டிரைவர் மது அருந்தியதால் ரயில் விபத்து நடந்ததா?

var section=3385;var width=300;var height=250;var enc=1;var clicktag="";var pop=0;

மீனம்பாக்கம்: டிரைவர் மது அருந்தியதால் ரயில் விபத்து நடந்ததா?
என்பதற்கு ரயில்வே அமைச்சர் திரிவேதி பதில் அளித்தார். அரக்கோணத்தில்
நேற்று இரவு நடந்த ரயில் விபத்து குறித்து நேரடியாக விசாரணை நடத்த ரயில்வே
அமைச்சர் திரிவேதி, இணை அமைச்சர் முனியப்பா ஆகியோர் டெல்லியில் இருந்து
விமானத்தில் இன்று காலை 9.45 மணி அளவில் சென்னை வந்தனர். அங்கு அமைச்சர்
திரிவேதி நிருபர்களிடம் கூறியது: நடந்த சம்பவம் மிகவும் துரதிருஷ்டவசமானது,
அதற்கு ஆழந்த வருத்தம், இரங்கல் தெரிவிக்கிறேன்.

முதல்கட்ட
விசாரணையில் இந்த விபத்துக்கு காரணம் மனித தவறுதான் என்று தெரிய
வந்துள்ளது. சிவப்பு சிக்னல் இருந்தும் மின்சார ரயிலை இயக்கி வந்த டிரைவர்
அதை கவனிக்காமல் மிக வேகமாக ரயிலை ஓட்டி சென்றுள்ளார். அருகில் சென்ற
பிறகுதான் அதே தண்டவாளத்தில் முன்னால் மற்றொரு ரயில் நின்றதை
பார்த்துள்ளார். ரயில் வேகமாக சென்றதால் நிறுத்த முடியவில்லை.
விபத்துக்குள்ளாகி இருக்கிறது.

மின்சார ரயில் டிரைவர் குடிபோதையில்
இருந்தார் என்று கூறுவது தவறு. அவரிடம் நடத்திய மருத்துவ பரிசோதனையில்
அவர் மது அருந்தியதற்கான ஆதாரம் எதுவும் இல்லை. மேலும் அந்த டிரைவர் ஓய்வு
இல்லாமல் ரயிலை ஓட்டினார் என்பதும் தவறு. ஏற்கனவே 16 மணி நேரம் ஓய்வில்
இருந்த பிறகுதான் மீண்டும் பணிக்கு வந்துள்ளார். இப்போது நான் சென்னை
மருத்துவமனைக்கு சென்று விபத்தில் காயம் அடைந்தவர்களை பார்த்து ஆறுதல்
கூறுகிறேன். அதன் பிறகு சென்ட்ரலில் இருந்து தனி ரயில் மூலம் விபத்து நடந்த
இடத்துக்கு சென்று விபத்துக்கான காரணம் பற்றி நேரடியாக ஆய்வு செய்வேன்.

இதைப்போன்ற
துரதிஷ்டமான விபத்துகள் மீண்டும் நமது நாட்டில் எந்த பகுதியிலும் நடக்காத
வண்ணம் அனைத்து பாதுகாப்பு நடவடிக்கைகளும் எடுக்கப்படும்.
இந்த
விபத்தில் இருவரை எத்தனை பேர் இறந்துள்ளனர், எத்தனை பேர் காயம்
அடைந்துள்ளனர் என்பது முழுமையாக வரவில்லை. இதுபற்றி நான் நேரடியாக ஆய்வு
செய்த பிறகுதான் கூறமுடியும். விபத்தில் இறந்தவர்கள் குடும்பத்துக்கு தலா
ரூ.5 லட்சம், படுகாயம் அடைந்தவர்களுக்கு தலா ரூ.1 லட்சம், லேசான காயம்
அடைந்தவர்களுக்கு தலா ரூ.25 ஆயிரம் நிவாரண நிதி வழங்கப்படும். இவ்வாறு
அமைச்சர் திரிவேதி கூறினார்.