கலர் கலரா மீன் மழை .

கொஞ்ச காலமாவே சினிமா , சொந்த பதிவு என எழுதி போர் அடிச்சு போனதால கொஞ்சம்
அறிவு பூர்வமான தகவல்களோட சுவாரசியமான விடயம் பற்றி எழுதுவமே என்று
எழுதும் பதிவு .வரும் நாட்களில் கிரிக்கெட் சம்மந்தமான பதிவுகளையும்
நீங்கள் எதிர்பார்க்கலாம் .

மழை எல்லாருக்கும் பிடிச்ச விஷயம் .
அதுவும் கலர் கலர் மழை எண்டா . சில கலர்கள் ஆபத்து இல்லாவிட்டாலும் சில
கலர்கள் ஆபத்தானவையே . என்னடா கலர் கலர் எண்டு கேகுறீங்களா. சிவப்பு மழை ,
மஞ்சள் மழை , கருப்பு மழை எண்டு கலர் கலர் மழை வரிசையிலை இப்ப மீன்
மழையும் . கறுப்பு கலர் மழை கூடுதலா யோசிக்க வேண்டிய கலர் தான் .
கூடுதலானோருக்கு அதன் காரணமும் தெரியும் . நாம் தான் காரணம் .



சிவப்பு
மழை பெய்து பரபரப்பு ஏற்ப்பட்ட கேரளாவில் இப்போது மீன் மழை பெய்துள்ளது
.பிந்திய செய்தியாக நேற்று அவுஸ்திரேலியால மீன் மழை பெய்திருக்கிறது .
ஆஸ்திரேலியாவின் வறட்சியான வடக்குப் பகுதியில், ஆயிரத்துக்கும் குறைவான மக்களே வசிக்கும் சிறிய நகரம் லஜாமனு.
இது அங்குள்ள ஆற்றில் இருந்து 326 மைல் தொலைவில் உள்ளது
தனாமி பாலைவனத்தை ஒட்டி அமைந்துள்ள இந்த வறண்ட நகரத்தில் கடந்த சில நாட்களாக வழக்கத்துக்கு மாறான தட்பவெப்பம் நிலவி வந்தது.
இதையடுத்து ரெண்டு நாட்களாக தொடர்ந்த மழையில் பல நூற்றுக்கணக்கான மீன்கள் வந்து விழுந்ததாக தகவல் .



கடந்த
30 ஆண்டுகளில் இங்கு இதுவரை 3 தடவை மீன்மழை பெய்துள்ளதாக இப்பகுதி மக்கள்
தெரிவிக்கின்றனர். கடந்த 1974 மற்றும் 2004ஆம் ஆண்டுகளில் இதுபோன்று மழை
பெய்ததாகக் கூறியிருக்கின்றனர்.

சில நேரங்களில் பலத்த சூறாவளிக்
காற்றின் போது, ஆற்று நீரில் உள்ள மீன்கள் உறிஞ்சப்பட்டு, நூற்றுக்கணக்கான
மைல்களுக்கு அப்பால் வீசப்படுவது பொதுவாக நடக்கக்கூடியது தான். கேரளாவில்
பெய்த மழையில் விழுந்த மீன்களை பிடித்து வைத்து பார்த்த பொது அவை அருகில்
இருக்கும் குளத்தில கிடைக்கும் மீன் வகையாக இருந்தமை குறிப்பிடத்தக்கது .

விழுந்த மீன்கள் உயிரோடு ..

மேகங்கள்
உருவாகும் போது, நீர் வாழ் உயிரினங்கள் வானுக்கு உறிஞ்சப்படும். மழை
மேகங்களில், ஈரத்தன்மை இருக்கும் வரை, நீரில் எப்படி அந்த உயிரினங்கள்
வாழ்கின்றனவோ, அதேபோல உயிர் வாழ முடியும். மழை மேகம், கலைந்து மழை விழும்
போது, அந்த மீன்களும் கீழே விழும் .



பெய்த
சிவப்பு மழைக்கும் காரணமாக நீரில் காணப்படும் ஒரு வகை பாசியின் இரசாயன
பதார்த்தமே காரணமாக சொல்லப்பட்டது . கூடுதலான காரணமாக சில நட்சத்திரங்கள்
எரிந்து விழும் போது அதன் துகள்கள் தங்கி விடுவதால் அதுவே கலர் மழைக்கு
காரணம் என்று ஒரு ஆய்வு சொல்கிறது .

எரிமலைகளின் சாம்பல்
முகில்களுக்குள் சென்று படிந்து தங்கி விடுவதால் அதன் காரணமாகவும் மழை
கலர் கலராக பெய்வதாகவும் ஒரு ஆய்வு கூறுகிறது .
கூடுதலாக கறுப்பு
நிறத்திலும் சிவப்பு நிறத்திலும் அமெரிக்காவில் மழை பெய்துள்ளது . இது
கூடுதலாக ஆரோக்கியமானதல்ல . கூடுதலாக சுற்று சூழலில் இருந்து வெளி வரும்
புகைகள் , அமிலங்கள் போன்றன நீரில் கலப்பதால் ஏற்ப்படுகிறது . அமிலங்களும்
ஒரு வகையில் கலர் மழைக்கு காரணமாக இருக்கலாம் .



கூடுதலாக
கடலின் அடியில் இருக்கும் எரிமலைகளும் குமுறும் போது கடலின் மேல் மட்டத்தை
தாண்டி வானத்தில் மீன்களையும் கடல் வாழ் உயிரினங்களையும் தள்ளுவதால் அவை
அங்கேயே தங்கி மீண்டும் மழையாக பெய்கின்றன .

பாரிய சுழல் காற்று வீசும் போது வேறு உயிரினங்களும் வந்து விழுவதட்க்கான சாத்தியங்கள் அதிகம் .

உடன
இதுக்கு வேற எதோ காரணம் சொல்லி உலகம் அழியப்போது எண்டெல்லாம் , தெய்வ
குத்தம் எண்டெல்லாம் புரளி கிளம்புது . கறுப்பு மழை பெய்வதை தடுத்தால்
உலகம் நீண்ட ஆயுளுடன் வாழும் .