மத்திய நிதி அமைச்சக கட்டடத்தில் தீ - எரிந்தது எந்த ஆவணம் ? ச ( தீ )யா?

by **ஜனனி** Thu Jun 07, 2012 9:48 am

புதுடில்லி: பார்லி., வளாகத்தில் அமைந்துள்ள நிதி அமைச்சக அ<லுவலக
அறையில் திடீர் தீ ஏற்பட்டது. இந்த தீயில் எது தொடர்பான ஆவணங்கள்
நாசமாயின., இந்த தீ எப்படி பிடித்தது என்பது குறித்து காவல் துறை
அதிகாரிகள் வாய்திறக்க மறுத்து விட்டனர்.

இந்த அமைச்க கட்டடம் செயல்படும் வடக்கு பிளாக்கில் அனைவரும் உறங்கி
கொண்டிருந்த அதிகாலை பொழுதில் ( 3.45 மணி ) அளவில் தீ பற்றி எரிந்துள்ளது. 2
அறைகளில் எரிந்த இந்த தீயினால் அக்கம் பக்கம் முழுவதும் கரும்புகை
சூழ்ந்து இருந்தது.

தகவல் அறிந்த தீயைணைப்பு படையினர் விரைந்து வந்து தீயை கட்டுப்படுத்தினர். 6
தீயணைப்பு வண்டிகள் கடும் போராட்டத்திற்கு பின்னர் தீ அணைக்கப்பட்டது. இது
குறித்து தகவல் அறிந்த போலீசார் காலை 5. 45 க்குத்தான் வந்துள்ளனர்.

இந்த தீ எப்படி ஏற்பட்டது ? காவல் பணியில் இருந்தவர்கள் யார் ? எரிந்த
ஆவணங்கள் எது, எதுவாக இருக்கும் என்ற கேள்விக்கு போலீஸ் தரப்பில் பதில்
எதுவும் சொல்ல முடியவில்லை. இது குறித்து விசாரித்து வருகிறோம். முழு
விசாரணைக்கு பின்னர் தெரிவிப்போம் என ஒரு போலீஸ் அதிகாரி கூறினார்.

நிதி அமைச்கம் பொறுத்தவரை இங்கு நாடு முழுவதும் கையாளக்கூடிய வரவு- செலவு,
மற்றும் நிதி ஒதுக்கீடு தொடர்பான ஆவணங்கள்தான் இருக்கும். இவை அனைத்தும்
மிக முக்கியமானதும் கூட. அரசு தொடர்பான ஏலம் உள்பட விலை நிர்ணயம், மற்றும்
தனியார் நிறுவங்களுடனான பணபரிமாற்றம் உள்ளிட்ட ஆவணங்கள் தீயில் எரிந்து
சாம்பலாயிருக்கலாம் என அஞ்சப்படுகிறது. தனால் இந்த சம்பவத்தில் ச (தீ)
இருக்கலாம் என சந்தேகிக்கப்படுகிறது.