தமிழக சபாநாயகர் டி. ஜெயக்குமார் ராஜினாமா

சென்னை, செப்., 29 : தமிழக சட்டப் பேரவையின் சபாநாயகராக இருந்த டி. ஜெயக்குமார் திடீரென இன்று தனது பதவியை ராஜினாமா செய்துள்ளார்.

இனி, அவரது பணிகளை துணை சபாநயாகராக உள்ள பி. தனபால் கவனிப்பார் என்றும்,
தமிழக அரசு அனுப்பியுள்ள செய்திக் குறிப்பில் கூறப்பட்டுள்ளது.

அதிமுக அமைச்சரவையில் ஏற்கனவே அமைச்சராக இருந்த டி. ஜெயக்குமார், சபாநாயகர்
பதவியில் இருந்து விலகியிருப்பதற்கான காரணம் தெரிவிக்கப்படவில்லை.

சென்னை: தமிழக சட்டசபை சபாநாயகர் டி. ஜெயக்குமார் இன்று தனது பதவியை
திடீரென ராஜினாமா செய்தார். சட்டசபை வைர விழா கொண்டாடப்படும் என
அறிவிக்கப்பட்டுள்ள நேரத்தில் அவர் பதவி விலகியிருப்பது பல்வேறு
கேள்விக்கணைகளை ஏற்படுத்தியுள்ளது.
தமிழக சட்டசபை வைரவிழா வரும் 28ம் தேதி நடக்கவிருந்தது. இதனையொட்டி சிறப்பு
சட்டசபை கூட்டமும் 29ம் தேதி முதல் துவங்கி நடக்கும் என கடந்த வாரத்தில்
சட்டசபை செயலர் அறிவித்திருந்தார். இந்நிலையில் எவ்வித சர்ச்சையிலும்
சிக்காமல் இருந்து வந்த டி.ஜெயக்குமார் இன்று சபாநாயகர் பதவியில் இருந்து
விலகியுள்ளார். இவருக்கு அமைச்சர் பதவி வழங்கப்படலாம் என்று ஒரு தரப்பினர்
தெரிவிக்கின்றனர். கடந்த முறை அ.தி.மு.க, ஆட்சியில் மீன்வளத்துறை அமைச்சராக
இருந்தார். ஆனால் இது தொடர்பாக தமிழக அரசு தரப்பிலோ , அ.தி.மு.க.,
தரப்பிலோ எவ்வித உறுதிசெய்யப்பட்ட தகவலும் இல்லை. இவருடைய ராஜினாமாவுக்கான
காரணங்கள் இன்னும் யாராலும் தெரிவிக்கப்படவில்லை.



கட்சி மீது அதிருப்தியா ?

ஜெயக்குமார் பதவி விலகியது தொடர்பாக பல்வேறு யூகங்கள் பேசப்படுகிறது.
அண்ணா நினைவு வளைவு சமீபத்தில் இடிக்கப்பட்டது. இந்த இடிப்புக்கு சென்னை
மாநகராட்சி கவுன்சிலர் சந்தானம் எதிர்ப்பு தெரிவித்திருந்தார். இதுதொடர்பாக
சென்னை மாநகராட்சியில் காரசாரமாக விவாதிக்கப்பட்டது. மேயருக்கு எதிராக
சந்தானத்தை தூண்டி விட்டது ஜெயக்குமார் என்று கூறப்படுகிறது. இதன்
எதிரொலியாக ஜெயக்குமார் ஆதரவாளர்கள் 12 பேர் கட்சியில் இருந்து
நீக்கப்பட்டுள்ளனர். இந்நிலையில் கடந்த சில நாட்களுக்கு முன்னர் முதல்வர்
ஜெ., அண்ணா நினைவு வளைவு பணிகளை பார்வையிட்டு பணிகளை துவக்க உத்தரவிட்டார்.
இந்நிலையில் ஜெயக்குமார் தனது பதவியை ராஜினாமா செய்துள்ளார்.


அடுத்த சபாநாயகர் யார்? :
இவர்
பதவி விலகியதை அடுத்து இந்த பொறுப்பில் யாரை அமர்த்துவது என்ற கேள்வி
கட்சிக்குள் எழுந்துள்ளது. தற்போது துணை தலைவராக இருக்கும் தனபாலே
சபாநாயகராக நியமிக்கப்படலாம் என்று தெரிகிறது. இதனிடையே சபாநாயகர் பொறுப்பை
தற்காலிகமாக தனபால் கவனிக்க உள்ளார்.
1991 முதல் ராயபுரம்
தொகுதியில் எம்.எல்.ஏ.,வாக தேர்வு செய்யப்பட்ட ஜெயக்குமார் மீன்வளம்,
சட்டம், மின்சாரம் துறை அமைச்சராக இருந்தவர். 2011ல சபாநாயகரானார்.