முக்கியமான நபர்களை குறிவைத்துள்ள இலங்கை புலனாய்வுத்துறை?

முக்கியமான நபர்களை குறிவைத்துள்ள இலங்கை புலனாய்வுத்துறை?


சிறீலங்கா அரசு மே 18 இற்க பிறகு தமிழீழ அரசியலை முன்னெடுக்கும் பலரை
இலக்கு வைத்து காய் நகர்த்துவது நாம் அறிந்ததே.. வெளியாக இயங்கும் பலரை அது
வெளிப்படையாகவே இலக்கு வைத்திருக்கிறது.குறிப்பாக உருத்திரகுமாரன்,

நெடியவன், விநாயகம், இம்மானுவேல் அடிகளார், ராஜப்பு ஜோசப்பு அடிகளார்,
சுரேன் சுரேந்திரன், கஜேந்திரன், கஜேந்திரகுமார் என்பவர்கள்
முதன்மையானவர்கள். மிக அண்மையில் எமக்கு கிடைத்த ரகசிய தகவலின்படி 3
முக்கிய செயற்பாட்டாளர்களும் ஆக்கபூர்வமான அரசியலை மிக ரகசியமாகவும்
(வெளிப்படையானவர்களாக இயங்கினாலும்) முன்னெடுப்பவர்களான திரு குமாரவடிவேல்
குருபரன், நிர்மானுசன் பாலசுந்தரம மற்றும் பரணிகிருஸ்ணரஜனி என்றழைக்கப்டும்
பரணிதரன் ஆகியோர்களை சிறீலங்கா புலனாய்வுத்துறை இலக்கு வைத்திருப்பதாக
அறியக்கிடைத்தது. அவர்களுக்கு உயிராபத்து ஏற்படுத்தும் துர்நோக்கமும்
இருப்பதாக தெரிகிறது. இதன் உண்மைத்தன்மையை பரிசோதிப்பதற்கு கால அவகாசம்
இல்லை. அவர்கள் மே18 இற்கு பிறகான எமது அரசியலில் முக்கியமானவர்கள். இதை
ஊடகங்களின் வழி கவனப்படுத்தும்போது அந்த செய்தி உண்மையாக
இருக்கும்பட்சத்தில் சம்பந்தப்பட்டவர்கள் தம்மை பாதுகாத்து கொள்ள வழி
செய்வது மட்டுமல்ல தமது துர்நோக்கம் வெளிப்பட்டுவிட்டது என்று தெரிந்து
சிறீலங்கா அரசும் ஒதுங்கிக்கொள்ளலாம்.

சிறீலங்கா புலனாய்வு பட்டியலி;ல் சம்பந்தபப்ட்டவர்கள் குறித்து உள்ள குறிப்பு சுருக்கமாக..

01. குமாரவடிவேல் குருபரன்
யாழ் பல்கலைக்கழக சட்டத்துறை வரிவுரையாளர், தமிழ் சிவில் சமூகத்தை
தோற்றுவித்தவர்களில் முதன்மையானவர். ராஜப்பு ஜோசப்பு அடிகளாரின் வலதுகரமாக
செயற்படுபவர். தமிழீழ கோரிக்கையை சட்ட முறைகளுக்குட்பட்டு ஜனநாயக வழி
எடுப்பதற்கு மிக தந்திரமாக காய்களை நகர்த்தி வருபவர். பன்மொழிப்புலமையும்
தேர்ந்த அறிவும் உள்ளவர்.

02. நிர்மானுசன் பாலசுந்தரம்


புலிகளின் ஊடக வலையமைப்பில் முன்பு தொடர்புகளை பேணியவர். தற்போது
அரசுக்கெதிராக செய்றபடும் சிங்களவர்களுடன் இணைந்து ரகசியமாக இயங்கிவருபவர்.
சனல் 4க்கு ஆவணங்களை வழங்கியவர்களில் முக்கியமானவர். போhக்குற்றம் மற்றும்
இனப்படுகொலை விசாரணைகளை துரிதப்படுத்தும் நகர்வுகளை அனைத்துலக மட்டத்தில்
செயற்படுத்த முனைப்பு காட்டிவருபவர்.

03. பரணி கிருஸ்ணரஜனி என்கிற பரணிதரன்.

மே 18 பிறகு தீவிரமாக இயங்கிவரும் இவர் ஐரோப்பிய பல்கலைக்கழகங்களில் ஆய்வு
மேற்கொண்டு வருபவர். 2 கலாநிதி பட்டங்களை பெற்றிருக்கிறார். ஆனால்
மிகவும் ரகசியமாக இயங்குபவர். நாடு நாடாக அலைந்து திரிபவர். மே 18 இற்கு
பிறகு புலத்திலும் இலங்கையிலும் மாணவர்களை ஒருங்கிணைத்து ஆயுதப்புரட்சி
செய்யும் நோக்கில் மிகத் தீவிரமாக இயங்கி வருபவர். பிரபாகரனின்
ஊரைச்சேர்ந்தவர் மட்டுமல்ல அவரது உறவினரும்கூட. மே 18 இற்கு பிறகு கேபி
அவர்களை தலைமைப்பதவி எடுக்க விடாமல் தடுத்ததில் முதன்மையானவர்.


தயவு செய்து தமிழ் ஊடகங்கள் இதை வெளிப்படுத்தி எமக்காக இயங்கும் அவர்களை
பாதுகாக்கும் நடவடிக்கையில் இறங்குமாறு தாழ்மையுடன் கேட்டு கொள்கிறோம்.
எம்மை வெளிப்படுத்த முடியாத சூழல். ஆனால் எமது தகவல்
உறுதிப்படுத்தப்பட்டது. இதை புpரசுரிக்காவிட்டாலும் பரவாயில்லை.
சம்பந்தபட்டவர்களுக்கு ஏதோ ஒரு வகையில் பாதுகாப்பை நல்குமாறு
வேண்டிகொள்கிறோம்.



நன்றி
தமிழ் புலனாய்வு மையம்.