சென்னை என்ஜினீயர் பார்த்தசாரதியை கொல்லும்படி சரண்யா தந்தை கெஞ்சினார்: கைதான பெண் பரபரப்பு வாக்குமூலம்

திண்டிவனம்,ஜூன்.13-

சென்னை
சிந்தாதிரி பேட்டையை சேர்ந்த என்ஜினீயர் பார்த்தசாரதியை அவரது மனைவி
சரண்யாவின் தந்தை நரசிம்மன் கூலிப்படை வைத்து கொன்றார். பார்த்த சாரதியை
சரண்யா காதல் திருமணம் செய்தது பிடிக்காததால் நரசிம்மன் அவரை தீர்த்துக்
கட்டினார். இது தொடர்பாக நரசிம்மன் அவருடைய தோழி சலுஜா, ஜானகிராமன்,
ஹேமந்ராம், திலீப் ஆகியோரை போலீசார் கைது செய்தனர்.

கொலைக்கு மூளையாக செயல்பட்ட நரசிம்மனின் தோழி சலுஜா போலீசில் கொடுத்துள்ள வாக்கு மூலத்தில் கூறியிருப்பதாவது:-

நான்
சென்னையில் உள்ள திருமண தகவல் மையம் ஒன்றில் வேலை பார்த்தேன். அப்போது
சரண்யாவின் தந்தை நரசிம்மன் தனது மகளுக்கு மாப்பிள்ளை பார்ப்பதற்காக
வந்தார். அவருடன் எனக்கு பழக்கம் ஏற்பட்டது. எங்கள் வீட்டு அருகே
கழிவுநீர் வாய்க்கால் பணி நடந்து கொண்டிருந்தது. அதை
மேற்பார்வையிடுவதற்காக நரசிம்மன் வந்திருந்தார். அப்போது அவரை சந்தித்து
பேசினேன்.

பின்னர் நான் தியானம் செய்வதற்காக ஒரு
தியான மையத்துக்கு சென்றேன். அங்கும் நரசிம்மன் வந்தார். இருவரும்
நெருங்கிய நண்பர்களாக பழகினோம். 1 1/2 மாதமாக நரசிம்மன் தியான மையத்துக்கு
வர வில்லை. அவரிடம் போனில் தொடர்பு கொண்டேன். அதற்கு அவர் தனது மகள்
சரண்யா ஒருவரை காதலித்து திருமணம் செய்து கொண்டதாக கூறினார்.

சரண்யாவை,
கணவர் பார்த்தசாரதியிடம் இருந்து பிரிக்க வேண்டும். இதற்கு உதவி செய்யும்
படி கேட்டார். நான் எனது நண்பரின் மகன்கள் ஜானகிராமன் ஹேமந்த்ராமிடம் இது
பற்றி சொன்னேன். அவர்கள் உதவுவதாக தெரிவித்தனர். திலிப் என்ற நண்பரையும்
அழைத்து வந்தனர். அவர்களிடம் பார்த்த சாரதியை மிரட்டி சரண்யாவை பிரிக்கும்
படி கேட்டுக் கொண்டேன்.

அவர்கள் பார்த்தசாரதியை
சந்திக்க சென்றனர். நரசிம்மன் காரில் சென்று பார்த்தசாரதியை அடையாளம்
காட்டினர். நேரிலேயே மிரட்டி பார்த்தனர். ஆனால் பார்த்த சாரதி
கேட்கவில்லை. எனவே கடத்தி சென்று மிரட்டுவது என்று முடிவு எடுத்தோம்.
இதற்காக ஜானகிராமன், ஹேமந்த்ராம், திலீப் 3 பேரும் காரில் சென்று
கடத்தினார்கள்.

திண்டிவனம் நோக்கி சென்ற அவர்கள்
காரிலேயே பலமுறை மிரட்டி பார்த்தனர். ஆனால் பார்த்தசாரதி பணியவில்லை. இது
பற்றி நரசிம்மனுக்கு தகவல் கொடுத்தனர். அவர் பார்த்தசாரதியை கொன்று
விடுங்கள் என்று கூறினார். ஜானகிராமனும், ஹேமந் ராமும் என்னிடம் போனில்
தொடர்பு கொண்டனர்.

பார்த்தசாரதியை மிரட்டும்
படிதான் என்னிடம் கூறினீர்கள் ஆனால் சரண்யாவின் தந்தை அவரை கொல்லும் படி
சொல்கிறார். நாங்கள் என்னசெய்யலாம் என்று கேட்டனர். உடனே நான்
நரசிம்மனிடம் போன் செய்து ஏன் கொல்ல சொல்கிறீர்கள் என கேட்டேன். அதற்கு
நரசிம்மன் பார்த்தசாரதியை கொன்றால் தான் என் மகள் எங்களிடம் வருவாள். எனவே
கொல்வதை தவிர வேறு வழியில்லை. எனவே உனது ஆட்களிடம் பார்த்தசாரதியை கொல்ல
சொல் என்று சொன்னார்.

நான் தயங்கினேன்.
பார்த்தசாரதி அழுது கோண்டே என்னிடம் கெஞ்சினார். எப்படியாவது
பார்த்தசாரதியை தீர்த்து கட்ட வேண்டும் என்றார். அவர் மிகவும் கெஞ்சியதால்
அவர் சொன்னதை நிறைவேற்ற முடிவு செய்தேன். ஜானகிராமனிடம் போன் செய்து
பார்த்தசாரதியை கொன்று தடயத்தை மறைத்து விடுங்கள் என்றேன். அதன்படி
அவர்கள் பார்த்தசாரதியை கழுத்தை நெரித்து கொலை செய்து பிணத்தை எரித்து
விட்டனர்.

பிணத்தை அடையாளம் கான முடியாது எனவே போலீசார் எங்களை கண்டு பிடிக்க மாட்டார்கள் என்று கருதினேன். ஆனால் வேறு மாதிரி நடந்துவிட்டது.

இவ்வாறு அவர் வாக்கு மூலத்தில் கூறியுள்ளார்.