இலங்கை அகதிகளுக்கு இந்தியாவில் ஓய்வூதியத் திட்டம்

தமிழகத்தில்
உள்ள அகதிகள் முகாம்களில் வசிக்கும் இலங்கைத் தமிழர்களுக்கு தமிழக அரசின்
சமூக நல பாது காப்புத்துறை சார்பில் வழங்கப்பட்டு வரும் பல் வேறு ஓய்வூதிய
திட்ட பலன்கள் வழங்கப்பட உள்ளன.
இலங்கையில் நடைபெற்ற போரின் போது தமிழகத்திற்கு அகதிகளாக வந்த இலங்கைத்
தமிழர்களின் தமிழகத்தின் பல்வேறு பகுதிகளில் உள்ள முகாம்களில் தங்க
வைக்கப்பட்டுள்ளனர்.
இலங்கைத் தமிழர்கள் கவுரவத்துடன் வாழ தேவையான நடவடிக்கைகளை எடுக்கும்
படி தமிழக முதலமைச்சர் ஜெயலலிதா கடந்த 30-5-11-ம் திகதி நடைபெற்ற
அமைச்சர்கள் ஆலோசனைக்கூட்டத்தில் சம்பந்தப்பட்ட துறை அதிகாரிகளுக்கு
உத்தரவிட்டார்.
இதன்படி இலங்கைத் தமிழர்களுக்கு தேவையான சுகாதாரம், கல்வி, இருப்பிடம்,
குடிநீர், மருத்துவம் உள்ளிட்ட வசதிகள் வழங்கப்பட உள்ளன. இலங்கைத்
தமிழர்கள் படிப்பதற்கும், அவர்கள் வேலை வாய்ப்பு பெற தேவையான பயிற்சி
வழங்கவும் முதலமைச்சர் உத்தரவிட்டார்.
மேலும் தமிழக அரசின் சமூக நல பாதுகாப்புத்துறை சார்பில் வழங்கப்படும்
பல்வேறு ஓய் வூதிய திட்டங்களை இலங்கை தமிழர்களுக்கு வழங்கவும் முதலமைச்சர்
உத்தரவிட்டார்.
இதன்படி முதியோர் ஓய்வூதியம், ஆதரவற்ற விதவை ஓய்வூதியத் தொகை, கணவனால்
கைவிடப்பட்ட பெண்களுக்கான உதவித் தொகை உள்ளிட்ட உதவித் தொகைகள் வழங்கப்பட
உள்ளன. இவர்களுக்கு தமிழ கத்தில் மற்றவர்களுக்கு வழங்கப்படுவதைப் போல
உதவித்தொகையாக ரூ.1000 வழங்கப்படும்.
இதற்காக தமிழகம் முழுவதும் மாவட்ட ஆட்சித் தலைவர்கள் தலைமையில்
ஆர்.டி.ஓ.க்கள், தாசில்தார்கள், சமூக நல பாதுகாப்புத் திட்ட தாசில்தார்கள்
பங்கேற்கும் கூட்டங்கள் நடத்தப்பட்டு வழிமுறைகள் வகுக்கப்பட்டு வருகின்றன.


Short URL: http://meenakam.com/?p=27211