குடிநீருக்காக ரூ.15 செலவழிப்பவர்கள் அரிசி விலையை ஒரு ரூபாய் ஏற்றினால் கூச்சலிடுவதா? சிதம்பரம்

by **மாலதி** Wed Jul 11, 2012 7:57 am

பெங்களூரு:""பாட்டில் குடிநீருக்கு, 15ரூபாய் செலவழிக்க தயாராகஇருக்கும்
மத்திய தர வகுப்பினர், அரிசிக்கு ஒரு ரூபாய்விலை ஏற்றினால் கூச்சல்
போடுகின்றனர்,'' என, மத்திய உள்துறை அமைச்சர் சிதம்பரம்விமர்சித்துள்ளார்.

பெங்களூரில்
நிருபர்களிடம்பேசிய அவர் கூறியதாவது:கொள்முதல் விலையை அதிகரித்ததால்,
லட்சக்கணக்கானவிவசாயிகள் பலன் அடைந்துள்ளனர். அதேநேரத்தில்,உணவு பணவீக்கம்
அதிகரித்துள்ளது. நாம் ஒவ்வொரு விஷயத்தையும், மத்திய தர வகுப்பினரை
கருத்தில் கொண்டேபார்க்க முடியாது. பாட்டில் குடிநீருக்கு, 15 ரூபாய்
அல்லது ஐஸ்கிரீமிற்கு 20 ரூபாய் செலவழிக்கத் தயாராக இருக்கும், நம்நாட்டில்
உள்ள மத்திய தர வகுப்பினர், அரிசிக்கோ அல்லது கோதுமைக்கோ, கிலோவுக்கு
ஒருரூபாய் விலை ஏற்றினால், கூச்சல் போடுகின்றனர்.

ஆசிரியர்கள் நியமனம்:
நாடு முழுவதும் உள்ள பள்ளிகளில், 500 வகுப்பறைகள் கட்டியது, புதிதாக 6.8
லட்சம் ஆசிரியர்களை நியமித்தது, ஒவ்வொரு நாளும் 11 கோடி குழந்தைகள் பலன்
அடையும் வகையில், மதிய உணவு திட்டத்தைஅமல்படுத்தியது போன்றவைஎல்லாம்,
மன்மோகன் சிங் அரசின் சாதனைகள். இலவச கட்டாய கல்வியை அமல்படுத்தியது, தேசிய
தொழில்நுட்ப நிறுவனம் அமைத்தது போன்றவையும், கல்வித் துறையில் மத்தியஅரசு
படைத்த சாதனைகள்.மின்துறையில் கூடுதலாக, 22ஆயிரம் மெகாவாட் மின்சாரத்தை
உற்பத்தி செய்ய, மத்தியஅரசு நடவடிக்கை எடுத்துள்ளது.புதிதாக எட்டாயிரம்
கிராமங்கள் மின்சார வசதி பெற்றுள்ளன. உலகில் தொலை தொடர்பு சந்தையில்
இரண்டாவது இடத்தை இந்தியா பிடித்துள்ளது.

நெருக்கடியால் பாதிப்பு:ஐக்கிய
முற்போக்கு கூட்டணிஅரசின், முதல் இரண்டு ஆண்டுகளில், பொருளாதார
வளர்ச்சிகுறிப்பிடத்தக்க அளவில் இருந்தது. ஆனால், கடந்த ஆண்டில்,
எதிர்பார்த்த வளர்ச்சியை அடைவதில் சிரமம் ஏற்பட்டது.2008ல் ஏற்பட்ட நிதி
நெருக்கடியில் இருந்து இந்தியா தப்பித்து விட்டாலும், ஐரோப்பியநாடுகளின்
பொருளாதார நெருக்கடியால், தற்போது நமக்குபாதிப்பு ஏற்பட்டுள்ளது.
2008ல்ஏற்பட்ட நெருக்கடியை விட,ஐரோப்பிய மண்டல நெருக்கடிமிக மோசமானதாக
உள்ளது.சீனா மற்றும் சில நாடுகளைப்போல, மிக வேகமாக வளர்ந்துவரும் நாடுகள்
பட்டியலில் இந்தியாவும் உள்ளது. விரைவில்மிக உயர்வான வளர்ச்சிப்பாதையை
நோக்கி நம் நாடுசெல்லும். பிரச்னைகளில்இருந்து மீளும்.

பிரதமர் நடவடிக்கை: நிதிப்
பற்றாக்குறையைகட்டுப்படுத்த, வருவாயை அதிகரிக்கவும், தேவையற்ற செலவுகளைக்
கட்டுப்படுத்தவும் நடவடிக்கைகள் எடுக்கப்பட்டுள்ளனஎன்றார்.

பா.ஜ., கண்டனம்: சிதம்பரத்தின்
இந்த பேட்டிக்கு பா.ஜ., கண்டனம் தெரிவித்துள்ளது. இது குறித்து அக்கட்சி
செய்தி தொடர்பாளர் ஷாநவாஸ் ஹூசைன் கூறுகையில் நடுத்தர மக்களின் உணர்வுகளை
சிதம்பரம் புரிந்து கொள்ள தவறிவிட்டார். விமானத்திலும் குளிர்சாதன
பேருந்திலும் பயணம் செய்யும் சிதம்பரம் சாதாரண மக்களின் உணர்வுகளை பரிந்து
கொள்ளவில்லை. சாதாரண மக்களை சிதம்பரம் அவமானப்படுத்திவிட்டார் என
கூறினார்.