சிறிலங்காவை குறிவைக்கும் சீன முதலீட்டாளர்கள்

சிறிலங்காவில்
முதலீடு செய்வதற்கான சாத்திய கூறுகளை ஆராய தெற்கு சீனாவின் யுனான்
[Yunnan] பகுதியை சார்ந்த பொருளாதார அமைப்பின் பிரதிநிதிகள் குழு
சிறிலங்கா செல்லவிருப்பதாக முதலீடுகளுக்கான நிர்வாக சபை [Board of
Investment] அறிவித்துள்ளது.

மூத்த சீன பொருளாதார நிபுணர்களையும்,
ஆராய்ச்சியாளர்களையும் உள்ளடக்கிய 15 பேர் கொண்ட பிரதிநிதி குழு ஒன்று
சீனாவில் இருந்து செல்லவிருப்பதாக பொருளாதார மேம்பாட்டு நிறுவனம்
[investment promotion agency] தன் அறிக்கையில் தெரிவித்துள்ளது.

தெற்காசிய
நாடுகளுடனான தங்கள் இணைப்பை பலப்படுத்திக் கொள்ளும் முயற்சிகளில் சீனாவின்
தெற்கு பகுதியை சார்ந்த யுனான் [Yunnan] ஈடுபட்டுள்ளதாக அப்பகுதி
பொருளாதார ஆராய்ச்சி இலாகாவின் [Economic Research Department of Yunnan
Province] துணை நிர்வாக இயக்குனர் கூறியுள்ளது குறிப்பிடத்தக்கது.

சிறிலங்காவில் முக்கியத்துவம் வாய்ந்த முதலீடுகள் செய்யப்படும் என யுன்னான் பொருளாதார பிரதிநிதிகள் அமைப்பு ஒப்புக் கொண்டுள்ளது.

சமீபத்திய வருடங்களில் கிழக்காசிய நாடான சிறிலங்காவில் முக்கிய முதலீடுகள் செய்யும் நாடு சீனா என்பது குறிப்பிடத்தக்கது.

ஷாங்காய்
[Shanghai], கிழக்கு சீனா மற்றும் புஜியன் [Fujian] ஆகிய பகுதிகளை
சேர்ந்த சீன வர்த்தக அமைப்புகளின் பிரதிநிதிகள் வருகை தந்துள்ள
விபரங்களையும் முதலீடுகளுக்கான நிர்வாக சபை [Board of Investment]
அறிவித்துள்ளது.

சீன நிறுவங்களிடம் ஒப்படைக்கப்பட்ட மிரிகம
[Mirigama] மற்றும் கொழும்பின் வடக்கு பகுதிகளில் ஏற்படவிருக்கும் சிறப்பு
பொருளாதார மண்டலங்களுக்கான கட்டுமான பணிகள் ஏற்கனவே தொடங்கப்பட்டு விட்டன.