மார்பகப் புற்றுநோய், மார்பக மறு உருவாக்கம்.

by **ஜனனி** Tue Oct 18, 2011 9:36 pm

[You must be registered and logged in to see this image.]

ஒரு
பெண் தனது மார்பகத்தை இழக்க நேரிடின் தனது பெண்மையின் அடையாளத்தையே
இழந்ததுபோல் உணர்வாள். இந்த உணர்வை வார்த்தைகளால் விவரிக்க முடியாது. ஒரு
சிலர் வெகுளியாக “மார்பகம் மீ ண்டும் வளரக்கூடிய வாய்ப்பு உள்ளதா” என்று
கேட்கையில் ஒரு மருத்துவர் என்கிற வகையில் நான் மிகவும் மனவேதனை
அடைவதுண்டு.

இழந்த
மார்பகத்தை மீண்டும் உருவாக்குதலில், சம்பந்தப்பட்டவரின் உடலின்
பிறபகுதிகளிலிருந்து தசையை எடுத்தும் அல்லது செயற்கை மார்பகத்தைப்
பொருத்தியும் சிகிச்சை செய்ய முடியும். இவ்வாறு புதிதாக உ ருவாக்கப்படும்
மார்பகம் அடுத்த பக்கம் இருக்கும் இயற்கையான மார்பகத்தைப்போல அமைவது
கடினம். மேலும் அதில் எந்தவித தொடு உணர்ச்சியும் இருக்காது.

சிலருக்கு
மார்பக அறுவை சிகிச்சை செய்யும் அதே நேரத்திலேயே இந்த மறு உருவாக்க
அறுவை சிகிச்சையையும் செய்ய முடியும். ஒரு சிலருக்கு கொஞ்ச மாதங்கள்
அல்லது வருடங்கள் கழித்து இந்த [You must be registered and logged in to see this image.]மறு
உருவாக்கத்தை செய்ய வேண்டிவரும். சம்பந்தப்பட்ட பெண்ணின் உடல் நிலை,
வயது, என்ன வகையான மார்பகப் புற்றுநோய்? இதுவரையில் என்ன சிகிச்சை
மேற்கொள்ளப்பட்டது? இனி என் னவிதமான சிகிச்சை தேவைப்படும் ஆகிய
எல்லாவற்றையுமே கணக்கில் எடுத்துக் கொள்ள வேண்டும். அதன் அடிப்படையில்தான்
எப்போது, என்னவிதமான மறு உருவாக்கம் செய்வது பொருத்தமாக இருக்கும்
என்பதைத் தீர்மானிக்க முடியும்.

இந்த மறு உருவாக்கத்தினால் ஏற்படக் கூடிய பின்விளைவுகள்
1. அறுவை சிகிச்சை தழும்புகள் இருக்கும்.
2. இயல்பு நிலைக்குத் திரும்ப நீண்ட நாட்கள் ஆகலாம்.
3. புதிதாக
உருவாக்கிய மார்பகத்திற்கு இரத்த ஓட்டம் சரியாகக்
கிடைக்கவில்லையென்றால், அதில் ஒரு பகுதியையோ அல்லது முழுவதுமாகவோ இழக்க
நேரிடலாம்.
4. கிருமித் தொற்று ஏற்படக்கூடும்.
5. காயம் ஆற அதிக காலம் ஆகக்கூடும்.
இவை போன்ற காரணங்களினால் மேற்கொண்டு சிகிச்சையைத் தொடர நீண்ட காலம் ஆகலாம்.
செயற்கை மார்பக மறு உருவாக்கம்
சிலிக்கான்
அல்லது நீர்ப்பை, இயற்கையான மார்பக வடிவத்திலேயே கிடைக்கின்றன. இதனை
Breast Implants என்று ஆங்கிலத்தில் கூறுவார்கள். சிலிக்கான் அல்லது
நீர்ப்பை போன்ற செயற்கை மார்பகத்தை மார்புக்கூட்டிலிருக்கும் தசைக்குக்
கீழ் வைத்து இயற்கையான மார்பக வடிவத்திற்கு மருத்துவர்கள்
கொண்டுவருவார்கள்.
மேற்கத்திய நாடுகளில் சிலிக்கான் செயற்கை மார்பகத்தை
உபயோகிப்பதனால் லூபஸ் (lupus), ஸ்க்லேரோடெர்மா போன்ற பின்விளைவுகள்
ஏற்படுவதாக அங்குள்ள பெண்கள் பலர் வழக்குத் தொடர்ந் திருக்கிறார்கள்.
ஆனால், சிலிக்கான் செயற்கை மார்பகத்தினால்தான் இந்த பின்விளைவுகள்
ஏற்பட்டிருக்கி ன்றன என்பதற்கான எந்தத் தெளிவான ஆதாரமும் இதுவரை
கிடைக்கவில்லை. இன்று இருக்கும் வழிகளிலேயே மார்பக மறு உருவாக்கத்துக்கான
எளிய மற்றும் வேகமான வழியாக இதுவே இருக்கிறது.

இந்த முறையில் என்னென்ன பிரச்னைகள் வரக்கூடும்?

1.
கிருமித் தொற்று சிலிக்கான் நம் உடலைப் பொறுத்தவரை ஒரு அந்நியப்
பொருளாகும். எனவே அந்தப் பகுதியில் கிருமித் தொற்று ஏற்பட வாய்ப்பு
இருக்கிறது.
2. சிலிக்கானைச் சுற்றி தழும்பு ஏற்பட்டு மறு உருவாக்கம் செய்யப்பட்ட மார்பகத்தின் வடிவத்தைப் பாதிக்கலாம்.
3. புதிதாக உருவாக்கப்பட்ட மார்பகத்திலிருந்து சிலிக்கான் கசிய வாய்ப்பு இருக்கிறது. இது பல பிரச்னைகளை உருவாக்கும்.
4.
மொத்தத்தில் சீரான அழகிய மார்பகத்தை பெற வேண்டுமானால் ஒருமுறைக்கு
பலமுறை சரிபார்க்கும் அறுவை சிகிச்சைகளை செய்ய வேண்டி நேரிடலாம்.
5. அறுவை சிகிச்சைக்குப் பிறகு ரேடியோ தெரபி சிகிச்சை செய்வதாக இருந்தால் இந்த சிலிக்கான் பொருத்தும் அறுவை சிகிச்சை உகந்தது அல்ல.
6. சிலிக்கான் செயற்கை மார்பகம் அதிக விலை கொண்டதாகும்.

எந்த
வயதானாலும் நோயாளி பெண்மையின் அடையாளம் எனக் கருதப்படும் மார்பகத்தை
இழக்க வி ரும்புதில்லை. இதற்கு சீதா பாட்டியை ஒரு முன்னுதாரணமாகச்
சொல்லலாம்.

சீதா பாட்டியின் வயது 82. அந்த வயதிலும், சிறு வயதுப்
பெண் போல சுறுசுறுப்பும், ஒட்டு மொத்த கு டும்பத்தின் தூணாகவும் பம்பரமாய்
வளைய வந்துகொண்டிருந்தார். அவரது மார்பில் சிறிய கட்டி ஒன்று இருப்பது
தெரிய வர, அவரது பேத்தி சிகிச்சைக்காக என்னிடம் அவரை அழைத்து வந்தார்.
அது புற்றுநோய் கட்டி என்பது பரிசோதனையில் தெரியவர சீதாப்பாட்டியின்
மார்பகம் ஒன்றை அறுவை [You must be registered and logged in to see this image.]சிகிச்சை
செய்து எடுக்க நேரிட்டது. சிகிச்சைக்குப் பிறகு குணமடைந்துவரும் பாட்டியை
காணச் சென் றபோது “அம்மாடி, என்னை அர்த்தநாரி போல் ஆக்கிவிட்டா.
பரவாயில்லை. எனது மார்பகம் மீண்டும் வளருமா?” என்று கேட்டபோது எனக்கு
மிகவும் ஆச்சர்யமாயும் ஒருவிதத்தில் பச்சாதாபமாகவும் இருந்தது. மருத்துவர்
என்கிற வகையில் வயதான பாட்டி தானே! மார்பகம் இருந்தால் என்ன? போனால்
என்ன? நோய் குணமானால் சரி என்றுதான் நினைப்போம். ஆனால் ஒரு பெண்ணைப்
பொறுத்தவரை எந்த வயதானாலும் பெண்மையின் அடையாளத்தை இழக்க
விரும்புவதில்லை.

thanks:tamilsourse