இந்திய ரிசர்வ் வங்கி கவர்னர் பெயரை பயன்படுத்தி "டுபாக்கூர்' மின்னஞ்சல்

பரிசுத் தொகைக்கு தேர்ந்தெடுக்கப்பட்டுள்ள, மின்னஞ்சல்(இ -மெயில்)
முகவரிகளுக்கான சொந்தக்காரர்கள், அத்தொகையை பெற, இந்திய ரிசர்வ் வங்கி
கவர்னர் அனுமதித்துள்ளதாக வெளியாகியுள்ள மின்னஞ்சல், "இன்டர்நெட்'
பிரியர்களை அதிர்ச்சியடையச் செய்துள்ளது.
"உங்கள் மின்னஞ்சல் முகவரி, ஐந்து லட்சம் அமெரிக்க டாலர்கள் பரிசுத்
தொகைக்கு தேர்ந்தெடுக்கப்பட்டுள்ளது. இத்தொகையைப் பெற, உங்கள் பெயர்,
மொபைல் எண் உள்ளிட்ட விவரங்களை குறிப்பிட்ட மின்னஞ்சல் முகவரிக்கு உடனே
அனுப்பவும்' என்ற அறிவிப்புடன் கூடிய மின்னஞ்சல், "இன்டர்நெட்'
பிரியர்களுக்கு, படித்து புளித்துப் போன விஷயம் தான்.
அதிர்ச்சி: "தங்கள் மொபைல் எண், பல லட்சம் அமெரிக்க டாலர்கள்
பரிசுத் தொகைக்கு தேர்ந்தெடுக்கப்பட்டுள்ளது' என வரும்
குறுஞ்செய்திகளையும், மொபைல்போன் வாடிக்கையாளர்கள் "சீரியசாக' எடுத்துக் கொள்ளவதில்லை. ஆனால், இதுதொடர்பாக, "இந்திய ரிசர்வ் வங்கியின் அறிவிப்பு'
என்ற தலைப்பில், சமீபத்தில் வெளியாகியுள்ள ஒரு மின்னஞ்சல், "இன்டர்நெட்'
பிரியர்களை அதிர்ச்சியடைய செய்துள்ளது. அதன் விவரம்: ஐ.நா. சபை
பொதுச் செயலர் பான் கீ மூன், இந்திய ரிசர்வ் வங்கி கவர்னர் சுப்பாராவ்
ஆகியோர், கடந்த மாதம் ஏழாம் தேதி, மும்பையில் சந்தித்து பேசினர்.
அச்சந்திப்பின் போது, கடந்த 2007ம் ஆண்டு முதல், 2012ம் ஆண்டு வரை,
பிரிட்டன் அரசால், பரிசுத் தொகைக்கு தேர்ந்தெடுக்கப்பட்ட மின்னஞ்சல்
முகவரிகளுக்கான பரிசுத்தொகையை, அவற்றின் சொந்தக்காரர்களுக்கு வழங்க,
சுப்பாராவ் அனுமதித்துள்ளார். தகுதியுடையோர், ஐந்து லட்சம் அமெரிக்க டாலர்
பரிசுத் தொகையை பெற, 17 ஆயிரத்து 500 ரூபாய் செலுத்த வேண்டும். மேலும்,
தங்கள் பெயர், முகவரி, மொபைல் எண், வங்கி கணக்கு எண் உள்ளிட்ட விவரங்களை,
நடவடிக்கை: தொழில்நுட்ப கொள்ளையர்கள், வங்கிகளின் வங்கி என வர்ணிக்கப்படும் ரிசர்வ்
வங்கி பெயரிலேயே, போலி மின்னஞ்சல் முகவரியை பயன்படுத்துவதும், வங்கியின்
கவர்னருடைய பெயரை பயன்படுத்தி தவறான தகவல்கள் பரப்புவதும், நம் நாட்டை
தவிர, வேறெந்த நாட்டிலாவது சாத்தியமா என தெரியவில்லை. இதுகுறித்து, இந்திய
ரிசர்வ் வங்கியின் (சென்னை) உயரதிகாரி ஒருவர் கூறும்போது, ""இந்த
மின்னஞ்சல் குறித்து இதுவரை, எங்களுக்கு தகவல் ஏதுமில்லை. இதுதொடர்பாக
யாராவது புகார் அளித்தால், உரிய நடவடிக்கை எடுக்கப்படும்,'' என்றார்.