மே இறுதியில் சென்னைக்கு கிருஷ்ணா நீர்: அமைச்சர் கே.வி.ராமலிங்கம்

by **அருள்** Mon Apr 16, 2012 8:03 am

பூண்டி சத்தியமூர்த்தி சாகர் அணையைப் பார்வையிட்டு
ஆய்வு செய்கிறார் பொதுப்பணித்துறை அமைச்சர் கே.வி.ராமலிங்கம் (இடமிருந்து
2}வது). உடன் (இடது) அமைச்சர் ப

திருவள்ளூர், ஏப். 15: மே மாத இறுதிக்குள் கிருஷ்ணா நீர் சென்னை மாநகருக்கு
கிடைக்கும் என பொதுப்பணித் துறை அமைச்சர் கே.வி.ராமலிங்கம் தெரிவித்துள்ளார்.
சென்னை மாநகருக்கு குடிநீர் வழங்கும் முக்கிய நீராதாரமாக பூண்டி
சத்தியமூர்த்திசாகர் அணை உள்ளது. இதன் முழு உயரம் 35 அடியாகும். தற்போது 33 அடி
உயரம் நீர் உள்ளது.
அணையின் அவசரகால மதகுகள் இப்போது பழுது பார்த்து சீரமைக்கும் பணி நடந்து
வருகிறது. மொத்தம் 16 மதகுகள் உள்ளன. இவற்றில் தற்போது முதல் கட்டமாக 5 மதகுகள்
புதுப்பிக்கப்படுகின்றன.
இந்நிலையில் பூண்டியை ஏரியை பொதுப்பணித்துறை அமைச்சர் ராமலிங்கம்
ஞாயிற்றுக்கிழமை மாலை பார்வையிட்டு ஆய்வு செய்தார். மதகு சீரமைப்பு பணிகள், அணை
பராமரிப்பு குறித்து பொதுப்பணித்துறை அதிகாரிகளிடம் கேட்டறிந்தார்.
பின்னர் அவர் கூறியது: பூண்டி ஏரியில்தான் முதன்முறையாக அவசரகால மதகுகள்
புதுப்பிக்கப்படுகின்றன. இப்பணி ஒருவாரத்தில் நிறைவடையும். வரும் கோடை காலத்தில்
சென்னை மாநகரில் குடிநீர்த் தட்டுப்பாடு ஏற்படாது. பூண்டி, புழல், சோழவரம்,
செம்பரம்பாக்கம் ஏரிகளைச் சேர்ந்த 7 மாதங்களுக்கு நீர் இருப்பு உள்ளது.
கிருஷ்ணா நதிநீர் கால்வாய் மூலம் முதன்முறையாக இதுவரை 8.06 டிஎம்சி நீர்
பெறப்பட்டுள்ளது.
கோடைக்கால குடிநீர் தட்டுப்பாட்டை சமாளிக்கும் வகையில் வரும் மே மாத இறுதியில்
கிருஷ்ணா நதி நீர் கிடைக்கும் என்றார் ராமலிங்கம். சுற்றுச்சூழல் துறை அமைச்சர்
பி.வி. ரமணா, ஒன்றியக்குழுத் தலைவர் அம்மு மாதவன், பொதுப்பணித்துறை கண்காணிப்பு
பொறியாளர் எமராஜ், குசஸ்தலை ஆறு வடிநீர் கோட்டப் பொறியாளர் மகேஸ்வரன், பணிமனைக்
கண்காணிப்பாளர்
விடி.சுரேஷ் உள்பட பலர் உடன் சென்றனர்.