நாடு கடந்த தமிழீழ அரசுக்கு புகழாரம் சூட்டிய கனடாவின் நஷனல் போஸ்ட் நாளிதழ்.

by **அருள்** Wed Jun 20, 2012 9:47 am

நாடு கடந்த தமிழீழ அரசுக்கு புகழாரம் சூட்டிய கனடாவின் நஷனல் போஸ்ட் நாளிதழ்.

கனடாவிலிருந்து வெளிவருகின்ற பிரபலமான நாளிதழான நஷனல் போஸ்ட் ஸ்ரீலங்காவின் போர் குற்ற ஆதாரங்ளை வெளிச்சத்துக்கு கொண்டு வந்துள்ளது.

நேற்று முன்தினம் சனிக்கிழமை வெளிவந்த கட்டுரையில் ஸ்ரீலங்காவின்
சிறுபான்மைத் தமிழருக்கான சுதந்திரத்தை நாடு கடந்த தமிழீழ அரசாங்கம் வேண்டி
நிற்கிறது என்று தெரிவித்துள்ள இப்பத்திரிகை, பிரித்தானிய தமிழ் சட்டத்தரணியான வாசுகி முருகதாசிடம் இருந்து இப் போர்க்குற்ற ஆதாரங்கள் பெறப்பட்டதாகவும் குறிப்பிட்டுள்ளது.

ஸ்ரீலங்காவின் போர்குற்றங்கள் மற்றும் இனப்படுகொலை தொடர்பிலான ஆதாரப்பதிவுகளை வெளிச்சம் போட்டுக் காண்பித்துள்ளது.

ஸ்ரீலங்கா ஆக்கிரமிப்பு படைகளினால் வன்புணர்வு செய்யப்பட்ட போராளிகள்
தொடர்பிலான ஒளிப்படங்கள் மற்றும் காணொளிப் பதிவுகளை நஷனல் போஸ்ட்பத்திரிகை
வெளியில் கொண்டு வந்துள்ளது.

நஷனல்போஸ்ட் பத்திரிகைக்கு
வழங்கப்பட்ட ஒளிப்பட மற்றும் புகைப்பட ஆதாரங்களில் பிறந்த மேனியுடன்
காணப்படும் பெண்களின் உடல்கள் பற்றிச் சட்டத்தரணி வாசுகி
கருத்துரைக்கையில், “இவர்கள் பாலியல் வல்லுறவிற்கு உட்படுத்தப்பட்ட பினபு
சுட்டுக் கொலை செய்யப்பட்டிருக்கலாம்” என்று கூறியதாக அக்கட்டுரையில
தெரிவிக்கப்பட்டுள்ளது.

நஷனல்போஸ்ட் பத்திரிகைக்கு
வழங்கப்பட்டுள்ள படங்கள் ஏற்கெனவே பதிவு செய்யப்பட்டுள்ள ஆதாரங்களுக்கு
மேலும் வலுவூட்டுவனவாக அமைகின்றன என்று நாடு கடந்த தமிழீழ அரசாங்கத்தின்
பேச்சாளர் தெரிவித்துள்ளதாகவும் நஷனல்போஸ்ட் பத்திரிகை தெரிவித்துள்ளது.

இவ்வாதாரங்கள் குறித்துக் கருத்துரைத்துள்ள ஸ்ரீலங்கா அதிகாரி ஒருவர்
இவ்வாதாரங்கள் சோடிக்கப்பட்டவை என்று கூறியுள்ளதை மறுத்துள்ள சட்டத்தரணி
வாசுகி முருகதாஸ், ஏற்கெனவே இரண்டு குடும்பத்தினர் இந்தப் படங்களில்
இருக்கும் தமது உறவுகளை இனம் கண்டுள்ளதாகத் தெரிவித்துள்ளதாகவும்
நஷனல்போஸ்ட்பத்திரிகை தெரிவித்துள்ளது.

ஐக்கிய நாடுகள் சபை,
காணாமல் போயிருக்கும் இந்த போர்க் கைதிகள் பற்றி, விசாரணை நடத்த வேண்டும்
என்று ஸ்ரீலங்காவிடம் கேட்க வேண்டும் என்று கூறியுள்ள வாசுகி – தன்னிடமுள்ள
ஆதாரங்களைப் போர்க் குற்ற ஆதாரங்களாக அல்லது குறைந்த பட்சமாக “தரக்குறைவான
நடத்துதல்” இற்கான ஆதாரங்களாக ஐ.நா. சபைக்கு அனுப்ப எண்ணியுள்ளதாகவும்
தெரிவித்துள்ளதாகவும் நஷனல்போஸ்ட் பத்திரிகை தெரிவித்துள்ளது.

வாசுகி முருகதாஸ் பிரித்தானியாவிற்கான நாடு கடந்த தமிழீழ அரசாங்கத்தின் உள்துறைச் செயலாளர் என்பது குறிப்பிடத்தக்கது.

ஈழத்தில் நடந்த கொடுமைகளை தற்போது வெளிச்சம் போட்டுக் காட்டிய நஷனல்
போஸ்ட் பத்திரிகையின் செயலை கனடாவில் வாழும் தமிழ் மக்கள் மட்டுமல்ல
உலகெங்கும் வாழும் தமிழ் மக்களும் வரவேற்றுள்ளனர்.