சிறந்த படம், இயக்கம், நடிப்பு 5 ஆஸ்கர் விருதுகளை தட்டியது ஆர்ட்டிஸ்ட்

by **ஜனனி** Mon Feb 27, 2012 3:44 pm

லாஸ் ஏஞ்சல்ஸ்: சிறந்த படம், சிறந்த இயக்குனர், சிறந்த நடிகர், இசை
உள்ளிட்ட 5 ஆஸ்கர் விருதுகளை அள்ளியது ‘தி ஆர்ட்டிஸ்ட். ஹுகோ படமும்
பல்வேறு பிரிவுகளில் 5 விருதுகளை பெற்றது. 84வது ஆஸ்கர் விருது வழங்கும்
விழா லாஸ் ஏஞ்சல்ஸ் நகரில் இன்று நடந்தது. இதற்காக பிரமாண்ட ஏற்பாடுகள்
செய்யப்பட்டிருந்தன. ஆஸ்கர் விருதுக்கு போட்டி பிரிவில் இருந்த நடிகர்,
நடிகைகள், டெக்னீஷியன¢கள் மற்றும் ஏற்கனவே விருது வென்ற நட்சத்திரங்கள்,
பிரபலங்கள், தொழில் அதிபர்கள் என பல்வேறு நாடுகளிலிருந்து முக்கிய
பிரமுகர்கள் நேற்று இரவு முதலே வரத் தொடங்கிவிட்டனர்.

அவர்களுக்கு சிவப்பு கம்பள வரவேற்பு வழங்கப்பட்டது. அங்கு கூடியிருந்த ரசிகர்கள் அவர்களுக்கு வாழ்த்து சொல்லி கரகோஷம் எழுப்பினர்.
வண்ண
விளக்குகள் ஜொலிப்புக்கு மத்தியில், பிரமாண்ட மேடையில் ஆஸ்கர் விருதுகள்
அறிவிப்பு தொடங்கியது. சிறந்த படமாக ‘ தி ஆர்ட்டிஸ்ட் தேர்வு
செய்யப்பட்டது. சிறந்த நடிகர் விருதை ஜீன் துஜார்டின்(தி ஆர்ட்டிஸ்ட்),
சிறந்த இயக்குனர் மைக்கேல் அசனாவிசஸ் (தி ஆர்ட்டிஸ்ட்), சிறந்த நடிகை
மெரில் ஸ்டிரீப் (தி அயர்ன் லேடி) ஆகியோர் விருதுகளை பெற்றனர்.

சிறந்த
ஒலிப்பதிவு மிக்ஸிங் ‘ஹுகோ படத்தில் பணியாற்றிய டாம் பிலிஸ்மேன், ஜான்
மிக்லே, சிறந்த ஒலிப்பதிவு எடிட்டிங் பிலிப் ஸ்டாக்டன், எஜின் கியேட்டி
(ஹுகோ), சிறந்த எடிட்டிங் தி கேர்ள் வித் தி டிராகன் டாட்டூ படத்துக்காக
கிர்க் பாக்ஸடர் மற்றும் அங்கஸ் வால் விருது வென்றனர். சிறந்த துணை நடிகர்
விருதை கிறிஸ்டோபர் பிலம்மர் பிகின்னர்ஸ் படத்துக்காக பெற்றார். சிறந்த
துணை நடிகை விருதை ஹெல்ப் படத்தில் நடித்த அக்டாவிய ஸ்பென்ஸர் பெற்றார்.
சிறந்த வெளிநாட்டு படமாக ஈரானிய படமான ‘செப்பரேஷன் விருது பெற்றது.

சிறந்த
காஸ்டியூம் ‘தி ஆர்ட்டிஸ்ட்‘ படத்துக்காக மார்க் பிரிட்ஜஸ், சிறந்த
அரங்கத்துக்கு ஹுகோ படத்துக்கு அரங்கம் அமைத்த டான்டே பெரெட்டி,
பிரான்சிஸ்கா லோ ஸ்கிவோ, சிறந்த ஒளிப்பதிவு ராபர்ட் ரிச்சர்ட்சன் (ஹுகோ)
வென்றனர். சிறந்த விஷுவல் எபெக்ட் விருதை ‘ஹுகோ படத்துக்கு பணியாற்றிய ராப்
லெகடோ தலைமையிலான குழு வென்றது. சிறந்த அனிமேஷன் படம் ‘ராங்கோ, சிறந்த
செய்தி படம் ‘அன்டிபிடட், சிறந்த திரைக்கதை, மிட்நைட் இன் பாரிஸ் ஆகியவை
பெற்றன.

ஆர்ட்டிஸ்ட் கதை என்ன?

சிறந்த
படம், இயக்கம் உள்பட 5 முக்கிய விருதுகளை வென்ற தி ஆர்ட்டிஸ்ட் பட கதை
சுருக்கம்: 1927ம் ஆண்டில் கதை நடக்கிறது. வசனங்களே இல்லாமல் படங்கள்
வெளியான காலம். பட ஹீரோ ஜீன் துஜார்டின் விரைவில் வெளிவரவிருக்கும் தனது
புதிய படத்தின் முன்னோட்ட காட்சியை காண வருகிறார். அவரை பத்திரிகையாளர்கள்
சூழ்ந்துகொண்டு புகைப்படம் எடுக்கின்றனர். அங்கு வரும் ரசிகை பெஜோ, கூட்ட
நெரிசலில் ஜீன் மீது விழுகிறார். அவரை ஹீரோ தாங்கிபிடிக்கிறார். மறுநாள்
பத்திரிகைகளில் ஹீரோ ஜீனுடன் இருக்கும் பெண் யார்? என்று கேட்டு காதல்
கிசுகிசு கிளப்பிவிடுகின்றனர்.

பின்னர் நடன குழு பெண் தேர்வுக்கு
வரும் பெஜோவை சினிமா கம்பெனியில் சேர்த்துவிடுகிறார் ஜீன். படிப்படியாக
பெஜோ பெரிய நடிகை ஆகிறார். இந்நிலையில் ஸ்டுடியோ அதிபர் தனது நிறுவனத்தின்
கடைசி ஊமை படத்தின் தயாரிப்பு பற்றி அறிவிக்கிறார். இதில் கோபம் அடையும்
ஜீன் அப¢படத்தை தானே இயக்கி, தயாரிக்க முடிவு செய்கிறார். இதில் பெருத்த
நஷ்டத்தை சந்திக்கும் ஜீனை அவரது மனைவி விரட்டியடிக்கிறார். ஜீனின்
சொத்துக்கள் ஏலத்துக்கு போகிறது. இறுதியில் ஜீனுக்கு பெஜோ உதவுகிறார்.