15 வயது இளம் பெண் 6 வது மாடியிலிருந்த குதித்துத் தற்கொலை! (காணொளி இணைப்பு)

by **ஜனனி** Sun Oct 16, 2011 7:36 am

பரிஸ் 18 இலுள்ள rue
Stephenson இல் வியாழக்கிழமை ஒரு 15 வயது இளம் பெண் 6 வது மாடியிலிருந்த
குதித்துத் தற்கொலை செய்துள்ளர். இந்தப் பெண் மோசமான உளவியவியற்
சித்திரவதைகளுக்கு உள்ளாகியுள்ளதாகத் தெரியவந்துள்ளது.

இந்தப் பெண்ணுடன் சிலகாலமாக சக மாணவிகள் சிலர் பெரும் வாய்த்தகராறுகள்
செய்துள்ளனர். தற்கொலை செய்வதற்கு முன்னரும் கிட்டத்தட்ட 15 இலிருந்து 20
பேர் வரையாக இவரது கல்லுரிப் பெண்கள் இவர் வீட்டிற்குள் நுழைந்து பெரும் மன
உளைச்சலைக் கொடுத்துள்ளனர்.

தகராறின் போது உள்ளே இருந்த இவரது சகோதரர்களின் வாக்குமூலத்தின் படி
வந்த பெண்கள் “ நீயாக உனது வாழ்வை முடித்து விட்டால் நல்லது. இல்லையென்றால்
உனது உடல் சித்திரவதைக்கு உள்ளாகும்” என்று மிரட்டிச் சித்திரவதை
செய்துள்ளனர். இவர்களை அந்தக் கட்டிடத்தின் காவற் பொறுப்பாளர் (gardienne)
சென்று வெளியேற்றியுள்ளார்.

இவர்கள் சென்ற சிறிது நேரத்தில் 6ம் மாடியிலுள்ள இவரது வீட்டிலிருந்து
யன்னலினால் குதித்துத் தற்கொலை செய்துள்ளார். தன் கண்களைக் கட்டியபடி
குதித்துத் தற்கொலை செய்ததாகக் நேரில் கண்ட சாட்சியங்கள் கூறியுள்ளனர்.
அந்தச் சமயத்தில் பெண்ணின் தாயார் உடைகள் துவைக்க வெளியே
சென்றிருந்துள்ளார்.

தற்கொலை நடந்து சிறிது நேரத்திலேயே பலரின் சாட்சியங்களின் அடிப்படையில்
சமவயதுள்ள 5 பெண்கள் கைது செய்யப்பட்டு விசாரணைக்காகக் கொண்டு
சென்றுள்ளனர்.

இவ்விசாரணையை சிறு வயதினர்க்கான விசேட காவற்துறை (brigade de protection
des mineurs) பொறுப்பேற்றுள்ளது. இறந்த பெண் உபயோகித்த கணினியும் இவரின்
சில கடிதங்களையும் காவற்துறையினர் கொண்டு சென்றுள்ளனர்.

விசராணைகளின் ஆரம்பக் கட்டத்தில் சில சமூகத் தளங்களில் (Facebook,
messenger etc…)ஏற்பட்ட முரண்பாடுகளே தற்கொலை வரை தூண்டியுள்ளதாகத்
தெரியவந்துள்ளது.

ஒரு சகமாணவியை உளவியற் பலாத்காரம் செய்து தற்கொலை செய்ய வைக்குமளவிற்கு இளமனங்களில் வக்கிர எண்ணங்கள் துளிர் விட்டுள்ளன.

சமூகத்தளங்களில் பிள்ளைகளுக்கு விடப்படும் சுதந்திரமும் ஒரு வயதின்
பின்னர் பிள்ளையின் விடயங்களைக் கவனிக்காது அவர்களைத் தனித்தியங்க விடும்
இந்த கலாச்சார நாகரிகமும் சில பிள்ளைகளின் செயல்களும் எண்ணங்களும்
வக்கிரமாகவும் வன்முறையாகவும் மாறத் தூண்டும் காரணிகளாக அமைந்து
விடுகின்றன.

15 வயது இளம் பெண் 6 வது மாடியிலிருந்த குதித்துத் தற்கொலை! (காணொளி இணைப்பு) Suside1

15 வயது இளம் பெண் 6 வது மாடியிலிருந்த குதித்துத் தற்கொலை! (காணொளி இணைப்பு) Suside1

எமது வளர்ப்பு முறைகளில் பெண்ணைத் திருமணம் செய்து கொடுக்கும் வரை
பெற்றோர் கண்ணும் கரத்துமாக வளர்ப்பதைப் பிள்ளைகளும் விரும்புவதில்லை.
மேற்கத்திய நாகரிகம் அதை விமர்சிக்கவும் தவறுவதில்லை.

ஆனால் அந்தப் பெற்றோரின் கரிசனையும் பொறுப்புமே எம் பிள்ளைகளை இப்படியான
விபத்துக்ளிலும் சீரழிவுகளிலும் சிக்காமல் காப்பாற்றுகிறது என்பதை இவர்கள்
உணரப் போவதில்லை.
[You must be registered and logged in to see this link.]