மானியம் இல்லாத சமையல் கியாஸ் விலை ரூ.883 ஆக உயர்வு: மேலும் அதிகரிக்க வாய்ப்பு

சமையல் கியாஸ் சிலிண்டருக்கு மத்திய அரசு கட்டுப்பாடு கொண்டு வந்துள்ளது. அதன்படி இனி ஆண்டுக்கு, ஒரு குடும்பத்துக்கு 6 சிலிண்டர்கள் மட்டுமே மானிய விலையில் வழங்கப்படும். 6 சிலிண்டர்களுக்கு பிறகு மானியம் கொடுக்கப்பட மாட்டாது. எனவே நுகர்வோர்கள் இனி கூடுதல் விலை கொடுத்தே சமையல் கியாஸ் சிலிண்டர்களை பெற முடியும்.

தற்போது சிலிண்டர்கள், மானிய விலையில் ரூ.386க்கு கொடுக்கப்படுகிறது. மானியம் இல்லாத விலையில் கொடுக்கப்படும் சிலிண்டர்களுக்கான விலை, ஒவ்வொரு மாதமும் சர்வதேச சந்தையில் உள்ள எண்ணை விலைக்கு ஏற்ப நிர்ணயம் செய்யப்படும் இந்த மாதம் முதல் 2013-ம் ஆண்டு மார்ச் மாதம் வரையிலான 6 மாதத்துக்கு 3 சிலிண்டர்கள் மட்டுமே மானிய விலையில் கொடுக்கப்படும்.

எனவே ஒவ்வொரு குடும்பத்தினரும் விரைவில் கியாசுக்கு அதிக விலை கொடுக்க உள்ளனர். இதை கருத்தில் கொண்டு இந்திய எண்ணை நிறுவனங்கள், மானியம் இல்லாத கியாஸ் சிலிண்டருக்கான விலையை நிர்ணயம் செய்து அறிவிப்பு வெளியிட்டுள்ளன. அதன்படி ஒரு சிலிண்டர் விலை ரூ.883 ஆக இருக்கும் என்று இந்திய எண்ணை நிறுவனங்கள் அறிவித்துள்ளன.

சென்னையில் மானியம் இல்லாத சமையல் கியாஸ் விலை சிலிண்டருக்கு ரூ.877.50 ஆக தீர்மானிக்கப்பட்டுள்ளது. மும்பையில் ஒரு சிலிண்டர் விலை ரூ.894 ஆகவும், கொல்கத்தாவில் ரூ.913 ஆகவும் இருக்கும். மேற்கத்திய நாடுகளில் தற்போது கடும் குளிர் சீசன் தொடங்கியுள்ளது. இதனால் மேற்கத்திய நாடுகளில் கியாஸ் தேவை அதிகரித்துள்ளது. இதனால் சர்வதேச சந்தையில் கியாஸ் விலை உயர்ந்துள்ளது. அது உடனடியாக இந்தியாவில் எதிரெலித்துள்ளது.

சர்வதேச சந்தையில் தற்போது பெட்ரோலியம் பொருட்கள் விலை உயர்ந்தபடி உள்ளது. எனவே சமையல் கியாஸ் விலை மேலும் அதிகரிக்க வாய்ப்புள்ளது. சர்வதேச சந்தையில் எல்பிஜி ரேட் கூடுவது, குறைவதைப் பொறுத்தே இனி சிலிண்டர்கள் விலை நிர்ணயமாகும். இது தொடர்பாக ஐஓசி உயர் அதிகாரி ஒருவர் கூறுகையில்,

சர்வதேச சந்தையில் விலை குறையும் பட்சத்தில் சிலிண்டர்கள் விலை குறையும் என்றார். அவர் மேலும் கூறுகையில், மானியம் இல்லாத விலையில் ஒருவர் எவ்வளவு சிலிண்டர்கள் வேண்டுமானாலும் பெறலாம். அதற்கு கட்டுப்பாடு கிடையாது என்றார்.

பண்ணுங்கட