ஆசைக்கு இணங்க மறுத்ததால் பள்ளி மாணவி படுகொலை : கொத்தனார்கள் வெறிச்செயல்

சீர்காழி : ஆசைக்கு இணங்க மறுத்த சீர்காழி பள்ளி மாணவியை தூக்கில்
தொங்கவிட்டு கொலை செய்த 2 கொத்தனார்களை போலீசார் கைது செய்தனர். நாகை
மாவட்டம் சீர்காழி நங்கநலத்தெருவை சேர்ந்தவர் ராஜு, பிட்டர். இவரது மகள்
ராதிகா(12), மேட்டுத்தெருவை சேர்ந்த சீதாபதி மகள் கல்பனா (பெயர்கள்
மாற்றப்பட்டு உள்ளன). தோழிகளான இவர்கள் இருவரும் அங்குள்ள பள்ளியில் 7ம்
வகுப்பு படித்து வந்தனர். சீர்காழி நேரு காலனியை சேர்ந்தவன்
அஜீத்குமார்(18). சென்னை கொடுங்கையூரை சேர்ந்தவன் விஜய்(16), இவன் தற்போது
சீர்காழி பங்களாதோப்பில் உள்ள தனது பெரியப்பா வீட்டில் வசிக்கிறான்.
இவர்கள் இருவரும் கொத்தனார் வேலை செய்து வருகின்றனர். மாணவிகள் பள்ளிக்கு
செல்லும்போது, அஜீத்குமாருக்கு ராதிகாவுடனும், விஜய்க்கு கல்பனாவுடனும்
பழக்கம் ஏற்பட்டது. சில மாதங்களாக இந்த பழக்கம் நீடித்தது. நேற்று இவர்கள்
இருவரும் மாணவிகள் இருவரையும் ஏமாற்றி அழைத்து சென்று ஜாலியாக இருக்கலாம்
என திட்டம் தீட்டி தயாராக பஸ் நிலையம் அருகே காத்திருந்தனர். மாலையில்
பள்ளி முடிந்து மாணவிகள் இருவரும் வீடு திரும்பிக்கொண்டிருந்தனர்.

அப்போது
அஜீத்குமாரும், விஜய்யும் மாணவிகளை மடக்கி திட்டை ரோட்டில் உள்ள ஒரு
பாழடைந்த காலிமனைக்கு அழைத்து சென்றனர். அங்கு இரு கொத்தனார்களும்
மாணவிகளுடன் சில்மிஷம் செய்து ஜாலியாக இருந்துள்ளனர். பின்னர் கல்பனாவை
தங்களது ஆசைக்கு இணங்கும்படி விஜய் கூறியுள்ளார். இதை சற்றும் எதிர்பாராத
கல்பனா அங்கிருந்து தப்பி ஓடிவிட்டார். ராதிகா அப்போது அங்குள்ள ஒரு
மரத்தில் ஏறி நார்த்தங்காய் பறித்துக்கொண்டிருந்தார். கல்பனா ஓடியதை
பார்த்து ராதிகாவும் இறங்கி தப்பி ஓட முயன்றார். அப்போது கொத்தனார்
இருவரும் மரத்தில் ஏறி அங்கேயே மாணவியிடம் சில்மிஷம் செய்யத் தொடங்கினர். 2
பேரிம் இருந்தும் தப்பிக்க ராதிகா போராடினார். தங்களது ஆசையை
தீர்த்துக்கொள்ள முடியாத நிலை ஏற்பட்டதால் இருவரும் ஆத்திரமடைந்தனர்.
ராதிகாவின் கழுத்தில் சுடிதார் துப்பட்டாவை போட்டு இறுக்கி அந்த மரத்திலேயே
தூக்கில் தொங்க விட்டு விட்டு ஓடிவிட்டனர். இதில் ராதிகா துடிதுடித்து
இறந்தார். இந்த சம்பவத்தை தப்பி ஓடிய இன்னொரு மாணவியான கல்பனா மறைந்து
இருந்து பார்த்ததாக கூறப்படுகிறது. இது குறித்து அவர் ராதிகாவின்
பெற்றோரிடம் கூறினார். அவர்கள் வந்து பார்த்தபோது ராதிகா சடலமாக தொங்கிக்
கொண்டிருந்தார். இதுகுறித்து தகவல் அறிந்த சீர்காழி டிஎஸ்பி நவநீத
கிருஷ்ணன் மற்றும் போலீசார் ராதிகாவின் சடலத்தை கைப்பற்றி ஆஸ்பத்திரிக்கு
அனுப்பி வைத்தனர். நடந்த சம்பவம் குறித்து கல்பனாவிடம் போலீசார்
விசாரித்தனர். அதைத்தொடர்ந்து தங்கள் வீடுகளில் பதுங்கியிருந்த
கொத்தனார்கள் அஜீத்குமார், விஜய் ஆகியோரை கைது செய்து விசாரணை நடத்தி
வருகின்றனர்.

நம்ம ஊரில் கொலை செய்வது எனபது சின்ன விசயமாகி விட்டது. ஏன் தெரியுமா?. கொலை செய்தவன் போலிசால் பிடிப்பட்டால் கூட அவனிடம் பவர் இருந்தால் உடனே வெளியே வந்துடுறான் பாருங்கோ!.இந்தியாவில் இது ஒன்னும் புதுசு இல்லை. சட்டத்த சரிபண்ணும் வரையில்.!!!

neethuraj1010 wrote:நம்ம ஊரில் கொலை செய்வது எனபது சின்ன விசயமாகி விட்டது. ஏன் தெரியுமா?. கொலை செய்தவன் போலிசால் பிடிப்பட்டால் கூட அவனிடம் பவர் இருந்தால் உடனே வெளியே வந்துடுறான் பாருங்கோ!.இந்தியாவில் இது ஒன்னும் புதுசு இல்லை. சட்டத்த சரிபண்ணும் வரையில்.!!!