ஈழத்தமிழர்களை உடனடியாகக் காப்பாற்றுங்கள் !

ஈழத்தமிழர்களை உடனடியாகக் காப்பாற்றுங்கள் !

தமிழ் எழுச்சிப் பேரவை கோரிக்கை !

---------------------------------------------------------------------




இந்த வருகை தமிழ்நாட்டுச்
சட்டப்பேரவையில் ராசபட்சேயை போற்குற்றவாளியாக அறிவிக்கவும் இலங்கைமீது
பொருளாதாரத் தடை விதிக்கவும் ஜெயலலிதா அவர்கள் கொண்டுவந்த வரலாற்றுச்
சிறப்புமிக்க தீர்மானத்துக்குக் கிடைத்த வெற்றியாகும்.



இந்த வேளையில் தமிழ் எழுச்சிப் பேரவை ஹிலாரி கிளிண்டன்
அவர்களிடம் உலகத்தமிழர்கள் சார்பாகவும் குறிப்பாக தமிழ் நாட்டுத்
தமிழர்கள் சார்பாகவும் விடுத்துள்ள அறிக்கை வருமாறு:


இலங்கை அதிபர் ராசபட்சே, அவர் தம்பி கோத்தபய ராசபட்சே ஆகிய இருவரையும் தமிழர் ஒருவர் கூட இல்லாத சிங்கள ராணுவத்தை வைத்து இனப்படுகொலை செய்து போர்க் குற்றம் புரிந்ததற்காக கடும் தண்டனை அளிக்குமாறு அமெரிக்க ஐக்கிய நாடும் மற்ற உலக நாடுகளும் ஐ.நா.வை வற்புறுத்துமாறு வேண்டுகிறோம்.



செஞ்சிலுவைச் சங்கம், ஐ.நா. சார்பில், ஸ்ரீஸ்ரீரவிசங்கர்
, சுவாமி அக்னிவேஷ் ,தமிழக முதல்வர் ஜெயலலிதா சார்பில் ஓர் அமைச்சர்
ஆகியோர் அடங்கிய குழு மேற்பார்வையில் ஈழத் தமிழர்க்குரிய உடனடி உதவிகள்
அளிக்கப்பட வேண்டும். மற்ற ஜனநாயக நாடுகளைப்போல எடுத்துக்காட்டாக அமெரிக்க
மாநிலத்தில் உள்ளது போல தமிழர்களுக்கு சம உரிமை உள்ளிட்ட சுய நிர்ணய உரிமை
கிடைக்க வேண்டும்.



இவையெல்லாம் தமிழர்களுக்கு கொடுக்கக்கூடாது என்று ராசபட்சே உள்ளிட்ட சிங்களர்களும் புத்தமத
பிட்சுகளும் தடுக்கும் பட்சத்தில் தமிழர்களுக்கு அமெரிக்காவும் ஐக்கிய
நாடுகள் அவையும் ஒன்று கூடி தமிழ் ஈழத்தை அமைத்துத் தர வேண்டும்.



இன்று வரையிலும் கூட ஈழத்தமிழர்கள் சிங்கள
ராணுவத்தால் அழிக்கப்பட்டு வருகிறார்கள். சாதாரண மனித உரிமைகள் கூட
இல்லாமல் விலங்குகளை விட கேவலமாக வீடு வாசல் எல்லாவற்றையும் இழந்து உணவோ
உடையோ இல்லாமல் உளவியல் ரீதியாக பாதிக்கப்பட்ட லட்சக் கணக்கான மக்கள் வதைக்கப்பட்டு வருகிறார்கள் ! பாதிக்கப் பட்ட மக்களுக்கு அடிப்படை மனித நேய உதவிகளைக் கூட உலக நாடுகளும், செஞ்சிலுவை சங்கமும் செய்யக்கூடாது என்று இன்றும் சிங்கள அரசு தடுத்து வருகிறது .



எனவே அவர்கள் சாதாரண மனிதர்களாகவாவது வாழ உடனடி நடவடிக்கை
அவசர அவசியத் தேவை ஆகும். அவர்களுக்கு வேண்டிய உணவும், தண்ணீரும் ,
உடையும், மருத்துவ வசதியும் தரப்பட வேண்டும்.

போரினால் மன ரீதியாக பாதிக்கப்பட்ட குழந்தைகளையும்,
பெண்களையும், முதியோர்களையும் மனோதத்துவ மருத்துவர்களை அனுப்பி மருத்துவம்
அளித்து அவர்களை இயல்பான வாழ்க்கைக்கு மீட்டுக் கொண்டு வரவேண்டும்.

இந்த அளவுக்குக் கடுமையாகப் பாதிக்கப்பட்ட பொதுமக்கள் மேல் தீவிரவாத விசாரணை என்ற பெயரில் இன்றும் மனித உரிமை மீறல்கள் நடைபெற்று வருகின்றன.

போரினால் பாதிக்கப்பட்ட பெண்கள் மீது .மேலும் பாலியல் வன்முறைகள் கட்டவிழ்த்து விடப்படுகின்றன.



தமிழ் இனத்தை அடியோடு அழிப்பதற்காக 8௦0,000௦௦௦ பெண்களின் கர்ப்பப்பை அகற்றப்பட்டுள்ளது என்ற கொடுமையான செய்தியை சில சிங்கள மருத்துவர்களே வெளியிட்டுள்ளனர்.



எனவே, யூத இனத்தை அழித்த இட்லரைவிடக் கொடுமையான
இனப்படுகொலையை தீவிரவாத ஒழிப்பு என்ற பெயரிலும் உள்நாட்டுப் போர்
என்றபெயரிலும் செய்த ராச பட்சே , உலக நாடுகளும் செஞ் சிலுவைச் சங்கங்களும்
தன் நாட்டின் இறையாண்மையில் தலையிடக் கூடாது என்று தடுத்து வருகிறார்.

அமெரிக்காவின்
இரட்டைக் கோபுரம் தகர்க்கப்பட்டதும் மும்பையில் தொடர் குண்டு
வெடிப்புகளும் ஆகிய பயங்கரவாதம் போன்றதே ராசபட்சே ஈழத்தமிழ் மக்கள் மேல்
நடத்திய இனப்படுகொலைத் தாக்குதலும் ஆகும். இது உள்நாட்டுக் கலவரத்தை
அடக்கியதோ தீவிர வாதத்தை ஒடுக்கியதோ அல்ல.

எனவே, இனப்
படுகொலையால் பாதிக்கப்பட்டுக் கொடுமையான சூழ்நிலையில் வாழும் ஈழத் தமிழ்
மக்களைச் சிங்கள இராணுவத் திடமிருந்து உடனடியாக மீட்டு வாழவைக்க வேண்டும்.



இந்த பிரச்சினை தொடர்பாக , கடந்த 60 ஆண்டுகளுக்கும் மேலாக சிங்களர்கள் ஈழத் தமிழர்களை இரண்டாம் தரக் குடிமக்களாக நடத்தி
இன்றுவரை கொன்று குவித்து வருவதால், தமிழர்கள் விரும்பினாலும் சேர்ந்து
வாழ சிங்களர்கள் விட மாட்டார்கள். எனவே, எதிர்காலத்திலாவது, சூடானைப் போல
தனி ஈழ நாடு அமைய உலக நாடுகளும் அமெரிக்காவும் விரைவில் நடவடிக்கை எடுக்க வேண்டுகிறோம்