வெளிச்சம் நிகழ்சியில் வெளிவராத விடையங்கள் .. !

by **அருள்** Thu Jun 14, 2012 8:09 am

உலகத்
தமிழர்களின் தொலைக்காட்சி என்றுசொல்லி வலம் வரும் GTV யில் சில நாட்களாக
வெளிச்சத்துக்கு வராமல்(சில விடையங்கள்) வெளிச்சம் நிகழ்ச்சி நடைபெறுகிறது.
என்னடா தெளிவாகக் குழப்புகிறோம் என்று நினைக்கிறீர்களா ? GTV இல் மாலை
6.00 மணிக்கு ஒளிபரப்பாகும் பிரபல்யமான நிகழ்சி எது என்று கேட்டால் அது
வெளிச்சம் நிகழ்சி என்று சிறுபிள்ளை கூடச் சொல்லும். இந் நிகழ்சிக்காக அதன்
ஆரம்பகாலத்தில் இருந்து அயாராது உழைத்து பாடுபட்ட நபர் தினேஷ் ஆவார். இவரே
இந் நிகழ்சியை தயாரித்து நெறிப்படுத்தி நடத்திவந்தது யாவரும் அறிந்த ஒரு
விடையம். மக்கள் மத்தியில் இந் நிகழ்ச்சி பிரபல்யமாக இதுவே ஒரு காரணமாகவும்
அமைந்தது என்று சொல்லலாம்.

வெளிச்சம் நிகழ்சியில் வெளிவராத விடையங்கள் .. ! Thayaparan_thanikasalam

வெளிச்சம் நிகழ்சியில் வெளிவராத விடையங்கள் .. ! Thayaparan_thanikasalam

ஆனால்,
கடந்த 2 தினங்களாக இந் நிகழ்சியை பிறிதொரு நபர் நடத்திவருவது பலராலும்
அவதானிக்கப்பட்டு வருகிறது. ஊடகத்துறையில் முன் அனுபவம் இல்லாத இந் நபர்
வெளிச்சம் நிகழ்சியை திடீரென ஆக்கிரமித்திருப்பது, GTV ஐ பார்க்கும் தமிழ்
மக்கள் பலரிடையே விசனத்தை ஏற்படுத்தியுள்ளது. இது தொடர்பாக பல தமிழர்கள்
தமது அதிருப்தியை தெரிவித்துள்ளார்கள். இருப்பினும் இந் நிகழ்சியில்,
உள்வாங்கப்படும் தொலைபேசி அழைப்புகள், அனைத்தும் ஆராயப்பட்டு, குறிப்பிட்ட
சில நபர்களின் அழைப்புகள் மட்டுமே உள்வாங்கப்படுவதாக சில தமிழர்கள்
அதிர்வுக்குத் தெரிவித்துள்ளனர். ஒரு சுதந்திர ஊடகம் என்ற வகையில் மக்களால்
தெரிவிக்கப்படும் அனைத்துக் கருத்துக்களையும், நாம் வெளிக்கொண்டுவர எல்லா
உரிமைகளும் எமக்கு உள்ளது.

மக்கள் மத்தியில் பிரபல்யமாக இருக்கும்
அறிவிப்பாளரும், ஊடகவியலாளருமான தினேஷ் அவர்களை GTV ஓரம்கட்டுவது போல ஒரு
தோற்றப்பாடு தற்போது தலைதூக்கியுள்ளது. நாடு கடந்த அரசின் முக்கிய
அமைச்சரான தணிக்காசலம் தயாபரன் அவர்கள், GTV இன் நிறைவேற்றுப்
பணிப்பாளராகப் பொறுப்பேற்றிருக்கிறார் என்ற செய்தியை அதிர்வு இணையம்
ஏற்கனவே வெளியிட்டிருந்தது. ஒரு அமைப்பைச் சார்ந்த நபர் ஒருவரை, மக்கள்
தொலைக்காட்சியின் நிறைவேற்றும் பணிப்பாளராக எவ்வாறு நியமிக்க முடியும்
என்றும், அப்படி நியமனம் பெற்ற நபர் தான் எந்த அமைப்பைச் சார்ந்தவரோ அதே
அமைப்பை, மேல் நிறுத்தி நிகழ்சிகளை நடத்தமாட்டார் என்பதில் என்ன நிச்சயம்
இருக்கிறது என்ற கேள்விகளை ஏற்கனவே நாம் கேட்டிருந்தோம். இதற்கு தனிப்பட்ட
முறையில் எம்மோடு தொடர்புகொண்ட தயாபரன் அவர்கள், தாம் அவ்வாறு
நடக்கமாட்டேன் என்று வாக்குறுதி தந்திருந்தார்.

ஆனால் மகிந்தர்
லண்டன் வந்திருந்தவேளை, அனைத்துத் தமிழர்களையும் மகிந்தர் உரையாற்ற இருந்த
மல்பரோ கட்டிடம் முன்பாக வருமாறு அனைத்து தமிழ் அமைப்புகளும் அழைப்பு
விடுத்தன. இருப்பினும் GTV மட்டும், எல்லா மக்களையும் திரண்டு ஹில்டன்
ஹோட்டலுக்கு வருமாறு அழைப்பு விடுத்தது. இதனை அடுத்து மக்கள் இரண்டாகப்
பிளவுற்றனர். மாவீரர் தினம், முள்ளிவாய்க்கால் தினம் போல
இப்போராட்டத்தையும் இரண்டாகப் பிளந்த பெருமை GTV யையே சாரும் ! இவ்வாறு GTV
ஏன் அழைப்பு விடுத்தது ? இதன் பின்னணியில் யார் இருக்கிறார்கள் என்பது
தொடர்பாக இதுவரை எத்தகவல்களும் வெளியாகவில்லை. இப் பிரச்சனை அடங்க முன்னரே
தற்போது வெளிச்சம் நிகழ்சியில் தலைகாட்டத் துவங்கியுள்ளார் திரு.தயாபரன்
அவர்கள்.

அதேபோல் சமீபத்தில் தாம் போர்க்குற்ற ஆதாரங்களை
வெளியிட்டதாகக் கூறி, பரபரப்பை ஏற்படுத்த முனையும் திருமதி. வாசுகி
முருகதாஸ் அவர்களின் நேர்காணலும் தாராளமாக உலாவருகின்றன. சட்ட வல்லுனர்
எனத் தன்னை அழைத்துக்கொள்ளும் வாசுகி அவர்கள், தாம் வெளியிட்டது போர்குற்ற
வீடியோவா இல்லை இன அழிப்பு வீடியோவா என்று கூடத் தெரியாமல் குழம்பிப்
போயுள்ளார். கைகளும் கண்களும் கட்டப்பட்ட நிலையில், புலிகளை இலங்கை
இராணுவம் சுடும் காட்சிகளை சனல் 4 தொலைக்காட்சிக்கு கொடுத்த நபர்கள்
எல்லாம் மெளனமாக இருக்கிறார்கள் ! கேணல் ரமேசை இலங்கை இராணுவம் விசாரணை
செய்யும் வீடியோவைக் கொடுத்தவர்களும் அமைதியாக உள்ளார்கள். ஆனால் சரணடைந்த
விடுதலைப் புலிகளை, இராணுவம் பஸ்ஸில் ஏற்றும் வெறும் காட்சியை மட்டும் GTV
இல் காண்பித்து, அது ஒரு போர்குற்ற வீடியோ என்று வாதிடுகிறார்கள்.. போரில்
இறந்த புலிகளின் மற்றும் பொதுமக்களின் உடல்களைக் காட்டி, போர் குற்றம்
என்கிறார்கள்.

அதாவது போர் குற்றத்துக்கும், இன அழிப்புக்கும்
வித்தியாசம் தெரியாத இவர்கள், நிகழ்சிகளை நடத்தி தமிழ் மக்களை எங்கே
வழிநடத்திச் செல்லப்போகிறார்கள் ? தமிழ் இணையங்களும் ஊடகங்களும் ஒருவரை
ஒருவர் குறைசொல்வதையே குறிக்கோளாகக் கொண்டுள்ளதாக வாசுகி அவர்கள்
தொலைக்காட்சியில் தெரிவித்துள்ளார். முள்ளிவாய்க்காலில் போர்
நடைபெற்றவேளைகளில், தமிழ் ஊடகங்கள், ஊடாகவே பல இனஅழிப்பு வீடியோக்கள்
சர்வதேச தொலைக்காட்சிகளுக்குச் சென்றது என்பதனை இவர்கள் அறிவார்களா ? பல
தமிழ் ஊடகவியலாளர்களின் அயராத அர்பணிப்புகளாலும், பல தமிழ் இணையத்தளங்கள்
தொடர்சியாக வெளியிட்ட இனவழிப்பு வீடியோக்களைப் பார்த்த தமிழர்கள்
வீறுகொண்டு எழுந்து, லண்டனில் லட்சக்கணக்கில் திரண்டு ஆர்பாட்டத்தை
நடத்தினர் என்பதனையும் இவர்கள் அறிவார்களா ! தமது தொலைக்காட்சியில் ஒரு
அளவுக்கு மேல் கோரமான காட்சிகளை ஒளிபரப்பினால், தமது லைசன்ஸ்
கான்சலாகிவிடும் என்று பயந்த தமிழ் தொலைக்காட்சிகளை விட .... என்ன ஆனாலும்
பரவாயில்லை என்று துணிச்சலோடு கோரமான காட்சிகள் அடங்கிய அனைத்து
வீடியோக்களையும் வெளியிட்டது தமிழ் இணையங்கள் தான் என்பதனை மக்கள்
மறந்துவிடவிலை !

தமிழ் ஊடகங்கள் சிலவேளைகளில், ஒருசிலரைப் பற்றி
முன்வைக்கும் விமர்சனங்களைக் கூட ஏற்றுக்கொள்ள பக்குவப்படாத இவர்களைப்
போன்ற மனிதர்கள், விமர்சனங்களை தனிப்பட்ட பகையாக எடுப்பது ஏன் ?

உதாரணமாக
சம்பந்தர் ஐயா அவர்கள், மகிந்தவுடன் உணவு உண்டால் அது தமிழர்களுக்கு
பிடிக்கவில்லை என்ற விமர்சனத்தை ஒரு இணையம் எழுதினால், உடனே சம்பந்தர்
ஐயாவை அந்த இணையத்துக்கு பிடிக்காது, அதுதான் அவர்கள் இவ்வாறு
எழுதுகிறார்கள் என்ற வாதங்களே தற்போது தமிழ் மக்களுக்கு மத்தியில்
முன்வைக்கப்படுகிறது. எதனையும் ஏற்றுக்கொள்ளும் பக்குவம் வெகுவாகக்
குறைந்து, கருத்தை கருத்தால் மோதாது விமர்சனங்களை எதிர்கொள்ளாது பகை உணர்வை
வளர்க்கும் பாரம்பரியமே தற்போது தலைதூக்கி நிற்கிறது ! இவை அனைத்தும்
மாற்றப்படவேண்டிய விடையம் !

மக்கள் பணத்திலும், தமிழ் வர்தகர்களின்
அனுசரணையுடன் நடாத்தப்படும் GTV, தினேஷை ஏன் வெளிச்சம் நிகழ்சியில்
இருந்து தவிர்கிறார்கள், இல்லையேல் பிறிதொரு நபர் ஏன் இந் நிகழ்சியை
ஆக்கிரமிக்கவேண்டும் ? என்பதற்கான விளக்கத்தை தரவேண்டும் ! இதனையே தமிழ்
மக்கள் வேண்டி நிற்கிறார்கள் !

*சிறீலங்காவில் ஊடகத்தை ஒரு அமைச்சர் கட்டுப் படுத்தினால் நாம் என்ன சொல்வோம் ?

*ஜனநாயக முறையில் அரசில் இருப்பவர் ஊடகத்தை கட்டுப்படுத்தலாமா ????

*அரசும்
--மதமும் --ஊடகமும் -நீதித் துறையும்--இராணுவமும் --- தனித்துவமாக
இருப்பதே நல்லது. உதாரணமாக பிரித்தானிய அரசின் பி.பி.சி தொலைக்காட்சி,
அரசுடன் சேர்ந்து இயங்குவது இல்லையே !