் பக்கத்திற்கு வந்தோம் என்ற விபரங்கள் தெரியாமல் போய்விடும்.

ஆனாலும் சில Proxy Server கள் ஒரு குறிப்பிட்ட காலத்திற்கு தகவல்களை சேமித்து வருகிறார்கள்.அப்படி சேமிக்கும் Proxy Server களிடம் இருந்து தகவல்களை,அதாவது கிரிமினல் வேலைகளை செய்தால், பெற்றுக் கொள்ள முடியும்.

மேலதிக தகவல்கள் விரும்பினால் தரப்படும்.IP பற்றி விரும்பினால் மற்றொரு முறை …..........