விமான தயாரிப்பு நாடுகள் வரைபடத்தில் தமிழகத்திற்கு விரைவில் இடம்

தமிழக அரசு செயல்படுத்த உள்ள, விமான உதிரி பாகங்கள் தயாரிப்பு தொழிற்பூங்கா
(ஏரோஸ்பேஸ் பார்க்) திட்டம், மாநிலத்தின் பொருளாதார வளர்ச்சிக்கும், வேலை
வாய்ப்பிற்கும் பெரும் பயன் அளிக்கும் திட்டமாக அமையும் என்ற எதிர்பார்ப்பு
ஏற்பட்டுள்ளது.
"விமான போக்குவரத்து துறையில் இந்தியா வேகமாக வளர்ந்து வருகிறது. அடுத்த
சில ஆண்டுகளில், இத்துறைக்கு ஒளிமயமான எதிர்காலம் காத்திருக்கிறது.
இந்தியாவின் இந்த அசுர வளர்ச்சியுடன் இணைந்து, நாங்களும் வளர்வோம் என்பது
உறுதி' என, உலகின் முன்னணி விமான தயாரிப்பு நிறுவனமான, போயிங் நிறுவனத்தின்
இந்திய தலைமை நிர்வாகி தாமஸ், சமீபத்தில் கூறினார்.
இரண்டாம் இடம்: ஆசிய கண்டத்தில், சீனாவிற்கு அடுத்தபடியாக,
இந்தியாவின் சிவில் விமான போக்குவரத்து, பெரும் வளர்ச்சி கண்டு வருகிறது.
உள்நாட்டு பயணிகள் போக்குவரத்தில், சர்வதேச அளவில், பிரேசிலுக்கு
அடுத்தபடியாக, இந்தியா இரண்டாம் இடத்தில் உள்ளது. கடந்த 2011-12ம் ஆண்டு,
ஆசிய பசிபிக் விமான போக்குவரத்து மையம் (சி.பி.சி.ஏ.,) நடத்திய ஆய்வில்,
இந்தியாவின் உள்நாட்டு பயணிகள் போக்குவரத்து, 20 சதவீதம் என்ற அளவிலும்;
வெளிநாட்டு பயணிகள் போக்குவரத்து, 10 சதவீதம் என்ற அளவிலும், வளர்ச்சி
பெற்று வருவதாக கூறப்பட்டுள்ளது.
ஸ்ரீபெரும்புதூரில் நிலம்: இந்த சூழ்நிலையில், தமிழகத்தில், விமான
உதிரி பாகங்கள் தயாரிக்கும், "ஏரோஸ்பேஸ் பார்க்' (உதிரி பாகங்கள்
தயாரிக்கும் தொழிற்பூங்கா) திட்டம் ஒன்றை, தமிழக அரசு அறிமுகப்படுத்தி
உள்ளது. சர்வதேச விமான தயாரிப்பு நாடுகளின் பட்டியலில், தமிழகமும் இடம் பெற
வேண்டும் என்ற தொலை நோக்கோடு அறிவிக்கப் பட்டுள்ளது, இத்திட்டம்.
முதற்கட்டமாக, சென்னையை அடுத்த ஸ்ரீபெரும் புதூரில், 100 ஏக்கர் பரப்பளவில், இப்பூங்கா அமைக்கப்பட உள்ளது. இதற்கான
நிலம் அடையாளம் காணும் பணிகள் துவக்கப்பட்டு என்பது, முதல்படி. இதன்மூலம்,
ஏராளமான சிறிய நிறுவனங்கள், உதிரி பாகங்களை தயாரித்து பலனடையும்.
உள்நாட்டிலேயே உதிரி பாகங்கள் உற்பத்தியாவதால், விமான நிறுவனங்கள், உதிரி
பாகங்களை குறைந்த விலையில் கொள்முதல் செய்ய முடியும். மேலும், சர்வதேச
அளவில் உள்ள, பிரபல விமான தயாரிப்பு நிறுவனங்கள், இந்தியாவில்
தொழிற்சாலைகளை நிறுவ முன்வரும். அத்தகைய நிலையில், பல ஆயிரம் கோடி ரூபாய்,
அன்னிய முதலீடாக, தமிழகத்திற்கு வரும். உதிரி பாக தொழிற்சாலைகளில்,
ஏராளமானோர் வேலை வாய்ப்பை பெறுவர். கடந்த ஆண்டுகளில், சிறிய அளவில்
துவக்கப்பட்ட கார் தயாரிப்பு, இன்றைக்கு பிரமாண்டமாக வளர்ந்து வருகிறது.
போர்டு, ஹூண்டாய் போன்ற நிறுவனங்களை தொடர்ந்து, பல கார் தயாரிப்பு
நிறுவனங்கள், போட்டி போட்டுக் கொண்டு, தமிழகத்தில் தொழிற்சாலைகளை
துவங்கியுள்ளன. அதேபோல், இத்துறையும் எதிர்காலத்தில் மேம்பட சாத்தியங்கள்
உள்ளன. இவ்வாறு அவர் கூறினார்.
பராமரிப்பு தொழில் மேம்படும்: நாடு முழுவதும் உள்ள, பொதுத்துறை
மற்றும் தனியார் விமானங்களை பராமரிக்க, எம்.ஆர்.ஓ., எனப்படும் பட்டறைகள்
தேவைப்படுகின்றன. விமானங்களை பராமரித்தல், கோளாறு நீக்குதல், முழுச் சோதனை
செய்தல் ஆகியவையே, எம்.ஆர்.ஓ., (மெயின்டனஸ், ரிப்பேர், ஓவர் ஹாலிங்)
என்றழைக்கப் படுகிறது. பொதுத்துறை நிறுவனமான ஏர் இந்தியாவும், சில தனியார்
விமான நிறுவனங்களும், நாட்டின் பல்வேறு இடங்களில், எம்.ஆர்.ஓ.,க்களை
நிறுவியுள்ளன. இந்த பட்டறைகளுக்கு தேவையான உதிரி பாகங்கள், வெளிநாட்டில்
இருந்து இறக்குமதி செய்யப்படுகின்றன. இவற்றுக்கு வரி அதிகம் செலுத்த வேண்டியுள்ளது. அதிக விலை கொடுத்து உதிரி பாகங்களை இறக்குமதி செய்ய
முடியாததால், கடந்த பல ஆண்டுகளாக, இந்தியாவின் எம்.ஆர்.ஓ.,விட்டன. அடுத்த
கட்டமாக, பெரம்பலூர் மாவட்டத்தில், பெரிய அளவில் "ஏரோஸ்பேஸ் பார்க்' அமைக்க
திட்டமிடப்பட்டுள்ளது.உருப்பெற்றது: கடந்த 2009ம் ஆண்டு, இந்திய தொழில் கூட்டமைப்பு,
ஏரோஸ்பேஸ் பார்க் திட்ட வரைவு ஒன்றை, தமிழக அரசிடம் சமர்ப்பித்தது.
தமிழகத்தில், விமான உதிரி பாகங்கள் தயாரிப்பதால் ஏற்படும் பயன்கள்,
அத்திட்டத்தில் தெளிவாக கூறப்பட்டிருந்தன. அந்த அறிக்கையின்படி,
கிட்டத்தட்ட 4,000 ஏக்கரில், "ஏரோஸ்பேஸ் பார்க்' அமைக்க வேண்டும் என
குறிப்பிடப் பட்டிருந்தது. சில ஆண்டுகளில், 45 ஆயிரம் கோடி ரூபாய் முதலீடு
கொண்டதாக, இந்த தொழிற்பூங்கா மாறும் என, இந்திய தொழில் கூட்டமைப்பு
குறிப்பிட்டிருந்தது. ஒரு லட்சம் பேருக்கு, நேர், மறைமுக வேலை வாய்ப்பு
கிடைக்கும் என்றும், அந்த அறிக்கையில் தெரிவிக்கப் பட்டிருந்தது. இப்போது,
இத்திட்டம் உருப்பெற்று வருகிறது.
குறைந்த விலை: இத்திட்டம் குறித்து, விமான போக்குவரத்து துறை ஆலோசகர் ஒருவர் கூறியதாவது: விமான உதிரி பாகங்கள் தயாரிப்பு
மையங்கள்
முடங்கிக் கிடக்கின்றன. மத்திய அரசு வரிச்சலுகை அளித்தாலும் கூட,
பொருளாதார சிக்கலில், எம்.ஆர்.ஓ.,க்கள் சிக்கி தவிக்கின்றன. அதற்கு விடை
காண, இத்திட்டம் உதவலாம்.
மனித வளம் நமது பலம்: விமான உதிரி பாகங்கள் உற்பத்தி செய்வதன்
மூலம், வேலை வாய்ப்பு அதிகரிக்கும். தொழில்நுட்ப அறிவு கொண்ட மனித வளம்,
இதற்கு அவசியம். மற்ற மாநிலங்களை காட்டிலும், தமிழகத்தில் இளம்
பொறியாளர்கள் அதிகளவில் உருவாகி வருகின்றனர். எனவே, தொழில்நுட்ப அறிவு
சார்ந்த மனித வளம், இங்கு அதிகம். மேலும், தொழில்நுட்பம் சாராத
பணிகளுக்கும், ஆட்கள் கிடைப்பது எளிது. வெளிநாடுகளில் உள்ள
எம்.ஆர்.ஓ.,க்கள் (விமான பராமரிப்பு மையங்கள்) நஷ்டப்படுவதற்கு முக்கிய
காரணம், அங்குள்ள மனித வள பற்றாக்குறை தான். இம்மையங்களின் செலவீனங்களில்,
50 சதவீதம் சம்பளமாக சென்று விடுவதால், அவை திணறுகின்றன. ஆனால்,
தமிழகத்தில், சராசரி சம்பளத்தில் பணியாற்றக் கூடிய மனித வளம் ஏராளமாக
இருப்பதால், விமான உதிரி பாகங்கள் தயாரிப்பும், விமான பராமரிப்பு
மையங்களும், சிறப்பாக, லாபகரமாக செயல்பட முடியும் என்ற கருத்தும் உள்ளது.
- எஸ்.உமாபதி -