திமுக கடந்து வந்த பாதையும் தொலையப் போகும் அதன் எதிர்காலமும்

திமுக கடந்து வந்த பாதையும் தொலையப் போகும் அதன் எதிர்காலமும்


திமுக கடந்து வந்த பாதையும் தொலையப் போகும் அதன் எதிர்காலமும்

கடந்த 15 வருடங்களாக இந்திய ஆட்சி மன்றத்தில் ஆளும் அரசு மாறினாலும்
தமிழகத்தின் சார்பில் தி.மு.க கட்சியின் இருப்பு முக்கிய பதவிகளில்
இருந்து கொண்டு தான் வந்துள்ளது. 1999 -ம் ஆண்டு பா.ஜனதா கூட்டணியில்
முரசொலி மாறனுக்கு மிக முக்கிய பதவியான "வர்த்தகம் மற்றும் தொழில்"
முதற்கொண்டு அடுத்து காங்கிரஸ் கட்சியுடன் கூட்டணி மாறி 2004 -இல் அன்றைய
நிலையில் வளர்ச்சி அடையும் துறையான "தகவல் தொடர்பு மற்றும்
தொழில்நுட்பம்", "கப்பல், தரைவழிப்போக்குவரத்து மற்றும் நெடுஞ்சாலைகள்" ,
2009 -இல் தனது மகனுக்கு உரங்கள் மற்றும் வேதிப்பொருட்கள் துறைகள் வரை
இந்தியாவின் மற்ற கூட்டணி கட்சிகளையும் பின்னுக்கு தள்ளி , ஆளும் அரசையும்
மீறி பெற்றது கருணாநிதியின் இத்தனை வருட அரசியல் முதிர்ச்சி,
சாணக்கியத்தனம், தந்திரம் என்றால் அது மிகையாகாது.

எம்.ஜி.ஆர்
இருந்தவரை அரசியலில் ஓரம்கட்டப்பட்ட கருணாநிதியின் அரசியல் வாழ்க்கை அவர்
மறைவுக்கு பிறகு தமிழகத்தில் வலுவான அரசியல் தலைவர்கள் இல்லாததால் மீண்டும்
புத்துயிர் பெற்றது, அவ்வாறாக தமிழகத்தின் அடிப்படை பிரச்னைகளையும்,தமிழ்
மக்களின் உணர்வுக்கு மதிப்பளிக்கும் வலுவான தலைவர்கள் உருவாகாதவாறு
தனக்கு எதிராக ஜெயலலிதாவை முன்னிருத்தியே குடும்ப அரசியல் செய்கிறார்
என்று பலரின் குற்றச்சாட்டில் உண்மை இல்லாமலும் இல்லை.

1999 -பொது தேர்தல்:
1999 -இல் ஜெயலலிதாவின் மத்திய அரசை ஓராண்டிலேயே கவிழ்ப்பு,தன்னிச்சையான
செயல்கள் போன்ற ஆணவ போக்கினால் அந்த கூட்டணியில் இருந்து விலகி வந்த
பா.ஜ.க,பா.ம.க, ம.தி.மு.க மற்றும் தமிழகத்தின் பிராந்திய கட்சிகளுடன்
பலமான கூட்டணி போன்றவை மற்றும் தமிழகத்தின் வலுவான தலைவர்கள் இல்லாத குறை
கருணாநிதிக்கு சாதகமா அமைகிறது.

அமைச்சர்கள்:
முரசொலி மாறன் - வர்த்தகம் மற்றும் தொழில்
டி. ஆர். பாலு - சுற்றுப்புறசூழல் மற்றும் வனங்கள்
இணை அமைச்சர்கள்: ஆ. ராசா - கிராமப்புற வளர்ச்சி

2004 -பொது தேர்தல்:
2004 - ஆம் ஆண்டு பொது தேர்தல், மறுபடியும் இங்கே ஜெயலலிதா கருணாநிதியின்
நன்றிக்கு உரியவர் ஆகிறார்.அரசு ஊழியர்களுக்கு எதிரான நடவடிக்கை, மதமாற்ற
தடை சட்டம், இலவசங்கள் ரத்து, பொடா சட்டம், கிராமங்களில் மக்களின் இந்து
மதத்தில் பார்ப்பனியத்தை தந்திரமாக உள்நுழைத்து ஆடு, கிடா வெட்ட தடை
போன்ற பல்வேறு நடவடிக்கைகள் தமிழகத்து மக்கள் மத்தியில் ஜெயலலிதாவிற்கு
எதிராக மாபெரும் அதிருப்தியை உண்டாக்கியது. இதன் விளைவாக மறுபடியும்
ம.தி.மு.க, பா.ம.க , கம்யூனிஸ்ட்கள், காங்கிரேசுடன் கூட்டு போன்றவை
கருணாநிதிக்கு சாதகமாக அமைகிறது.

அமைச்சர்கள்:
டி. ஆர். பாலு - கப்பல், தரைவழிப்போக்குவரத்து மற்றும் நெடுஞ்சாலைகள்
தயாநிதி மாறன் - தகவல் தொடர்பு மற்றும் தொழில்நுட்பம்
ஆ. ராசா - சுற்றுப்புறச்சூழல் மற்றும் வனங்கள் மற்றும் தகவல் தொடர்பு மற்றும் தொழில்நுட்பம்

இணை அமைச்சர்கள்:
எஸ். எஸ். பழனிமாணிக்கம் - நிதி
எஸ். ரகுபதி - சுற்றுப்புறச் சூழல் மற்றும் வனங்கள்
கே. வெங்கடபதி - நீதி மற்றும் சட்டம்
சுப்புலட்சுமி ஜகதீசன் - சமூக நீதி.

2009 -பொது தேர்தல்
தி.மு.க என்ற திராவிட கட்சியின் தமிழ் மக்களுக்கு எதிரான நயவஞ்சக, சுயநல
போக்கை தமிழ் ஆர்வளர்கள், படித்த தமிழ் இளைஞர்கள், கிராமப்புற தமிழ்
மக்களிடையேயும் அப்பட்டமாக தோலுறுத்தி காட்டிய ஆண்டு, கடந்த 50
ஆண்டுகளுக்கு மேலாக தமிழர்கள் விரும்பி அணிந்த திராவிட போர்வையை
அச்சத்துடன் பார்க்க வேண்டிய நிலை, பெரியார் , அண்ணா போன்ற தலைவர்கள் வழி
வந்த திராவிட முன்னேற்ற கழகம் கருணாநிதி அவர்களால் மொத்தமாக குழி தோண்டி
புதைத்த ஆண்டு என்று வரலாற்றில் எழுதப்பட வேண்டிய ஆண்டு.

10
ஆண்டுகளில் பாரதிய ஜனதா, காங்கிரஸ் போன்ற கட்சிகளோடு மாறி மாறி கூட்டணி
வைத்து மத்திய அரசில் முக்கிய பதவிகளில் அங்கம் வகித்து ஊழலின் போதையில்
ஊறிய தி.மு.க கட்சி, போதையில் அடுத்து தொடர்ந்து பதவி பிடிக்கும் ஆசையில்
சொந்த மக்களயும் , நம்பிய மக்களையுமே காவு கொடுக்க துணிந்த தேர்தல்-2009
என்றே சொல்ல வேண்டும். 2G போன்ற மிதமிஞ்சிய ஊழலின் பணத்தை கொண்டு அதுவரை
மக்களின் எண்ணிக்கை குறைவு என்ற அளவில் சட்டமன்ற தேர்தலில் மட்டுமே
புழங்கிய "ஓட்டுக்கு பணம்" என்ற முறையை,மிகப்பெரிய தொகுதிகுக்கு 10
இலட்சம் வாக்காளர்கள் என்று இருக்கும் பாராளுமன்ற உறுப்பினர் பதவியையே ஒரு
ஓட்டுக்கு 100 ,200 ரூபாய் என்று இந்தியாவிற்கே புது ஜனநாயகத்தை
அறிமுகபடுதியவர் கருணாநிதி அவர்கள்.

காங்கிரஸ் சோனியாவுடன்
இணைந்து கொண்டு, அதுவரை தொப்புள் கொடி உறவுகளுக்காக குரல் கொடுத்து கொண்டு
வந்த பல தமிழ் அமைப்புகளையும் சேர்த்து கொண்டு , கூடவே மிதமிஞ்சிய ஊழலின்
பணத்தை கொண்டும் தேர்தலை சந்தித்து தனது கோர, நயவஞ்சக முகத்தை அப்படமாக
வெளிகாட்டினார் கருணாநிதி அவர்கள்.

2011 - சட்டமன்ற தேர்தல்:

எம்மக்கள் கருவறுக்க தொடங்கிய காலம் .மிகப்பெரிய பண பலம், மீடியா பலம்
என்று வந்தும் தமிழ் மக்கள் முற்றாக ஒதுக்கி மூலையில் வைத்தார்கள்,
கருணாநிதியின் மீது கொண்ட கோபத்தால் நேற்று வந்த நடிகர்களின் கட்சியை
ஆதரித்த தமிழ் மக்கள், தமிழ் ஆர்வலர்கள் எதிர்க்கட்சி என்ற தகுதியை கூட
கொடுக்க மனம் ஒப்பவில்லை, 1999 - பாரதிய ஜனதா கூட்டணி, 2004 காங்கிரஸ்
கூட்டணி என்று தன்னுடன் இருந்த ம.தி.மு.க, பா.ம.க , கம்யூனிஸ்ட்கள் போன்ற
கட்சிகளும் கருணாநிதியை இன்று ஒதுக்கி வைத்துள்ள நிலையில் , காங்கிரஸ்
என்ற கட்சியே செல்லா காசாகி போன தி.மு.க வை இன்று எட்ட தூரத்தில்
வைத்திருக்கும் நிலை, தமிழகத்தில் ஓட்டுவன்கியே இல்லாத பா.ஜனதா கட்சியும்
தனித்து நின்று தோல்வியுற்றாலும் கூட பராவில்லை,தேர்தல் முடிந்து வெற்றி
பெரும் கட்சியுடன் சேரலாம் ஆனால் தி.மு.க மட்டும் கூட்டணி வேண்டாம்
என்ற நிலை.

ஆடிய காலும் , பாடிய வாயும் சும்மா இருக்குமா, மத்திய
அரசில் தனது இப்படிப்பட்ட இருப்பை ருசி கொண்ட தி.மு.க விடுமா ? இழந்த
செல்வாக்கை ஓரளவாது மீட்டு வெளிவர துடிக்கிறது இன்றைய தி.முக. நேற்று வந்த
விஜயகாந்த் , ராமதாஸ் போன்றவர்கள் தமிழக பிரச்சனைகளான மது ஒழிப்பு,
மின்சாரம் பிரச்னை, விலை வாசி உயர்வு என்று குரல் கொடுத்து வரும் நிலையில்
தி.மு.க என்ற கட்சி ஊழலில் சிறைக்கு செல்லும் கட்சியினரை காப்பாற்ற சிறை
நிரப்பும் போராட்டம், ஈழ மக்களுக்கு புரிந்த துரோகங்கள் எம் தோழர்கள்
தோலுரித்து காட்டியதின் விளைவு, மீண்டும் டெசோ , இணையத்தில் தமிழ்
ஆர்வலர்கள் தி.முக வையே முடக்கும் நிலை அதன் தலைவரை இணையத்தை நோக்கி
அலறியடித்து வர செய்துள்ளது. எம் தோழர்கள் முகநூலில் (பேஸ் புக் )
துரத்துகிறார்கள் , ட்விட்டருக்கு ஓடினார், அங்கேயும் எம் தோழர்கள்
துரத்துவார்கள், உங்கள் வசனத்தின் படி வாழ்க்கையின் ஓரத்திற்கே உங்களை
துரத்தாமல் எம் தோழர்கள் விட போவதில்லை.

நன்றி : சுப்பு மணி