வரலாறு காணாத உயர்வு: தங்கம் விலை ரூ.19 ஆயிரத்தை தாண்டியது-ஒரு பவுனுக்கு ரூ.688 அதிகரிப்பு

by **piraba** Tue Aug 09, 2011 9:56 pm

சென்னை, ஆக. 9-
வரலாறு காணாத உயர்வு: தங்கம் விலை ரூ.19 ஆயிரத்தை தாண்டியது-ஒரு பவுனுக்கு ரூ.688 அதிகரிப்பு Jewellery-shop

சர்வதேச
அளவில் கச்சா என்ணைய் விலை உயர்வு, அமெரிக்க டாலர் வீழ்ச்சி, தங்கத்தின்
மீதான முதலீடு அதிகரிப்பு, பங்கு சந்தை வீழ்ச்சி ஆகியவற்றின் காரணமாக
தங்கம் விலை ராக்கெட் வேகத்தில் உயர்ந்து வருகிறது.

ஆடிப்பெருக்கான
கடந்த 3-ந்தேதி ஒரு பவுன் தங்கம் ரூ.18 ஆயிரத்தை தொட்டது. இது வரலாறு
காணாத விலை உயர்வாக கருதப்பட்டது. அதில் இருந்து தங்கத்தின் விலை
ஏறுமுகமாகவே இருந்து வருகிறது. இறங்குவதற்கான வாய்ப்பு இல்லை. கடந்த
சனிக்கிழமை ஒரு பவுன் ரூ.18 ஆயிரத்து 416-க்கு விற்கப்பட்டது.
ஞாயிற்றுக்கிழமை விடுமுறை என்பதால் அதே விலை நீடித்தது.

நேற்று
தங்கம் விலை பவுனுக்கு ரூ.400 அதிகரித்து ரூ.18,816-யை தொட்டது. தங்கம்
விலை இன்று வரலாறு காணாத வகையில் ரூ.19 ஆயிரத்தை தாண்டியது. இன்றும்
தங்கத்தின் விலை அதிகரித்தது. இன்று காலையில் ஒரு கிராம் தங்கம் ரூ.2,438
விற்கப்பட்டது.

ஒரு பவுன் (8 கிராம்) ரூ.19 ஆயிரத்து
504-க்கு விற்பனையானது. நேற்றைய விலையில் இருந்து ஒரு பவுனுக்கு ரூ.688
அதிகரித்து உள்ளது. ஒரு கிராமுக்கு ரூ.86 உயர்ந்து உள்ளது. கடந்த 6
தினங்களில் ஒரு பவுன் தங்கம் விலை ரூ.1,392 உயர்ந்துள்ளது. தங்கம் விலை
ரூ.20 ஆயிரத்தை நெருங்கும் நிலையில் உள்ளது.

இன்று
காலை 10 கிராம் தங்க கட்டியின் விலை ரூ.26,198 ஆகும். இன்று காலை ஒரு
கிராம் வெள்ளி ரூ.62.95க்கும், பார் வெள்ளியின் விலை ரூ.58,845க்கும்
விற்கப்பட்டது.