2ஜி: கனிமொழி உள்பட 8 பேரின் ஜாமீன் மனு தள்ளுபடி; நிராகரிப்புக்கான காரணங்களை அடுக்கிய நீதிபதி!

2ஜி
ஸ்பெக்ட்ரம் வழக்கில் திமுக எம்.பி. கனிமொழி உள்பட 8 பேரின் ஜாமீன்
மனுக்களை டெல்லி சிபிஐ சிறப்பு நிதிமன்றம் இன்று தள்ளுபடி செய்தது.

சிபிஐ எதிர்ப்பு தெரிவிக்காததால் திமுக எம்.பி. கனிமொழி, கலைஞர் டிவி
நிர்வாக இயக்குனர் சரத்குமார் உள்பட 5 பேருக்கு ஜாமீன் வழங்கப்படலாம் என
எதிர்பார்க்கப்பட்டது.


இந்த நிலையில், 2ஜி ஸ்பெக்டரம் வழக்கில் குற்றம்சாட்டப்பட்ட 8 பேரின்
ஜாமீன் மனுக்களையும் டெல்லி சிபிஐ சிறப்பு நீதிமன்ற நீதிபதி ஓ.பி.சைனி
இன்று தள்ளுபடி செய்தார்.

மேலும், கனிமொழி உள்ளிட்டோர் மீது சிபிஐ தொடர்ந்த குற்றச்சாட்டுகள்
தொடர்பாக வரும் 11-ம் தேதி முதல் விவாதம் நடைபெறும் என்று நீதிபதி
அறிவித்தார்.

ஜாமீன் மனுக்கள் தள்ளுபடி செய்ததற்கான காரணங்கள்...

கனிமொழி, சரத்குமார் உள்பட 8 பேரின் ஜாமீன் வழங்க மறுத்த நீதிபதி சைனி,
அம்மனுக்களை தள்ளுபடி செய்ததற்கான காரணங்களையும் அடுக்கினார். அதன் விவரம்:

* இந்த வழக்கில் குற்றச்சாட்டுகள் கடுமையானவை. நாட்டின் பொருளாதாரத்துக்கு மிகுந்த பாதிப்பை ஏற்படுத்தக் கூடியவை.

* சிபிஐ எதிர்ப்பு இல்லை என்பது சட்டத்தின் பார்வையில் எந்தப் பாதிப்பையும் ஏற்படுத்தாது.

* ஜாமீனில் விடுவிக்கப்பட வேண்டிய அளவுக்கு கரீம் மொரானியின் உடல்நிலை மிகுந்த மோசமில்லை.

* சமூகத்தில் மதிப்புமிக்க நிலையில் இருப்பதுடன், மாநிலங்களவை
உறுப்பினராகவும் இருக்கிறார் கனிமொழி. எனவே, தாம் ஒரு பெண் என்பதால் சலுகை
அளித்திட வேண்டும் என்ற நிலை அவருக்கு பொருந்தாது. அவர் எந்த விதத்தில்
சிறுமைப்படுத்தப்படவில்லை.

* குற்றம்சாட்டப்பட்டவர்களின் உரிமைகள் முக்கியம் தான். ஆனால்,
பாதிக்கப்பட்டவர்கள் மற்றும் சாட்சிகளின் உரிமையும் அவற்றுக்கு சற்றும்
குறைந்தது அல்ல.

இவ்வாறு நீதிபதி ஓ.பி.சைனி விளக்கம் அளித்தார்.

கனிமொழிக்கு
இன்று ஜாமீன் கிடைத்துவிடும் என்ற எதிர்பார்ப்பில், பாட்டியாலா
நீதிமன்றத்தில் முகாமிட்டிருந்த அவருடைய உறவினர்களும், திமுகவினரும்
பெரும் ஏமாற்றம் அடைந்தனர்.

முன்னதாக, டெல்லி நீதிமன்ற வளாகத்தில் தனது கணவர், மகன் மற்றும் தாயார் ராஜாத்தி அம்மாள் ஆகியோரை கனிமொழி சந்தித்துப் பேசினார்.

திமுக நாடாளுமன்றக் குழு தலைவர் டி.ஆர்.பாலு, நடிகை குஷ்பு ஆகியோரும் உடன் இருந்தனர்.

கனிமொழி ஜாமீன் மனு மீதான உத்தரவு இன்று பிறப்பிக்கப்படுவதையொட்டி, திமுக
பொருளாளர் மு.க.ஸ்டாலினும் இன்று டெல்லி வந்திருந்தார். எனினும், அவர்
நீதிமன்றத்துக்கு வரவில்லை.

ஒருவேளை கனிமொழிக்கு ஜாமீன் கிடைத்தால், திகார் சிறையில் இருந்து அவரை
அழைத்து வருவதற்கு ஸ்டாலின் செல்லவிருந்ததாக திமுக வட்டாரங்கள் தெரிவித்தன.


ஆனால், தற்போது ஜாமீன்
இல்லை என்பது உறுதியாகிவிட்ட நிலையில், கனிமொழியை திகார் சிறையில் அவர்
சந்தித்துவிட்டு திரும்புவார் எனத் தெரிகிறது.

உயர் நீதிமன்றத்தை நாட முடிவு...

டெல்லி சிபிஐ சிறப்பு நீதிமன்றம் கனிமொழிக்கு ஜாமீன் மறுத்துள்ளதால்,
டெல்லி உயர் நீதிமன்றத்தில் மேல்முறையீடு செய்ய முடிவு செய்யப்பட்டுள்ளதாக
திமுக வட்டாரங்கள் தெரிவிக்கின்றன.

2ஜி
ஸ்பெக்ட்ரம் வழக்கில் கைது செய்யப்பட்ட கனிமொழி, கடந்த ஐந்து மாதங்களாக
திகார் சிறையில் இருக்கிறார். லஞ்சம் பெற்றது, குற்றச்சதி மற்றும்
நம்பிக்கை மோசடி உள்ளிட்ட குற்றச்சாட்டுகள் அவர் மீது பதிவு
செய்யப்பட்டிருப்பது குறிப்பிடத்தக்கது.

evalai varaverkka திருடர்கள் கூட்டமாக டொல்லில erukkanangalama

evalai varaverkka திருடர்கள் கூட்டமாக டொல்லில எருக்கனன்கலாமா. அவ சைஸ் நல்ல இருக்கு