1943 ஜூனில் ஜெர்மனியிலிருந்து நீர்மூழ்கிக் கப்பலில் பயணம் செய்து ஜப்பான் வந்தடைந்தார் நேதாஜி

1943
ஜூனில் ஜெர்மனியிலிருந்து நீர்மூழ்கிக் கப்பலில் பயணம் செய்து ஜப்பான்
வந்தடைந்தார் நேதாஜி சுபாஷ்சந்திரபோஸ். டோக்கியோ வானொலி மூலம் நேதாஜி
தென்கிழக்கு ஆசிய நாடுகளில் உள்ள இந்தியர்களுக்கு உரை ஆற்றினார்.
நேதாஜியின் குரலைக்கேட்ட டாக்டர் லட்சுமி எழுச்சியுற்றார். நேதாஜியின்
வருகைக்காகவும் அவரைச்சந்திக்க வேண்டும் என்று ஆவலாகவும் காத்திருந்தார்.


1943 ஜூலை 2 ஆம் தேதி ஐ.ஐ.எல். அலுவலகத்திற்கு வருமாறு அதன் நிர்வாகிகளில்
ஒருவரான எல்லப்பா அவர்கள் டாக்டர் லட்சுமி உள்ளிட்ட சிலருக்கு அழைப்பு
விடுத்தார். அந்த சந்திப்பின்போது, மறுநாள் டோக்கியோவில் இருந்து
சிங்கப்பூர் விமான நிலையத்தில் நேதாஜி வந்து இறங்கப்போகிறார் என்பதையும்,
அவரை வரவேற்கும் குழுவில் தாமும் சேர்க்கப்பட்டு இருப்பதையும் அறிந்து
பூரித்துப்போனார் லட்சுமி.


1943 ஜூலை 3 ஆம் தேதி மாவீரர்
நேதாஜி சிங்கப்பூர் வந்தடைந்தார். அவருடன் ஜெர்மனியிலிருந்து நீர்மூழ்கிக்
கப்பலில் பயணம் செய்த ஆபித்ஹாசன் மற்றும் ஐ.ஐ.எல்.தலைவர் ராஷ்பிகாரி போஸ்
ஆகியோரும் சில ஜப்பானிய இராணுவ அதிகாரிகளும் வருகை தந்தனர். அன்று மாலையே
ஐ.என்.ஏ. படையில் தளபதியாக இருந்த பிரேம்சேகல் உள்ளிட்டவர்கள் நேதாஜியை
சந்தித்து உரையாடினார்கள்.


நேதாஜியுடன் பயணித்த ஆபித்ஹசன்
ஜெர்மனியிலிருந்து நேதாஜி மேற்கொண்ட சாகசப் பயணத்தை விளக்கினார்.
ஜெர்மனியில் மாணவராய் இருந்த ஆபித்ஹசன் விடுதலை உணர்வு பெற்றவராக
நேதாஜியின் அன்பைப் பெற்றிருந்தார். இந்திய விடுதலைப் போராட்ட வரலாற்றில்
“ஜெய்ஹிந்த்” என்னும் வீர முழக்கத்தை முதன் முதலில் தோற்றுவித்தவர்
ஆபித்ஹசன் என்பது அவருக்கு பெருமை சேர்த்ததாகும். நேதாஜியுடனான சந்திப்பு
குறித்து பிரேம் சேகல் லட்சுமி உள்ளிட்டவர்களிடம் பகிர்ந்துகொண்டார்.
நேதாஜியின் மீது லட்சுமிக்கு ஏற்பட்ட பெருமதிப்பு பல மடங்காக ஆனது.
பின்னாளில் பிரேம் சேகலைத் தான் தனது வாழ்க்கைத் துணைவராக டாக்டர் லட்சுமி
அடைந்தார்.


1943 ஜூலை 4 ஆம் தேதி சிங்கப்பூரின் மிகப்
பெரிய பொதுக்கூட்ட மேடையான “காதே” மண்டபத்தில் ஐ.ஐ.எல், ஐ.என்.ஏ. கூட்டுக்
கூட்டம் நடைபெற்றது. இதில்ஐ.ஐ.எல்., இந்திய தேசிய இராணுவத்தை
சேர்ந்தவர்களும் பிற இந்திய மக்களும் பெருமளவில் கலந்து கொண்டனர்.
நேதாஜியைக் காண ஆயிரக்கணக்கானஇந்தியர்கள் கூட்டமும் மண்டபத்திற்கு வெளியே
அலைமோதியது. வரலாற்றுச் சிறப்புமிக்கஇந்தக்கூட்டத்தில்தான்
புரட்சியாளர் ராஷ்பிகாரி போஸ், தமது ஐ.ஐ.எல்., இந்திய தேசிய இராணுவம்
ஐ.என்.ஏ. ஆகியவற்றின் பொறுப்பை நேதாஜியிடம் ஒப்படைத்தார். 1911 இல்
இந்தியாவில் இருந்து தப்பிச் சென்று ஜப்பானில் அடைக்கலம் புகுந்த
ராஷ்பிகாரி போஸ், சுமார் 33 ஆண்டுகளாக தென்கிழக்கு ஆசிய நாடுகளில்
வசிக்கும் இந்தியர்கள் இடையே இந்திய சுதந்திரக் கனல் அணையாமல் பாதுகாத்து
வந்தார்.


பிரிட்டீஷாரை வீழ்த்துவதற்கு ஆயுதப் போராட்டத்தை
இந்தியர்கள் நடத்த வேண்டும் என்று கருதியே ராஷ்பிகாரி போஸ் இந்திய தேசிய
இராணுவத்தைஉருவாக்கினார். தனது முயற்சியால் உருவான அந்த தேசியப்படையை தகுதி
மிக்க ஒருவரிடம ஒப்படைத்த மன நிறைவுடன் ஜப்பான் திரும்பிய ராஷ் பிகாரி
போஸ், ஓர் ஆண்டு காலத்தில் அங்கேயே மரணமடைந்துவிட்டார்.



இந்தியன் இண்டிபென்டன்ஸ் லீக் தலைமைப் பொறுப்பை ஏற்றுக்கொண்டு நேதாஜி
ஆற்றிய உரை, கூட்டத்தில் பங்கேற்ற இந்தியர்களைப் போலவே லட்சுமிக்கும்
உத்வேகத்தைத் தந்தது. இந்திய விடுதலைப் போராட்டத்தை எப்படி
முன்னெடுத்துச்செல்வது, பிரிட்டீஷ் இராணுவத்தை வீழ்த்துவதற்கு எவ்வாறு
படைகளைக் கட்டி அமைப்பது என்பது பற்றியெல்லாம் நேதாஜி வீர முழக்கமிட்டார்.


1943 ஜூலை 5ஆம் தேதி இந்திய தேசிய இராணுவத்தின் தலைமைத் தளபதி
பொறுப்பையும் ஏற்றுக் கொண்ட நேதாஜி, இராணுவத்தின் அணிவகுப்பு மரியாதையை
ஏற்றார். அப்போது உரையாற்றிய பொழுதுதான் தென் கிழக்கு ஆசியாவில் உள்ள
முப்பது இலட்சம் இந்தியர்களுடைய உதவியுடன் இந்தியாவில் பிரிட்டீஷ்
ஏகாதிபத்தியத்திற்கு எதிராக இறுதிப்போராட்டம் நடத்தும் வாய்ப்பு
ஐ.என்.ஏ.வுக்கு கிடைத்து இருக்கிறது என்று நேதாஜி முழங்கினார்.இந்தக்
கூட்டத்தில்தான் ‘ஜெடீநுஹிந்த், சலோதில்லி’ எனும் முழக்கங்களை நேதாஜி
எழுப்பினார். விடுதலைப்போராட்டத்தில் பெண்களும் பங்கேற்கவேண்டும் என நேதாஜி
அழைப்பு விடுத்தார். பிரிட்டீஷ்காரர்களை எதிர்த்து இந்தியாவில் தீவிரமாக
போரிட்ட ஜான்சி ராணி படைப்பிரிவு ஒன்றை ஐ.என்.ஏ.வில் உருவாக்க வேண்டும்
என்று நேதாஜி அறிவித்தார்.


தொடரும் ...........


தகவல் :- திரு.செந்திலதிபன்,
மாநில அரசியல் ஆய்வு மைய செயலாளர்,
மதிமுக.


நன்றி :- சங்கொலி.