மணிப்பூர் தேர்தலில் வன்முறை: 7 பேர் பலி

by **மாலதி** Sun Jan 29, 2012 7:19 am

விஷ்ணுபூர் வாக்குச் சாவடி மையத்தில் நீண்ட வரிசையில் காத்திருக்கும் வாக்காளர்கள்.

இம்பால், ஜன. 28: மணிப்பூர் சட்டப் பேரவைத் தேர்தல் வன்முறையில் தீவிரவாதி உள்பட 7 பேர் உயிரிழந்தனர். மாநிலத்தில் 60 தொகுதிகளுக்கு சனிக்கிழமை நடைபெற்ற தேர்தலில் 82 சதவீத வாக்குகள் பதிவாகின. இது
குறித்து மாநில தலைமைத் தேர்தல் அதிகாரி பி.சி. லாம்குங்கா கூறும்போது,
மாநிலத்தில் மொத்தமுள்ள 17 லட்சத்து 40 ஆயிரம் வாக்காளர்களில் 82 சதவீதம்
பேர் வாக்குகளைப் பதிவு செய்துள்ளனர் என்று தெரிவித்தார்.எனினும் 8 மாவட்டங்களின் வாக்குப் பதிவு நிலவரம் இன்னும் கிடைக்கவில்லை என்று அவர் மேலும் கூறினார்.நாகா
தீவிரவாதிகள் தாக்குதல்: சுக்னு பேரவைத் தொகுதிக்கு உள்பட்ட டாம்பி
வாக்குச் சாவடி மையத்தில் வாக்காளர்போல் வரிசையில் ஊடுருவிய தீவிரவாதி
திடீரென துப்பாக்கியால் சுட்டார். இதில் சி.ஆர்.பி.எப். வீரர், கிராம காவல்
படையைச் சேர்ந்த 3 பேர், ஒரு வாக்காளர் உயிரிழந்தனர். பலத்த காயமடைந்த
மற்றொரு வாக்காளர் ஹெலிகாப்டரில் மருத்துவமனைக்கு கொண்டு செல்லும் வழியில்
உயிரிழந்தார். தாக்குதல் நடத்திய தீவிரவாதியை பாதுகாப்புப் படையினர்
சுட்டுக் கொன்றனர்.நாகா தீவிரவாத பிரிவைச் சேர்ந்த என்.எஸ்.சி.என்.
(ஐ.எம்.) தீவிரவாத அமைப்பு இந்தத் தாக்குதலை நடத்தியிருக்கலாம் என்று
சந்தேகிக்கப்படுகிறது.இம்பால் கிழக்கு மாவட்டம் மற்றும் மேற்கு
மாவட்டப் பகுதிகளில் வைக்கப்பட்டிருந்த சக்தி வாய்ந்த வெடிகுண்டுகளை
பாதுகாப்புப் படையினர் செயலிழக்கச் செய்தனர். 60 தொகுதிகளில் தேர்தல்: மாநிலத்தில் மொத்தம் 60 தொகுதிகளுக்கு தேர்தல் நடைபெற்றது. களத்தில் 279 வேட்பாளர்கள் உள்ளனர். மாநிலம்
முழுவதும் 2,357 வாக்குச் சாவடி மையங்கள் அமைக்கப்பட்டிருந்தன. 12,967
தேர்தல் அலுவலர்கள் பணியில் ஈடுபடுத்தப்பட்டனர். மாநில போலீஸாரைத் தவிர 350
கம்பெனி படைகளும், துணை ராணுவப் படையைச் சேர்ந்த 270 வீரர்களும்
பாதுகாப்புப் பணியில் ஈடுபட்டனர். தீவிரவாதிகள் மிரட்டல்: தேர்தலைப்
புறக்கணிக்குமாறு 7 தீவிரவாத அமைப்புகள் அழைப்பு விடுத்திருந்தன. ஆனால்,
காலை 7 மணிக்கு வாக்குப் பதிவு தொடங்கியதும் மக்கள் நீண்ட வரிசையில்
காத்திருந்து ஜனநாயகக் கடமையை ஆற்றினர். முதல்வர் இபோபி சிங், தோபல் மாவட்டத்தில் உள்ள கங்காபோக் வாக்குச் சாவடி மையத்தில் வாக்களித்தார்.மாநிலம்
முழுவதும் மதியம் வரை வாக்குப் பதிவு அமைதியாக நடைபெற்றது. பிற்பகலுக்குப்
பின்னர் தீவிரவாதிகள் நடத்திய தாக்குதல்களால் சில இடங்களில் பதற்றம்
காணப்பட்டது. கடும் போட்டி: ஆட்சியைக் கைப்பற்றுவதில் ஆளும்
காங்கிரஸýக்கும், ஐந்து கட்சிகள் அடங்கிய மக்கள் ஜனநாயகக் கூட்டணிக்கும்
இடையே கடும் போட்டி நிலவுகிறது. ஐந்து கட்சிகள் கூட்டணியில் மணிப்பூர்
மக்கள் கட்சி, தேசியவாத காங்கிரஸ், மார்க்சிஸ்ட் கம்யூனிஸ்ட், ஐக்கிய ஜனதா
தளம், ராஷ்டிரீய லோக தளம் ஆகிய கட்சிகள் உள்ளன. மணிப்பூர் மாநில
காங்கிரஸ் கட்சியுடன் பாஜக கூட்டணி அமைத்து போட்டியிடுகிறது. பாஜக 19
இடங்களிலும், மணிப்பூர் மாநில காங்கிரஸ் 34 இடங்களிலும் போட்டியிடுகின்றன.நாகாலாந்து
மாநிலத்தின் ஆளும் கட்சியான நாகா மக்கள் கட்சி 12 இடங்களில் தனித்துப்
போட்டியிடுகிறது. இந்திய கம்யூனிஸ்ட் கட்சி 24 இடங்களிலும், திரிணமூல்
காங்கிரஸ் 47 இடங்களிலும் தனித்துப் போட்டியிடுகின்றன.