500 படங்களில் நடித்த பழம்பெரும் நடிகை காந்திமதி மரணம்!

var section=3385;var width=300;var height=250;var enc=1;var clicktag="";var pop=0;

சென்னை: பழம்பெரும் நகைச்சுவை நடிகை காந்திமதி (65). இன்று காலமானார்.
அவரது உடல் இன்று மாலை தகனம் செய்யப்படுகிறது.சகஸ்கரநாமம் நாடக கம்பெனியில்
நடித்து கொண்டிருந்தவர் காந்திமதி. தசரதன் என்ற படம் மூலம் நடிகையாக
அறிமுகமாகமானார். பாரதிராஜாவின் ‘16 வயதினிலே’, ‘மண் வாசனை’ படம் இவரை
அடையாளம் காட்டியது. தொடர்ந்து ‘சட்டம் என் கையில்’, ‘கரகாட்டக்காரன்’
உள்பட 500 படங்களில் நகைச்சுவை வேடம், அம்மா வேடம், குணசித்ர வேடம் என
பல்வேறு கதாபாத்திரங்களில் நடித்துள்ளார் காந்திமதி.

இவர்
புற்றுநோயால் பாதிக்கப்பட்டு சிகிச்சை பெற்று வந்தார். இதையடுத்து
படங்களில் நடிப்பதை குறைத்து கொண்டார். இன்று காலை 6 மணிக்கு அவரது
உடல்நிலை மோசமானதை தொடர்ந்து மரணம் அடைந்தார். அவரது உடல் சென்னை வடபழனி
சைதாப்பேட்டை சாலையில் உள்ள வீட்டில் பொது மக்கள் அஞ்சலிக்காக
வைக்கப்பட்டுள்ளது. அவரது உடலுக்கு திரைப்படம் மற்றும் சின்னதிரை நடிகர்,
நடிகைகள் மலர் மாலை வைத்து அஞ்சலி செலுத்தினர்.

காந்திமதி தனது
உறவினர் மகன்கள் பாலசுப்ரமணியன், தீனதயாளன் ஆகியோரை தத்து எடுத்து
வளர்த்தார். அவர்கள் இருவருக்கும் திருமணம் ஆகிவிட்டது.
இன்று மாலை 5
மணிக்கு காந்திமதி உடல் ஊர்வலமாக எடுத்து செல்லப்பட்டு ஏவி.எம். ஸ்டுடியோ
பின்புறம் உள்ள சுடுகாட்டில் தகனம் செய்யப்படுகிறது.
இவர் சிறந்த காமெடி
நடிகைக்கான தமிழக அரசு விருது மற்றும் கலைமாமணி விருது பெற்றவர் என்பது
குறிப்பிடத்தக்கது.