சனல் 4 சாட்சியங்களின் நம்பகத்தன்மையில் எவ்வித சந்தேகமுமில்லை!

by **logu** Wed Aug 03, 2011 5:51 pm

சனல்
4 தொலைக்காட்சி கடந்த வாரம் ஒளிபரப்பிய யுத்தகளத்தில் இருந்த இரு
படைவீரர்களின் சாட்சிகளின் நம்பகத்தன்மை தொடர்பாக எந்த சந்தேகமுமில்லை என
சனல் 4 தொலைக்காட்சியின் வெளிவிவகாரச் செய்திப்பிரிவின் ஊடகவியலாளர்
ஜொனாதன் மில்லர் தெரிவித்துள்ளார்.

சண்டே லீடர் பத்திரிகைக்கு மின்னஞ்சல்
மூலம் அளித்துள்ள பிரத்தியேகப் பேட்டியிலேயே அவர் இதனைத் தெரிவித்துள்ளார்.
சாட்சியங்களிடமிருந்து முதலில் அவர்கள் கூறிய விடயங்களில்
உண்மைத்தன்மைகளை உறுதிப்படுத்தாமல் அதாவது நாங்கள் எதிர்பார்க்கப்படும்
உயர்ந்த மட்டத்திலான எதிர்பார்ப்புகளை உறுதிப்படுத்தாமல்
அக்குற்றச்சாட்டுகளை நாங்கள் வெளியிடுவதில்லை என்றார்.

மற்றும் எமது சட்டத்தரணிகள் மற்றும்
பிரிட்டனின் ஒழுங்கமைப்பு அதிகாரசபையான பிரிட்டிஷ் ஒலிபரப்பு ஒழுங்கமைப்பு
பிரிவான ஒவ்கொம் ஆகியவற்றினால் உறுதிப்படுத்தப்படாமல் இவற்றை
வெளியிடுவதில்லை என்று அவர் சண்டே லீடர் பத்திரிகைக்கு தெரிவித்துள்ளார்.
தற்போது இந்த நேரடி சாட்சியங்களின் நம்பகத்தன்மை தொடர்பில் நீதி
அளிப்பது ஏனையவர்களின் விடயம்.

நானும் எனது பிரதம ஆசிரியர்களும் இந்த
நேரடிச் சாட்சியங்களின் நம்பகத்தன்மை தொடர்பில் அதிகளவு திருப்தியடைகிறோம்.
நேரடி சாட்சியங்களின் பாதுகாப்பு அச்சத்தின் காரணமாக இவர்களுடன் தான்
எவ்வாறு தொடர்பை ஏற்படுத்தியது என்பதை தன்னால் வெளியிட முடியாது எனவும்
அவர் கூறியுள்ளார். சாட்சிகள் தமது உயிர்களுக்கு ஆபத்து
நேர்ந்துவிடுமென்ற அச்சத்தில் இருக்கின்றனர். அவர்களை அடையாளங்காட்டாமல்
இருப்பதாக நாங்கள் இணங்கியுள்ளோம்.

இராணுவத்தின் 58 ஆவது படைப்பிரிவின்
அதிகாரி மற்றும் இராணுவ வீரரின் சாட்சியங்களை சனல் 4 பதிவுசெய்து கடந்த 27
ஆம் திகதி ஒளிபரப்பியது. இந்த சாட்சியங்களின் கருத்துக்கள் மேலும்
அதிர்ச்சியை கிளப்பியுள்ளது. எனினும் இலங்கை அரசாங்கம் சனல் 4 தொலைக்காட்சி
ஒளிபரப்பிய யுத்தகளத்தில் இருந்த சாட்சிகளின் கருத்துக்களில் எவ்வித
உண்மையும் இல்லை என்று மறுத்துள்ளது.